Nehemiah 6:14 - Ika

¹⁴ Euu, Osolobuẹ m, nyanhan Tobaya lẹ Sanbalatị; gi ihiẹn ile wẹ mẹ nyanhan wẹ; nyanhanzịkwọ onyẹ-amụma okpoho wụ Nụadịa lẹ ndị-amụma họdụnị, ndị te chọ nị wẹ bu egun che m ẹnya.

Nehemiah 6:14 ပူးပေါင်းရင်းမြစ်များ

Nehemiah 13:29

Euu Osolobuẹ m, nyanhan wẹ, makẹni e mẹrụgụọ wẹ ọrụn nchụn-ẹjan lẹ iwu ọrụn nchụn-ẹjan lẹ iwu i tini ndị Livaị.

Nehemiah 5:19

Euu Osolobuẹ m, nyanhankwọ m ọnyanhan rị mma makẹ ihiẹn ile rị mma m mẹni ndịnị.

Ẹbụ-ọma 137:7

Osolobuẹ dodo nyanhankwọ ihiẹn ndị Ẹdọm mẹ ụhụọhịn hụ ndị-agha Babilọnụ mẹri Jerusalẹm: kẹ wẹ dọn rị e yi, “Tikpọchanrịn n'a! Tikpọchanrịn n'a ru alị!!”

Ẹbụ-ọma 22:1

Chuku m! Chuku m! Kị haịn i gi la m tọ? Kị haịn i gilẹni rị nsue n'ị zụọpụha m?! Kị haịn i gilẹni rị nsue n'ị nụ udẹn m rị a sụn?!

Ẹbụ-ọma 63:1

Osolobuẹ, ịyụ wụ Chuku m; m rị a chọ ị. Ẹgụn ị rị a gụn m rịkẹ mirin, ẹgụn ị rị a gụn ẹhụ m rịkẹ onyẹ rị alị ọkpọ-nkụn hụnlẹni mirin ra!

Ọpụpụ 15:20

Ya kẹ Miriam, okpoho onyẹ-amụma, nwẹnẹ Ẹrọnụ, nọ weri ẹgede-chakachaka, ikpoho ile nọ werisọnmẹ ẹgede sọn ẹ; wẹ hụ a kụ, e tẹn egu.

Jerimaya 14:15

Lee nwan ihiẹn mmẹ wụ Osolobuẹ ku banyeni ndị-amụma ndị ahụn gi ẹfan m e bu amụma: ẹlẹ mmẹ zi wẹ, kanị wẹ hụ a sị, ‘Kẹ ọpịa-agha kẹ ụnwụn erukọ alịnị.’ Ufiri ẹ, ọpịa-agha lẹ ụnwụn k'e gbu ndị-amụma hụ.

Jerimaya 14:18

M shi ugbo, a hụnsọnmẹ m ozun ndị wẹ gi ọpịa-agha gbu! M banye imẹ obodo, a hụn m ndị ẹgụn rị e gbu, kẹ ndị-amụma kẹ ndị nchụn-ẹjan hụ a ghahunmẹ alịnị ile bụ amarịn wẹ ihiẹn.”

Jerimaya 28:1

O ru nwan ifọn nke isẹn imẹ ahụa hụ mẹ ẹ ẹnọ Zẹdikaya kịma alị Juda, onyẹ-amụma wụ Hanania nwa Azuru onyẹ Gibiọnụ nọ gwa mmẹ wụ Jerimaya oku imẹ ụlọ-nsọ Osolobuẹ, idẹnya ndị nchụn-ẹjan lẹ ndị ọzọ ile, sị m:

Jerimaya 28:10

Ya onyẹ-amụma wụ Hanania nọ gbụpụ onyẹ-amụma wụ Jerimaya agbụn ahụn Jerimaya yimẹ enwẹn ẹ olu, tibepụ a,

Jerimaya 28:15

Jerimaya onyẹ-amụma nọzị sị Hanania onyẹ-amụma, “Hanania, gọn nwan ntịn, Osolobuẹ ezini i bu amụmanị, kanị ị nọ mẹ ndịnị gi ntụ dọn.

Matiu 24:11

Ndị amụma-ntụ bu ọda jẹnkọ d'a pụha, dufie ndị bu ọda.

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Matiu 7:15

“Kpachanpụ nị nị ndị amụma-ntụ ẹnya: w'e kọnrin kẹ atụnrụn, a bịa d'e kunrun ụnụ, kanị, eje-ẹwọrọ kẹ wẹ wụ imẹ.

Timoti Nke Ẹbụọ 3:8

Kẹ Janesi lẹ Jambresi dọn papụ oku Mozizi, ẹrịra kẹ ndịnị uche wẹ rụgụ, hụn o mẹni a jụgụọlẹ wẹ wẹ ebe ofufe Kraịstị rị, dọn a papụ ezioku.

Jọnụ Ibuzọ 5:16

Onyẹ hụn nwẹnẹ ẹ k'ọ rị e mẹ njọ, njọ hụn ghalẹni ẹ buhẹ ọnwụn, ya mẹn'ẹ ekpere, Chuku k'e ye nwẹnẹ ẹ hụ ndụn — ọnwan wụ nke ndị hụn mẹ njọ ghalẹni e buhẹ ọnwụn. Njọ e buhẹ ọnwụn rị arị: asịnị m ụnụ mẹni onyẹ mẹ ọhụn ekpere.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;