Nehemiah 2:1 - Ika

¹ Hụn mẹ ẹ ahụa ọgụn eze wụ Atazẹzẹsi kịma, imẹ ọnwan Nisanị, ogẹn wẹ gi buhẹni eze manya a, m nọ buru manya hụ, bu ẹ ye eze. Erọnmẹtuni m idẹnya a mbu.

Nehemiah 2:1 ပူးပေါင်းရင်းမြစ်များ

Jẹnẹsisi 40:11

Mkpu Fẹro gi a ra manya rị m ẹka; m nọ ghọrị ogbe-vaịnị ndị ahụn, pịn wẹ ye imẹ mkpu Fẹro, bu mkpu ahụn che Fẹro ẹka.”

Jẹnẹsisi 40:21

O wekin onyẹ-isi ndị e buye ẹ manya ọnọdị ọ rị mbụ, ọ nọ buyemẹzi ẹ manya k'o dọn e mẹ mbụ,

Ẹzra 4:7

O ruzi ogẹn Atazẹzẹsi gi wụ eze Pẹshịa, Bish'lam, Mitrẹdatị, Tabilu lẹ ndị itu wẹ nọ dejẹnni eze wụ Atazẹzẹsi ẹkụkwọ, kpe wẹ. Asụsụ ndị Aram ịhịan ile a sụ ogẹn hụ kẹ wẹ gi de ẹ, nị wẹ d'e gi asụsụ ọzọ de ẹ. Lee kẹ wẹ dọn de ẹ asụsụ Aram:

Ẹzra 7:1

O tebe ọhụnma-ọhụnma, ogẹn Atazẹzẹsi gi wụ eze Pẹshịa, Ẹzra nọ bịa. Ẹzra wụ nwa Sẹraya nwa Azaria nwa Hil'kia.

Ẹzra 7:7

O nwọnzighọ ndị Izrẹlụ ọzọ gha Babilọnụ lụaha Jerusalẹm ahụa nke ẹsa ahụn eze-kanị wụ Atazẹzẹsi kịma — kẹ ndị nchụn-ẹjan kẹ ndị Livaị ibe wẹ a rụnyeni wẹ ọrụn kẹ ndị ọzọ e jẹn ozi imẹ Ụlọ-nsọ; ụfọdụ ndị Livaị hụ wụ ndị a bụ ẹbụ, ụfọdụ wụ ndị-nche ọnụ-mgbọn Ụlọ-nsọ.

Nehemiah 1:1

Ihiẹn Nehimaya nwa Hakalia de. Hụn mẹ ẹ ahụa ọgụn eze wụ Atazẹzẹsi kịma, imẹ ọnwan Kislẹvụ, ebe m rị obi-eze ẹ ahụn rị isi-obodo ẹ wụ Susa,

Nehemiah 1:11

Euu Di-nwọnni ẹnyi, dodo gọn ntịn ekpere odibo i ni lẹ idibo i ndị ọzọ hụn ọ sụọ nị wẹ e ye ẹfan ị ọghọ. Ye mmẹ wụ odibo i ẹwẹrẹ tannị, y'e mẹ eze kweri ihiẹn m jẹnkọ d'a rịọ a.” Ogẹn hụ, mmẹ wụ odibo eze hụn e buye eze manya.

Ẹsta 3:7

Imẹ ahụa nke mmẹbụọ eze wụ Ahazẹrusu kịma, imẹ ifọn nke ibuzọ hụ wụ ọnwan Nisanị, wẹ nọ gi Puri hụn wụ ịtụ-mkpọ gi uri-uri họye Hamanị ụhụọhịn lẹ ifọn o k'e gi mẹ ihiẹn o romẹni ndị Ju. Mkpọ wẹ tụ hanrịn ụhụọhịn nke mmẹtọ imẹ ifọn nke mmẹbụọ, ọnwan Ada.

Daniẹlụ 9:25

“Marịn nwan ihiẹnni m jẹnkọ d'e ku; ghọta a ọhụnma: Gha ogẹn wẹ k'e gi ye iwu sị wẹ dọnzi Jerusalẹm, tụndọnzi ẹ, d'e ru ogẹn Onyẹ hụ Osolobuẹ tumẹ e gi bịa, ogẹn Onyẹ ọkịkị hụ e gi bịa, k'a wụ ‘ẹsa ụzọ ẹsa cheni ẹsa ụzọ ẹbụọ-kwasị-ọgụn-ẹtọ’. Wẹ k'a tụndọnzi ẹ, tụndẹ ọgbara-ogbe lẹ mgbọn ye ẹ, kanị wẹ k'a hụn nsọngbu wẹ gha a rụn a.