Nehemiah 2:10 - Ika

¹⁰ Ogẹn Sanbalatị onyẹ alị Horọnụ lẹ Tobaya onyẹ Amọnụ hụn rị ndị-isi ọrụn gọmẹnti gi nụ ihiẹnni, ize nọ ban wẹ nị o nwọnọlẹ onyẹ bịa d'a chọ ọrịrịmma ndị Izrẹlụ.

Nehemiah 2:10 ပူးပေါင်းရင်းမြစ်များ

Nehemiah 13:1

Wẹ gụn Ẹkụkwọ Mozizi ụhụọhịn hụ wẹ ha mgbọn Jerusalẹm ye ẹka Osolobuẹ, gụn a hụn ịhịan ile nụ. Wẹ nọ hụn a n'ọ sị wẹ e webanhankwọlẹ onyẹ alị Amọnụ mọbụ alị Mụabụ ọwụlẹ n'ọ wụrụ onyẹ nke Osolobuẹ,

Nehemiah 13:28

Onyẹ ohu imẹ ụmụ Joyada nwa onyẹ-isi nchụn-ẹjan wụ Ẹliashibu rị a lụ nwa-okpoho Sanbalatị onyẹ Horọnụ; m nọ chụpụ nwa Joyada hụ ebe m rị.

Nehemiah 13:4

Nị ihiẹnni d'e mẹ, onyẹ nchụn-ẹjan wụ Ẹliashibu kẹ wẹ bu mmughẹ ndị w'e butọ ihiẹn imẹ Ụlọ Chuku ẹnyi che ẹka a. Ẹliashibu lẹ Tobaya wị a kpa;

Nehemiah 2:19

Kanị ogẹn Sanbalatị onyẹ Horọnụ lẹ Tobaya onyẹ alị Amọnụ ahụn rị ndị-isi ọrụn gọmẹnti lẹ Gẹshẹm onyẹ Arabụ gi nụ a, wẹ nọ kpa ẹnyi ye ẹmụ, gi ọnụ mẹ ẹnyi, sị, “Kị wụ ihiẹnni ụnụ rị e mẹ? Ụnụ chọ nị ụnụ nupụ isi okpuru eze?”

Nehemiah 4:7

Kanị, ogẹn Sanbalatị lẹ Tobaya lẹ ndị Arabụ lẹ ndị Amọnụ lẹ ndị Ash'dọdụ gi nụ nị ẹnyi hụkwọ e dọnzi mgbọn Jerusalẹm hụ, nị ẹnyi hụ a tụnkinsọnmẹ oghe rịn'a, iwe nọ we wẹ ọda-ọda.

Nehemiah 6:1

Ozi nọ ru Sanbalatị lẹ Tobaya lẹ Gẹshẹm onyẹ Arabụ lẹ ndị-iṅẹnrẹn ẹnyi họdụnị ntịn nị e dọnzichanrịngụọ m mgbọn hụ, n'o nwọnzini ebe ọ nọ gba oghe. (M'e ke yikin ọnụ-mgbọn ndị rịn'a ogẹn ahụn.)

Nehemiah 6:16

Ogẹn ndị-iṅẹnrẹn ẹnyi ile lẹ ndị alị ọzọ ile rị ichẹn-ichẹn nọhunmẹni ẹnyi gi nụ ihiẹnni, egun nọ tụma wẹ, ifẹnrẹn e mẹgbu wẹ, ndụn a gụ wẹ — makẹni a hụn w'a nị Osolobuẹ ẹnyi wụ onyẹ hụn yeni ẹnyi ẹka rụn ọrụnnị.

Ẹsta 10:3

Mọdikaya onyẹ Ju a hansọn Eze wụ Ahazẹrusu ogẹn ahụn; okẹn-ịhịan k'ọ wụzị imẹ igunrun ndị Ju; ndị Ju ibe ẹ bu ọda a gbaye ẹ ọda-ọda, makẹni ọ hụ e mẹ n'ọ rịnị ndị nke ẹ mma, a sị ya rịnị ẹbozo ndị Ju ile mma.

Ẹbụ-ọma 112:10

Ndị-njọ k'a hụn ihiẹnni, ize a ban wẹ; wẹ k'a ta nkwẹnrẹn-eze, dẹnhin; ndị-njọ ahụnkọ ihiẹn wẹ rị a chọ.

Itẹn 27:4

Olulu jọ njọ, ọnụma e tikpọ ihiẹn, kanị isi onyẹ k'a s'ẹka che ẹnya-ụfụ?

Itẹn 30:22

odibo hụn họnrin eze, onyẹ-nzuzu rị e rijun ẹfọ,

Ẹkịliziastisi 10:7

A hụnghọ m kẹ igbọn gi ẹshin e jẹn, ụmụ nze e gi ụkụ jẹnkọ kẹ igbọn.

Azaya 15:5

Omikẹn Mụabụ e mẹgbu m; wẹ hụ a gbarukwọrị Zụa, a gbaruzi Ẹglatị-Shẹlishiya. E nyinrin wẹ elu òke shi Luhiti, kwankọ jẹnkọ; wẹ hụzị ụzọ Horonaim, a kwan, makẹni e tikpọgụọ wẹ wẹ.

Jerimaya 41:10

Ishmẹlụ nọ nwan nwụndọn ndị ile họdụ imẹ Mizpa, kẹ ikpoho ebọn eze kẹ ndị ọzọ ile họdụ imẹ Mizpa hụn Nebuzaradanị onyẹ-isi ndị-agha e che eze Babilọnụ nche sị Gẹdalia nwa Ahikam kịma. Ishmẹlụ nwa Nẹtanịa nọ kpụnrụn wẹ ile, n'o we wẹ fetu d'e kunrun ndị alị Amọnụ.

Jerimaya 48:34

“Ẹkwan ụya wẹ rị e ri imẹ Hẹsh'bọnụ lẹ Ẹlialẹ k'e rukwọrị ndị Jahazị ntịn; ndị rị Zụa k'a kwan ụya, a nụ w'a imẹ Horonaim lẹ Ẹglatị-Shẹlishiya; makẹni mirin Nimrim k'a tahịzịdẹ.

Jerimaya 48:5

“Wẹ k'e shi alị Luhiti rị elu òke, kwankọ ụya jẹnkọ; ụzọ Horonaim rị mkpọtu òke, wẹ k'a gha a nụzịkwọ ẹkwan, ẹkwan ụya ndị wẹ rị e tikpọ.

Ọrụn Ndị-ozi 4:2

Ize hụ e ze wẹ ọda-ọda makẹni wẹ rị e gi oku Jesu a gwa wẹ nị ndị nwụnnị jẹnkọ d'e lihi.

Ọrụn Ndị-ozi 5:24

Onyẹ-isi ndị e lepụ Ụlọ-nsọ ẹnya lẹ Ndị-isi nchụn-ẹjan a nụ ihiẹnni, ọ gba wẹ ngharị-ẹnya, wẹ hụ a jụ enwẹn wẹ ihiẹn rị e mẹni.