Nehemiah 6:1 - Ika

¹ Ozi nọ ru Sanbalatị lẹ Tobaya lẹ Gẹshẹm onyẹ Arabụ lẹ ndị-iṅẹnrẹn ẹnyi họdụnị ntịn nị e dọnzichanrịngụọ m mgbọn hụ, n'o nwọnzini ebe ọ nọ gba oghe. (M'e ke yikin ọnụ-mgbọn ndị rịn'a ogẹn ahụn.)

Nehemiah 6:1 ပူးပေါင်းရင်းမြစ်များ

Nehemiah 13:4

Nị ihiẹnni d'e mẹ, onyẹ nchụn-ẹjan wụ Ẹliashibu kẹ wẹ bu mmughẹ ndị w'e butọ ihiẹn imẹ Ụlọ Chuku ẹnyi che ẹka a. Ẹliashibu lẹ Tobaya wị a kpa;

Nehemiah 2:10

Ogẹn Sanbalatị onyẹ alị Horọnụ lẹ Tobaya onyẹ Amọnụ hụn rị ndị-isi ọrụn gọmẹnti gi nụ ihiẹnni, ize nọ ban wẹ nị o nwọnọlẹ onyẹ bịa d'a chọ ọrịrịmma ndị Izrẹlụ.

Nehemiah 2:19

Kanị ogẹn Sanbalatị onyẹ Horọnụ lẹ Tobaya onyẹ alị Amọnụ ahụn rị ndị-isi ọrụn gọmẹnti lẹ Gẹshẹm onyẹ Arabụ gi nụ a, wẹ nọ kpa ẹnyi ye ẹmụ, gi ọnụ mẹ ẹnyi, sị, “Kị wụ ihiẹnni ụnụ rị e mẹ? Ụnụ chọ nị ụnụ nupụ isi okpuru eze?”

Nehemiah 3:1

Ya onyẹ-isi nchụn-ẹjan wụ Ẹliashibu lẹ ndị nchụn-ẹjan ibe ẹ nọ ban ọrụn, dọnzi Ọnụ-mgbọn Atụnrụn. Wẹ nọ dọn ẹ nsọ, yikin ẹ, dọnzi ẹ d'e rukwọrị Ụlọ-nche “Ọgụn-isẹn,” dọnzi ẹ d'e ru Ụlọ-nche Hananẹlụ.

Nehemiah 3:3

Ụmụ Hasẹna dọnzi Ọnụ-mgbọn Azụn, dọyesọnmẹ osisi w'e fiẹnye elu ọnụ-mgbọn, yikin ẹ, buche ihiẹn ndị wẹ gi a kpọkin wẹ lẹ ihiẹn ndị wẹ gi e fidọn ẹ.

Nehemiah 3:6

Joyada nwa Pasia lẹ Mẹshulam nwa Besodẹya dọnzi Ọnụ-mgbọn Jẹshana (Ọnụ-mgbọn Akan), fiẹnyesọnmẹ osisi w'e fiẹnye elu ọnụmụzọ, yikin ẹ, buche ihiẹn wẹ gi a kpọkin wẹ lẹ ihiẹn wẹ gi e fidọn wẹ ọnọdị.

Nehemiah 4:1

Makẹni Sanbalatị nụ nị ẹnyi rị e dọnzi mgbọn hụ, iwe hụ e we ẹ, ọ hụ e bu olulu, e gi ndị Ju a mụ ẹmụ.

Nehemiah 7:1

Ogẹn wẹ gi rụngụ mgbọn hụ, e yikingụ m ọnụ-mgbọn ndị rịn'a, ẹnyi nọ tumẹsọnmẹ ndị e che nche ọnụ-mgbọn ile rị Ụlọ-nsọ lẹ ndị ọkụ-ẹbụ, buchesọnmẹ ndị ebọn Livaị ọnọdị ọrụn wẹ.

Daniẹlụ 9:25

“Marịn nwan ihiẹnni m jẹnkọ d'e ku; ghọta a ọhụnma: Gha ogẹn wẹ k'e gi ye iwu sị wẹ dọnzi Jerusalẹm, tụndọnzi ẹ, d'e ru ogẹn Onyẹ hụ Osolobuẹ tumẹ e gi bịa, ogẹn Onyẹ ọkịkị hụ e gi bịa, k'a wụ ‘ẹsa ụzọ ẹsa cheni ẹsa ụzọ ẹbụọ-kwasị-ọgụn-ẹtọ’. Wẹ k'a tụndọnzi ẹ, tụndẹ ọgbara-ogbe lẹ mgbọn ye ẹ, kanị wẹ k'a hụn nsọngbu wẹ gha a rụn a.