Nehemiah 13:22 - Ika

²² M nọ sị ndị Livaị wẹ fe ẹhụ kẹ Osolobuẹ dọn ku, jẹnmẹ d'e che ọnụ-mgbọn ndị ahụn, nị wẹ dọnmẹ Ụhụọkịn Ezumikẹn nsọ. Euu Osolobuẹ, gizikwọ hụnnị nyanhan m, y'e gi okẹn ihiẹn-ọsụsụọ ị mẹni m omikẹn!

Nehemiah 13:22 ပူးပေါင်းရင်းမြစ်များ

Ndị-nze Nke Ẹbụọ 20:3

“Euu, Osolobuẹ, dodo, nyanhankwọ kẹ m dọn rị e sọnchanrịn ị ọhụnma-ọhụnma lẹ kẹ m dọn wechanrịn obi m ile ye i, e mẹ ihiẹn rị mma ẹnya ị.” Hezikaya nọ kwan ẹkwan ọda-ọda.

Ndị-nze Nke Ẹbụọ 23:4

Eze nọ ye Hil'kia onyẹ isi nchụn-ẹjan lẹ ndị nchụn-ẹjan a hansọnn'ẹ iwu, uwẹ lẹ ndị e che ọnụmụzọ, sị wẹ gha imẹ Ụlọ-NSỌ Osolobuẹ kpọnpụchanrịn ihiẹn ile wẹ gi a rụa kẹ Baalụ kẹ Ashẹra kẹ kokisẹ kẹ ihiẹn ndị ọzọ ile rị igwere. Ọ nọ gha imẹ Jerusalẹm bupụchanrịn wẹ ile, nọ ọfịa Ọdanmgbugbu-Kidrọnụ dụn wẹ ọkụn, kpọnrin ntụn wẹ shi Bẹtẹlụ.

Ihiẹn Mẹni Nke Ẹbụọ 29:24

Ndị nchụn-ẹjan nọ gbu ewu ndị hụ gi chụn ẹjan-njọ, fe ẹdeke wẹ ye ukpo nchụn-ẹjan, gi chụn ẹjan wẹ gi a gbarị isi Izrẹlụ ile, makẹni eze sị wẹ chụnnị Izrẹlụ ile ẹjan w'a dụn ọkụn lẹ ẹjan-njọ.

Ihiẹn Mẹni Nke Ẹbụọ 29:27

Hezikaya nọ sị wẹ nọ elu ukpo nchụn-ẹjan chụn ẹjan w'a dụn ọkụn. A chụnma wẹ ẹjan hụ, wẹ nọzị bụmanị Osolobuẹ ẹbụ, e gbuye ẹ opi, a kpọye ẹ ihiẹn-egu Defidi eze Izrẹlụ sị wẹ a kpọ ogẹn o gi wụ eze.

Ihiẹn Mẹni Nke Ẹbụọ 29:30

Eze wụ Hezikaya lẹ ndị-isi nọ sị ndị Livaị wẹ gi ẹbụ Defidi lẹ Asafụ onyẹ a hụn ụzọ de jama Osolobuẹ mma, a ghọghọ a ja Osolobuẹ mma, a kụ isi alị.

Nehemiah 12:10

Jeshụa onyẹ-isi nchụn-ẹjan wụ nẹdi Joyakim, Joyakim wụ nẹdi Ẹliashibu, Ẹliashibu wụ nẹdi Joyada,

Nehemiah 12:30

Ndị nchụn-ẹjan lẹ ndị Livaị e dọngụ enwẹn wẹ nsọ, ya wẹ nọzị dọn ndị ọzọ ile họdụnị lẹ ọnụ-mgbọn ichẹn-ichẹn rị mgbọn Jerusalẹm nsọ, dọnzikwọ mgbọn lẹ enwẹn ẹ nsọ.

Nehemiah 13:14

Euu Chuku m, gikwọ ihiẹnni nyanhan m! Dodo, e finchanpụkwọlẹ ọrụn-ọma ile m rụn hụn m gi kwadọn Ụlọ yụ wụ Chuku m lẹ ofufe rịn'a.

Nehemiah 13:31

M nọzị mẹ ndị Izrẹlụ tụhamazị nkụn hụ wẹ gi a fiye ọkụn ukpo nchụn-ẹjan imẹ Ụlọ-nsọ, wẹhẹmẹzi ihiẹn-ugbo ibuzọ, e mẹchanrịn wẹ ogẹn wẹ. Euu Osolobuẹ m, nyanhankwọ m ọnyanhan rị mma.

Nehemiah 5:19

Euu Osolobuẹ m, nyanhankwọ m ọnyanhan rị mma makẹ ihiẹn ile rị mma m mẹni ndịnị.

Ẹbụ-ọma 130:7

Ndị Izrẹlụ, gi ni Osolobuẹ dọn ẹnya! Makẹni, ara nwọnbehi ihiẹn-ọsụsụọ lẹ ni ọ gbapụha ịhịan ọda-ọda.

Ẹbụ-ọma 5:7

Kanị mmẹ nwẹn, makẹni y'e mẹyeni onyẹ nke i, m k'a s'ẹka banhan imẹ Ụlọ ị; m k'e bu ihun zinmẹ Ụlọ-NSỌ ị, kụn'ị isi-alị.

Ẹbụ-ọma 51:1

Dodo mẹ omikẹn m, Osolobuẹ, makẹ ufiri ihiẹn-ọsụsụọ ị; gi ufiri okẹn ẹfọma ị finchanpụ njọ ile m mẹ i!

Azaya 38:3

“Euu Osolobuẹ, nyanhankwọ kẹ m dọn e bichanrịnnị ịyụ sụọ, e gi obi m ile e fe i, e mẹ ihiẹn rị ị mma ẹnya.” Hezikaya nọ kwan ezigbo ẹkwan.

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ditrọnọmi 5:12

“Zu ni ikẹn gi dọnmẹ Ụhụọhịn Ezumikẹn nsọ kẹ Osolobuẹ wụ Chuku ụnụ dọn gwa ụnụ.