Nehemiah 2:17 - Ika

¹⁷ M nọ nwan sị wẹ, “Ụnụ a hụngụọ nwan nsọngbu ẹnyi rị imẹ ẹ: Jerusalẹm mẹ mkpọkọ-mkpọkọ, ọnụ-mgbọn ẹ ndị wẹ dụn ọkụn nọkwọ ẹrịra. Bịa nị nwan nị ẹnyi dọnzi mgbọn Jerusalẹm, nị ẹnyi hụn ụzọ pụha imẹ ifẹnrẹn.”

Nehemiah 2:17 ပူးပေါင်းရင်းမြစ်များ

Ẹzra 9:9

Ọsụọn'a nị ẹnyi wụ igbọn okpuru ndị alị ọzọ, Chuku ẹnyi a lanị ẹnyi tọ ẹgbụn ẹnyi rị imẹ ẹ. O mẹgụọnị ẹnyi ọhụnma ihun ndị-nze Pẹshịa, gi wẹ mẹ ndụn banzị ẹnyi, kẹni ẹnyi tụndọnzi Ụlọ Chuku ẹnyi, tụnkinsọnmẹ ebe tikpọnị imẹ ẹ; ọ hụ e che ẹnyi nche imẹ Judia ile lẹ imẹ Jerusalẹm ebeni.

Nehemiah 1:3

Wẹ nọ sị m, “Ndị Ju ẹnyi ghasọnmẹ alị ndị wẹ kpụnjẹn wẹ lụaha Juda rị imẹ okẹn nsọngbu lẹ ụya. Mgbọn Jerusalẹm rị mkpọkọ-mkpọkọ; ọnụ-mgbọn ndị rịn'a wẹ dụn ọkụn nọkwọ k'ọ nọ.”

Nehemiah 2:13

M nọ gi imẹ abalị hụ jẹnmẹ, ghashi Ọnụ-mgbọn rị ibẹka Ọdanmgbugbu pụha, dọn ihun ibẹka Ọmị Jakalụ lẹ Ọnụ-mgbọn wẹ gha e kpọnpụ nsịn anụ; m hụ e jẹn, m hụ e lehunmẹ mgbọn Jerusalẹm wẹ tikpọ lẹ ọnụ-mgbọn ẹ ndị hụ wẹ gi ọkụn wiwi.

Nehemiah 2:16

Ndị-isi ọrụn-gọmẹnti rịn'a amarịn ebe m jẹn mọbụ ihiẹn m rị e mẹ, makẹni o ke nwọn onyẹ m gwa ihiẹn ọwụlẹ — kẹ ndị Ju kẹ ndị nchụn-ẹjan kẹ ndị-isi ndị Ju kẹ ndị-isi ọrụn gọmẹnti rị ebẹhụ kẹ ndị ọzọ ile hụn sikọ d'e ye ẹka rụn ọrụn hụ.

Nehemiah 3:15

Onyẹ dọnzi Ọnụ-Mgbọn Isi-mirin wụ Shalunu nwa Kọ-Hozẹ, hụn rị a kị ẹgbẹrẹ Mizpa; o dọnzi ẹ, kpu ẹ, yikin ẹ, buche ihiẹn ndị wẹ gi a kpọkin ẹ lẹ hụn wẹ gi e fidọn ẹ. Ịya dọnzizi ụsụọ-ẹjan Mirin Silụam, ẹhụ Ugbo-nta Eze, dọnzi ẹ d'e rukwọrị mgbanyinrin wẹ gi e hidan Obodo Defidi.

Ẹbụ-ọma 102:15

Alị ile k'a gbaye ẹfan Osolobuẹ; ndị-nze ile rị elu ụwa k'a gbaye ị makẹ ọghọ ị.

Ẹbụ-ọma 44:13

Y'e mẹgụọ ẹnyi wụrụ ihiẹn ẹmụ ihun ndị nọkunmẹni ẹnyi; y'e mẹgụọ ẹnyi wụrụ ihiẹn w'a mụ ẹmụ ẹnya ndị nọhunmẹni ẹnyi.

Ẹbụ-ọma 44:14

Y'e mẹgụọ ẹnyi wụrụ ihiẹn wẹ gi a kpọ iyi ẹnya alị ndị ọzọ — wẹ hụ a mụ ẹnyi, e finfin isi.

Ẹbụ-ọma 79:12

Gi ẹmụ alị ndị nọkunmẹni ẹnyi mụ ị kụ wẹ ụgwọ, kụ wẹ ya ụzọ ẹsa!

Ẹbụ-ọma 79:4

Alị ndị nọkunmẹni ẹnyi e d'a mụgbu ẹnyi; ndị fihunmẹni ẹnyi hụ a kọ ẹnyi ọnụ, e woo ẹnyi!

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Ẹkwan 2:2

Osolobuẹ emẹdẹni omikẹn, o tikpọchanrịn ebe ile ebọn Jekọpụ bi; o gigụọ ọnụma a tikpọchanrịn ebe ile w'a gbaban imẹ Nwagbọọ wụ Juda. O budangụọ alị-eze Juda lẹ ndị-isi rịn'a, bu wẹ che imẹ ifẹnrẹn.

Ẹkwan 3:51

Ihiẹn m gi ẹnya m a hụn rị a gbawa m obi — ihiẹn rị e mẹ ikpoho ile rị obodo m.

Izikẹlụ 5:14

“ ‘M k'e mẹ i wụrụ mkpọkọ-ụlọ mkpọkọ-ụlọ lẹ ihiẹn-ifẹnrẹn ẹnya alị ndị nọkunmẹn'i lẹ ẹnya onyẹ ọwụlẹ sikọ d'a ghafeni.

Maịka 7:11

Jerusalẹm, ogẹn w'e gi rụndọnzi mgbọn i lala! O ru ogẹn ahụn, wẹ k'e weshịa alị ị.

Samuẹlụ Nke Ibuzọ 11:2

Nahashi nọ sị, “Nkwa m jẹnkọ d'e kwe wụ nị m jẹnkọ d'a gụpụchanrịngụ ụnụ ile ẹnya ẹka-nni, gi ẹ gbe ifẹnrẹn kpu Izrẹlụ ile!”