Nehemiah 7:3 - Ika

³ M nọ sị wẹ, “Akpọpụkwọlẹ ni ọnụ-mgbọn Jerusalẹm d'e ru nị anwụn e kẹnrẹngụ. Ndị nche rị ọrụn wẹ kpọkinchanrịngụ ọnụ-mgbọn ile, fidọn wẹ, wẹ kebe gbashịa. Gha nị imẹ ndị bi Jerusalẹm ebeni họrị ndị ụnụ k'e tumẹ ndị nche: ndị ụnụ k'e zijẹn ọdụ nche ichẹn-ichẹn lẹ ndị k'e che nche ẹhụ iwe wẹ.”

Nehemiah 7:3 ပူးပေါင်းရင်းမြစ်များ

Nehemiah 13:19

Ogẹn ọhịhị gi gbama ụhụọhịn Fraịde nị Ụhụọhịn Ezumikẹn d'e ru, m nọ sị wẹ kpọkinsọnmẹ ọnụ-mgbọn ndị hụ, w'a kpọpụkwọlẹ wẹ d'e ru ni Ụhụọhịn Ezumikẹn a ghafegụ ama ẹnyasị ekile. M nọ budẹ ụfọdụ idibo m che ọnụ-mgbọn ndị ahụn, amamgbe w'e bubanhan ibu ọwụlẹ Ụhụọhịn Ezumikẹn,

Nehemiah 3:23

Ndị dọnzi ebe sọnn'ẹ wụ Bẹnjamini lẹ Hashubu; wẹ dọnzi ebe rị ihun ụlọ wẹ; Azaria nwa Maaseya nwa Anania dọnzi ebe sọnn'ẹ — ebe o dọnzi rị ẹhụ ụlọ a.

Nehemiah 7:2

Ya m nọ bu Jerusalẹm che nwẹnẹ m okẹnnyẹ wụ Hanani ẹka, ịya lẹ Hanania, ọkị-agha hụn kị ndị agha eze imẹ Jerusalẹm. M mẹ ẹrịra makẹni Hanani wụ ịhịan esi, ọ tụzịkwọ egun Osolobuẹ karị imẹrinmẹ ịhịan.

Nehemiah 7:4

Jerusalẹm shịa ẹfọ, hi-ogbe, kanị ndị rị imẹ ẹ ebuni ọda, wẹ e ke tụnmazị ụlọ ọda imẹ ẹ.

Ẹbụ-ọma 127:1

Omẹni Osolobuẹ atụnnị ụlọ, ndị rị a tụnn'a rị a tụn mmaka. Omẹni Osolobuẹ echeni obodo nche, onyẹ rị e che nche rị e chu ụran mmaka.

Ẹbụ-ọma 147:13

Makẹni, o fidọnkẹnmẹ ọnụ-mgbọn i; ọ gọzi ndị nke i hụn rị imẹ i.

Matiu 10:16

“Lee n'ẹ, m zikọ ụnụ kẹ atụnrụn wẹ ziye imẹ igunrun ẹwọrọ. E gi ni uche e bi — rịkẹ agwọ, ka rị nị kẹ nduru hụn ghalẹni a rụ ịhịan ẹhụ.