Nehemiah 13:28 - Ika

²⁸ Onyẹ ohu imẹ ụmụ Joyada nwa onyẹ-isi nchụn-ẹjan wụ Ẹliashibu rị a lụ nwa-okpoho Sanbalatị onyẹ Horọnụ; m nọ chụpụ nwa Joyada hụ ebe m rị.

Nehemiah 13:28 ပူးပေါင်းရင်းမြစ်များ

Ẹzra 10:8

nị onyẹ bịalẹni d'e ru akp'ọhịn ẹtọ a napụ w'a ukuu ẹ — nị ịya kẹ ndị-isi lẹ ndị-ichẹn ku, a chụpụ w'a imẹ igunrun ndị Juda lụaha ebe wẹ kpụnjẹn wẹ.

Nehemiah 12:10

Jeshụa onyẹ-isi nchụn-ẹjan wụ nẹdi Joyakim, Joyakim wụ nẹdi Ẹliashibu, Ẹliashibu wụ nẹdi Joyada,

Nehemiah 12:22

Nke ndị Livaị, wẹ detusọnmẹ ẹfan ndị-isi wẹ lẹ ndị-ndu ndị nchụn-ẹjan — ogẹn Ẹliashibu lẹ Joyada lẹ Johananị lẹ Jadụa gisọnmẹ wụ ndị-isi nchụn-ẹjan d'e ru ogẹn Dariọsụ eze Pẹshịa:

Nehemiah 13:25

M nọ sọn ikẹnnyẹ ndị hụ kpemẹ, bụ wẹ ọnụ; m nọ gbu ụfọdụ imẹ wẹ ili, huepụ ntutu wẹ. M nọ mẹ wẹ kun Ẹfan Osolobuẹ, sị wẹ, “Ụnụ ewekọ ụmụ ụnụ ye ụmụ wẹ lụrụ; ụnụ alụkọ ụmụ wẹ ye ụmụ ụnụ mọbụ lụrụ ụmụ wẹ.

Nehemiah 2:10

Ogẹn Sanbalatị onyẹ alị Horọnụ lẹ Tobaya onyẹ Amọnụ hụn rị ndị-isi ọrụn gọmẹnti gi nụ ihiẹnni, ize nọ ban wẹ nị o nwọnọlẹ onyẹ bịa d'a chọ ọrịrịmma ndị Izrẹlụ.

Nehemiah 2:19

Kanị ogẹn Sanbalatị onyẹ Horọnụ lẹ Tobaya onyẹ alị Amọnụ ahụn rị ndị-isi ọrụn gọmẹnti lẹ Gẹshẹm onyẹ Arabụ gi nụ a, wẹ nọ kpa ẹnyi ye ẹmụ, gi ọnụ mẹ ẹnyi, sị, “Kị wụ ihiẹnni ụnụ rị e mẹ? Ụnụ chọ nị ụnụ nupụ isi okpuru eze?”

Nehemiah 3:1

Ya onyẹ-isi nchụn-ẹjan wụ Ẹliashibu lẹ ndị nchụn-ẹjan ibe ẹ nọ ban ọrụn, dọnzi Ọnụ-mgbọn Atụnrụn. Wẹ nọ dọn ẹ nsọ, yikin ẹ, dọnzi ẹ d'e rukwọrị Ụlọ-nche “Ọgụn-isẹn,” dọnzi ẹ d'e ru Ụlọ-nche Hananẹlụ.

Nehemiah 4:1

Makẹni Sanbalatị nụ nị ẹnyi rị e dọnzi mgbọn hụ, iwe hụ e we ẹ, ọ hụ e bu olulu, e gi ndị Ju a mụ ẹmụ.

Ẹbụ-ọma 101:8

Ụhụọhịn-ụhụọhịn kẹ m k'e gi e tikpọ ndị-ejẹ rị alịnị, d'e ru n'e gbupụchanrịn m ndị-njọ ile rị obodo Osolobuẹ.

Itẹn 20:26

Eze marịn ihiẹn e zinzinpụha ndị eje-omumẹ; o mẹ wẹ ihiẹn wẹ e mẹ ọka, ẹfịfịa a a pụha.

Itẹn 20:8

Eze nọdị ukpo ẹ a han eṅẹn, ẹnya a hụ e shiẹnpụhachanrịn eje-ihiẹn rị alị-eze ẹ.