Nehemiah 13:16 - Ika

¹⁶ Ndị alị Taya hụn bi imẹ Jerusalẹm hụ e bubanhan azụn lẹ ibu-afịa ile rị ichẹn-ichẹn, e re wẹ e ye ndị Juda Ụhụọhịn Ezumikẹn.

Nehemiah 13:16 ပူးပေါင်းရင်းမြစ်များ

Nehemiah 13:15

Ogẹn hụ, o nwọn ogẹn m gi hụn ndị rị a zọ vaịnị a pịpụha manya vaịnị Ụhụọhịn Ezumikẹn imẹ Juda. Wẹ hụzị e bubanhan ọka, e dọnye elu jaki, ya lẹ manya lẹ mkpụrụ-osisi vaịnị lẹ figi lẹ ibu ile rị ichẹn-ichẹn: wẹ hụ e gi Ụhụọhịn Ezumikẹn e bubanhan wẹ imẹ Jerusalẹm d'e re!! Ya m nọ jụgbọ wẹ, sị wẹ erezilẹ ihiẹn Ụhụọhịn Ezumikẹn.

Nehemiah 13:17

M nọ du ndị-isi Juda kpemẹ, sị wẹ, “Elee eje-ihiẹn wụ hụnnị ụnụ rị e mẹ, e mẹrụ Ụhụọhịn Ezumikẹn?!

Ọpụpụ 20:10

kanị, nke akpọhịn ẹsa rịn'a wụ Ezumikẹn wẹ gi e ye Osolobuẹ wụ Chuku i ọghọ. Arụnkwọlẹ ọrụn ọwụlẹ ụhụọhịn hụ: kẹ yụ kẹ ụmụ ị ikẹnnyẹ kẹ ụmụ ị ikpoho, kẹ igbọn i okẹnnyẹ kẹ igbọn i okpoho, kẹ anụmanụ ị kẹ abịamabịa rị alị ọnụ.

Ọpụpụ 23:12

“Gi akpọhịn isin rụn ọrụn ị, ka arụnkwọlẹ ọrụn nke akp'ọhịn ẹsa — kẹni efin i lẹ jaki i hụn ụzọ zu ikẹn, kẹ igbọn rị iwe i kẹ onyẹ ọrụn ị a kụ ndụn.

Ditrọnọmi 5:14

kanị, nke akp'ọhịn ẹsa rịn'a wụ Ezumikẹn wẹ gi e ye Osolobuẹ wụ Chuku i ọghọ. Arụnkwọlẹ ọrụn ọwụlẹ ụhụọhịn hụ — kẹ yụ kẹ ụmụ ị ikẹnnyẹ lẹ ikpoho, kẹ igbọn i okẹnnyẹ lẹ ikpoho, kẹ anụmanụ ị kẹ abịamabịa rị alị ọnụ; kẹni odibo i okẹnnyẹ lẹ odibo i okpoho zu ikẹn k'i dọn zu.