Nehemiah 6:9 - Ika

⁹ Wẹ ile rị a chọ nị wẹ rọn ẹnyi egun, a sị enwẹn wẹ, “O ru, ndụn a gụ wẹ, arụngụkọzị wẹ ọrụn hụ.” M nọ mẹ ekpere, sị, Osolobuẹ, “Dodo, mẹ nwan ẹka shi m ikẹn!”

Nehemiah 6:9 ပူးပေါင်းရင်းမြစ်များ

Ihiẹn Mẹni Nke Ẹbụọ 15:7

Kanị ụnụ nwẹn, kakẹnmẹni nwan. Anịkwọlẹ ni ndụn gụ ụnụ, makẹni ụnụ k'a narịn ụgwọ-ọrụn.”

Ihiẹn Mẹni Nke Ẹbụọ 32:18

Ndị ozi Sẹnakẹribụ hụ e yi ẹ, e gi asụsụ Juda a gwa ndị Juda ile gbakikomẹ elu mgbọn Jerusalẹm ebẹhụ oku, nị wẹ rọn wẹ egun, mẹ egun ban wẹ ẹnya, kẹn'ọ nị wẹ weri obodo hụ.

Ẹzra 1:6

Ya ndị ile bikunmẹni wẹ nọ gi ihiẹn-goru lẹ ihiẹn-siliva lẹ ihiẹn ichẹn-ichẹn kwadọn wẹ, lẹzi anụmanụ lẹ ihiẹn ichẹn-ichẹn rị mkpa cheni oyiye ile gha wẹ obi pụha.

Nehemiah 6:14

Euu, Osolobuẹ m, nyanhan Tobaya lẹ Sanbalatị; gi ihiẹn ile wẹ mẹ nyanhan wẹ; nyanhanzịkwọ onyẹ-amụma okpoho wụ Nụadịa lẹ ndị-amụma họdụnị, ndị te chọ nị wẹ bu egun che m ẹnya.

Ẹbụ-ọma 138:3

Ogẹn m gi kpọku i, y'a zaghọ m, bu ndụn che m obi.

Ẹbụ-ọma 56:3

Egun tụma m, ịyụ kẹ m'a tụkwasị obi.

Ẹbụ-ọma 68:35

Chuku a rịka egun! Chuku, hụn rị ụlọ-nsọ a! Chuku Izrẹlụ! O ye ndị nke ẹ ikẹn lẹ ọkịkị. Ịja-mma ya rịnị Chuku!

Ẹbụ-ọma 71:1

Euu Osolobuẹ, ịyụ kẹ m'e gbọnni! Dodo, anịkwọlẹ ifẹnrẹn mẹ m!

Azaya 40:29

O mẹ ndụn a ban ndị ndụn gụ, e yecheni ndị ndụn rịlẹni ikẹn.

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Jerimaya 38:4

Ya ndị-isi hụ nọ sị eze, “Okẹnnyẹni furu w'e gbu. Ọ rị e gi ihiẹn ndị ahụn ọ rị e ku e mẹ ndụn a gụ ndị-agha ẹnyi họdụ imẹ obodoni lẹ ndị mmaka họdụnị. Ẹlẹkwọ ọrịrịmma ndịnị kẹ okẹnnyẹni rị a chọ, eje-ihiẹn k'ọ rị e mẹkwọ wẹ.”

Izikẹlụ 30:24

M k'e mẹ ẹka eze Babilọnụ kẹnrẹn, bu ọpịa-agha m che ẹ ẹka, kanị m k'a kpagi Fẹro eze Ijiptu ẹka, ọ sụn udẹn ihun eze Babilọnụ nọkẹ onyẹ wẹ rụ eje-ẹhụ.

Zẹkaraya 10:12

M k'e mẹ ndị nke m wụrụ ndị hụn Osolobuẹ wụ ikẹn wẹ, e gi wẹ ẹfan m e jẹn. Ya kẹ Osolobuẹ ku.

Ndị Kọrẹntị Nke Ẹbụọ 12:9

Kanị Di-nwọnni-ẹnyi nọ sị m, “Eyemẹka m sụọ k'ị chọ, makẹni ebe ndụn nọlẹni rị kẹ ikẹn m nọ a pụhachanrịn ifọn.” M'a nyan nwan isi, a ghọghọ, nị ndụn arị m, kẹni ikẹn Kraịstị hụn ụzọ rịsọnmẹ imẹ m.

Ndị Ẹfẹsọsụ 3:16

M rị a rịọ a n'o gi ihiẹn ahụn ile o nwọn ye ụnụ ikẹn ụnụ e gi ze imẹ obi ụnụ ghahanị Mmọn-nsọ a.

Ndị Ẹfẹsọsụ 6:10

Nke ikpanzụụn, kakẹnmẹ ni ebe ihiẹn Di-nwọnni-ẹnyi rị, e nwọnkẹnmẹ ikẹn ẹ ahụn hi ogbe.

Ndị Filipi 4:13

M'a saẹka e mẹ ihiẹn ile ghahanị Onyẹ hụn e ye m ikẹn.

Hibru 12:12

Gbakẹnmẹ ni nwan ẹka lịlọhịnị lẹ mkpụkụ rị a ma nni.

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Samuẹlụ Nke Ibuzọ 30:6

Obi eruni Defidi alị kaka, makẹni ndị hụ sọnkọn'a hụ e ku oku igi ọmụma magbu ẹ — ihiẹn hụn mẹ ụmụ onyẹ-onyẹ hụ a fụ hụnyẹ akpobi. Kanị Defidi nọ gi Osolobuẹ wụ Chuku ẹ kasị enwẹn ẹ obi.