Nehemiah 13:2 - Ika

² makẹni ewẹhẹni ni wẹ ndị Izrẹlụ ihiẹn-oriri lẹ mirin ogẹn wẹ gi gha Ijiptu pụla, kama, a kụ wẹ Balaam ụgwọ n'ọ bụ wẹ ọnụ, kanị, Osolobuẹ ẹnyi nọ mẹ ẹ gọzi ẹnyi hụn nkẹ o gi bụ ẹnyi ọnụ ahụn.

Nehemiah 13:2 ပူးပေါင်းရင်းမြစ်များ

Ẹbụ-ọma 109:28

Wẹ bụma ọnụ k'ọ sụọ wẹ, ọgọzi k'i jẹnkọ d'a gọzi m! Wẹ buhụ nụmanị m mmaka, ifẹnrẹn k'e mẹgbu wẹ, kanị ọghọghọ kẹ odibo i k'a ghọghọ.

Maịka 6:5

Heuu, ndị nke m! Nyanhankwọ nị eje ihiẹn Balakị eze Mụabụ te romẹni ụnụ lẹ ihiẹn Balaam nwa Bioru za a. Nyanhanzị nị ihiẹn mẹ ẹgbata alị Shitim lẹ alị Gil'galụ! Gi n'ẹ marịn ihiẹn ile rị mma Osolobuẹ mẹni ụnụ.”

Ọgụngụn 23:18

Ọ nọ ku ihiẹn Osolobuẹ gwa a, sị, “Balakị, lihi ọtọ n'i gọn ntịn; gọn m ntịn, nwa Zipọ:

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Ditrọnọmi 23:3

Onwọnni onyẹ alị Amọnụ mọbụ onyẹ alị Mụabụ mọbụ nwa wẹ ọwụlẹ k'e sọn ndị nke Osolobuẹ zu d'e rudẹ ụmụ-ụmụ wẹ agbọ nke iri.

Ditrọnọmi 23:4

Makẹni ebuhẹnini wẹ ụnụ ihiẹn-oriri lẹ mirin kẹ ụnụ lala ogẹn ụnụ gi gha alị Ijiptu pụha, kama, e weridẹ wẹ Balaam nwa Bioru onyẹ Pẹtọ alị Aram-Naharaịm ọrụn n'ọ bụ ụnụ ọnụ,

Ditrọnọmi 23:5

Kanị Osolobuẹ wụ Chuku ụnụ egọnni Balaam ntịn, o gidẹ ngọzi nọkin ẹnya ọnụ ahụn wẹ te k'a bụ ọnụ, makẹni ihiẹn ụnụ sụọ Osolobuẹ wụ Chuku ụnụ.

Pita Nke Ẹbụọ 2:15

A latọgụọ wẹ Ụzọ rị mma kpahu, ghasọnmẹ ụzọ Balaam nwa Bioru hụn erere eje-ihiẹn a sụọ,