Nehemiah 2:4 - Ika

⁴ Eze nọ sị m, “K'ị chọ?” Ya m nọ mẹ ekpere ozigbo jẹnni Osolobuẹ rị elu-igwee.

Nehemiah 2:4 ပူးပေါင်းရင်းမြစ်များ

Samuẹlụ Nke Ẹbụọ 15:31

A gwagụọ wẹ Defidi, sị, “Ahitofẹlụ rị ndị wẹ lẹ Absalọm gba zun'i umẹ.” Defidi nọ mẹ ekpere, sị, “Osolobuẹ dodo, mẹ ndụnmọdụn ọwụlẹ Ahitofẹlụ jẹnkọ d'e ye wụrụ nzuzu.”

Ndị-nze Nke Ibuzọ 3:5

Imẹ Gibiọnụ, Osolobuẹ nọ bịa d'e kunrun Solomọnụ imẹ nrọ imẹ uhinhin. Osolobuẹ nọ sị a, “Rịọ m ihiẹn ọwụlẹ i chọ nị m ye i.”

Nehemiah 1:11

Euu Di-nwọnni ẹnyi, dodo gọn ntịn ekpere odibo i ni lẹ idibo i ndị ọzọ hụn ọ sụọ nị wẹ e ye ẹfan ị ọghọ. Ye mmẹ wụ odibo i ẹwẹrẹ tannị, y'e mẹ eze kweri ihiẹn m jẹnkọ d'a rịọ a.” Ogẹn hụ, mmẹ wụ odibo eze hụn e buye eze manya.

Nehemiah 1:4

Ogẹn m gi nụ ihiẹn ndịnị, m nọ nọdị alị kwan ẹkwan, emẹshịanị m ẹhụ akpọhịn ole-lẹ-ole; m hụ e bu ọnụ, e mẹ ekpere a rịọ Chuku rị elu-igwee,

Nehemiah 1:5

sị, “Euu Osolobuẹ, Chuku rị elu-igwee, Chuku hụn hi ogbe, hụn w'a tụ egun ẹ, hụn e gi ihiẹn-ọsụsụọ e sọn ndị ya lẹ wẹ kwerigbama, ndị ihiẹn ẹ a sụọ hụn rị e dọnmẹ iwu ẹ.

Nehemiah 2:20

Ya m nọ sị wẹ, “Osolobuẹ rị elu-igwee k'e mẹ ẹ ghanị ẹnyi, ẹnyi ndị idibo ẹ e lihi dọnzi ẹ. O mẹ nke ụnụ, onwọnni ebe Jerusalẹm nọ wụ nke ụnụ, onwọnni hụn ọwụlẹ k'e ru ụnụ ẹka imẹ ẹ; onwọnni ogẹn Jerusalẹm gi wụ nke ụnụ.”

Nehemiah 2:5

M nọ sị eze, “Eze, omẹni ọ sụọghọ ị, omẹni ihiẹn m a sụọghọ ị, dodo zijẹn m obodo hụ rị Juda, hụn wẹ litọ ndị nẹdi m, nị m hụn ụzọ dọnzi ẹ.”

Ẹsta 5:3

Eze nọ jụ a, “Ẹsta, kị rọ, Alasị m? K'ị chọ? Ọ sụọn'a ahanmahan alị-ezeni rọ, m k'e ye y'ẹ.”

Ẹsta 5:6

Ebe wẹ rị a ra manya, eze nọzị jụma Ẹsta, “Kị rị a rịọ nwan? M k'e ye y'ẹ. K'ị chọ? Ọsụọn'a ahanmahan alị-ezeni rọ, m k'e ye y'ẹ.”

Ẹsta 7:2

Ebe wẹ rịzị a ra manya ụhụọhịn nke ẹbụọ hụ, eze nọzị sị, “Ẹsta Alasị m, k'ị rị a rịọ? M k'e ye y'ẹ. K'ị chọ ni m mẹn'i? Ọsụọn'a ahanmahan alị-eze m rọ, m k'e ye y'ẹ.”

Ẹbụ-ọma 136:26

Kpanmịn nị Chuku hụn rị elu-igwee, makẹni ihiẹn-ọsụsụọ a rị jẹnrin ejẹn!!

Itẹn 3:6

Imẹ ihiẹn ile y'e mẹ, jụgụ a ọnụ, o k'a kwan'ị ụzọ.

Makị 10:51

Jizọsị nọ sị a, “K'ị chọ nị m mẹni i?” Onyẹ ẹnya-ishi hụ nọ sị a, “Onyẹ-nkuzi, m chọ nị m leghama ụzọ.”

Ọrụn Ndị-ozi 23:19

Onyẹ-isi agha hụn kanị nọ kwọndọn nwata hụ ẹka, we ẹ shi ụsụọ, jụma a, “K'i nwọn y'a gwa m?”

Ndị Filipi 4:6

Ehuelẹ ni uhue ihiẹn ọwụlẹ; imẹ ihiẹn ile, e gi ni ekpere lẹ arịrịọ lẹ iye-ekele a gwa Osolobuẹ ihiẹn rị ụnụ mkpa.