Nehemiah 5:9 - Ika

⁹ M nọ nwan sị wẹ, “Ihiẹn ụnụ rị e mẹ arị mma. Ẹlẹ o te furu nị ụnụ e gi egun Osolobuẹ ẹnyi e bi amamgbe ndị alị ọzọ ndị-iṅẹnrẹn ẹnyi gha a mụ ẹnyi ẹmụ?”

Nehemiah 5:9 ပူးပေါင်းရင်းမြစ်များ

Jẹnẹsisi 20:11

Ebraham nọ sị a, “M mẹ ẹ makẹni m sị enwẹn m, ‘W'a ra tụ egun Chuku ebeni kaka akpohu; o ru tan e gi wẹ ufiri nwunyẹ m gbu m.’

Jẹnẹsisi 42:18

Nke akp'ọhịn ẹtọ, Josẹfụ nọ sị wẹ, “Nị m gwa ụnụ ihiẹn ụnụ k'e mẹ makẹ wẹ gha e gbu ụnụ, makẹni egun Chuku a tụ m a tụ:

Samuẹlụ Nke Ẹbụọ 12:14

Kanị, makẹni y'e yegụọ ndị-iṅẹnrẹn Osolobuẹ ihiẹn w'e gi kpari ẹ, nwata-okẹnnyẹ ahụn okpohoni mụn'ị k'a nwụnhụn.”

Nehemiah 4:4

Euu Osolobuẹ ẹnyi, nụ olu ẹnyi, nị wẹ rị e lelịa ẹnyi. Mẹ ụya wẹ rị e ye ẹnyi nọ isi wẹ bi! We wẹ ye ndị-iṅẹnrẹn wẹ kpụnshi alị ọzọ!

Nehemiah 5:10

Ẹghẹẹ, mmẹ nwẹn lẹ umunẹ m lẹ ndị mmẹ lẹ wẹ rị hụzị e zinye ịhịan egho lẹ ọka, kanị nke ịna-ọmụnịnwanị, nị ẹnyi kụsị n'a!

Nehemiah 5:15

Kanị, ndị gọvanọ bu m ụzọ kị buye wẹ okẹn ibu, d'e ru ebe wẹ nọ sị wẹ tụhamanị wẹ ihiẹn-oriri lẹ manya lẹ akpụrụ egho siliva ọgụnnaị ụhụọhịn-ụhụọhịn; ndị ọrụn ndị gọvanọ a kịgbudẹ wẹ a kịgbu. Kanị, emẹni m ẹrịra, makẹ egun Osolobuẹ.

Ẹbụ-ọma 90:11

Onyẹ k'a s'ẹka marịnchanrịn kẹ olulu i zehan? Kẹ ọnụma ị han kẹ wẹ gi a tụ egun i.

Itẹn 16:29

Eje-ịhịan e dufie ibe ẹ, e mẹ ẹ a ghama ụzọ rịlẹni mma.

Itẹn 17:26

Ọrịnị mma nị wẹ ye onyẹ mẹlẹni eje-ihiẹn afụnfụn mọbụ fịan onyẹ gi ọkwa mkpịnsịn makẹni o ku ezioku.

Itẹn 18:5

Ọrịnị mma nị wẹ nị onyẹ mẹ njọ ri eṅẹn mọbụ nị wẹ ma onyẹ mẹlẹni njọ ikpe.

Itẹn 19:2

Ọrịnị mma nị ịhịan nwọn adụdụ bụ amamihiẹn arịa, mọbụ nị ịhịan hụhụ, fie ụzọ.

Itẹn 24:23

Ndịnị wụzịkwọ ihiẹn ndị nwọn amamihiẹn ku: Igbeyeni ịhịan arị mma:

Izikẹlụ 36:20

“Ebe-lẹ-ebe wẹ ru imẹ alị ndị ahụn, e wiwi wẹ Ẹfan m rị nsọ, makẹni w'e ku oku wẹ, a sị, ‘Ndịnị wụ ndị nke Osolobuẹ, kanị a ghakwọ wẹ alị a kpụnhan wẹ ebeni.’

Lẹvitikọsụ 25:36

Anakwọlẹ a ọmụnịnwa ọwụlẹ, ka tụ egun Chuku i, kẹni onyẹ Izrẹlụ ibe i hụ du i biri.

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ndị Rom 2:24

Ẹkụkwọ-nsọ sị, “Ụnụ ndị Ju haịn alị ndị ọzọ gi e kuja oku Osolobuẹ.”

Timoti Ibuzọ 5:14

Ufiri ẹ, m sị ikpoho di wẹ nwụn kelẹni ka ẹgẹdi wẹ lụrụ di, wẹ mụ ụmụ, wẹ e lepụ ikpụlọ wẹ ẹnya, amamgbe eṅẹnrẹn a hụn ihiẹn o k'e ku.

Taịtọsụ 2:5

nị wẹ e kwọndọn enwẹn wẹ, e dọnmẹ enwẹn wẹ, a ma e bi obi-ụlọ, e mẹ ẹfọma, e bu enwẹn wẹ e che okpuru di wẹ — amamgbe ịhịan e kuja oku Osolobuẹ.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.

Samuẹlụ Nke Ibuzọ 2:24

Mba, ụmụ m! Ihiẹnni m rị a nụ hụn rị a kpọ imẹ igunrun ndị nke Osolobuẹ ẹlẹkwọ ihiẹn rị mma!