Nehemiah 13:15 - Ika

¹⁵ Ogẹn hụ, o nwọn ogẹn m gi hụn ndị rị a zọ vaịnị a pịpụha manya vaịnị Ụhụọhịn Ezumikẹn imẹ Juda. Wẹ hụzị e bubanhan ọka, e dọnye elu jaki, ya lẹ manya lẹ mkpụrụ-osisi vaịnị lẹ figi lẹ ibu ile rị ichẹn-ichẹn: wẹ hụ e gi Ụhụọhịn Ezumikẹn e bubanhan wẹ imẹ Jerusalẹm d'e re!! Ya m nọ jụgbọ wẹ, sị wẹ erezilẹ ihiẹn Ụhụọhịn Ezumikẹn.

Nehemiah 13:15 ပူးပေါင်းရင်းမြစ်များ

Ihiẹn Mẹni Nke Ẹbụọ 24:19

Osolobuẹ e zihẹni wẹ ndị-amụma n'o wekinhẹn wẹ, kanị, egini wẹ oku ile ndị-amụma ahụn gwa wẹ dọn.

Nehemiah 10:31

“Ndị alị ọzọ ndịnị buhẹ ibu-afịa mọbụ ọka ọwụlẹ Ụhụọhịn Ezumikẹn d'e re, ẹnyi eṅọnnarịnkọ wẹ ya Ụhụọhịn Ezumikẹn mọbụ ụhụọhịn ọwụlẹ rị nsọ. O ru ahụa nke ẹsa ọwụlẹ, ẹnyi arụnkọ ugbo ẹnyi; o ru ahụa ahụn, ẹnyi a kagbu ụgwọ ọwụlẹ onyẹ Ju ibe ẹnyi gi ẹnyi.

Nehemiah 10:32

“Ẹnyi e kwerighọ nị ogbo ẹnyi rọ ịkụ ụzọ-ohu-imẹ-ẹtọ egho-shẹkẹlụ, nị wẹ gi ẹ e mẹ ihiẹn ile wẹ gi e fe ofufe imẹ ụlọ Chuku ẹnyi —

Nehemiah 13:16

Ndị alị Taya hụn bi imẹ Jerusalẹm hụ e bubanhan azụn lẹ ibu-afịa ile rị ichẹn-ichẹn, e re wẹ e ye ndị Juda Ụhụọhịn Ezumikẹn.

Nehemiah 13:21

Kanị, a gba m wẹ mkpịnsịn-ẹka ẹnya, sị wẹ “Kị ụnụ ranhịnnị ụsụọ mgbọn hụ?! Ụnụ mẹzi ẹ, ẹka m e bitụ ụnụ!” Gha ogẹn hụ jẹnmẹ, abịazịnị wẹ Ụhụọhịn Ezumikẹn.

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Jobu 39:12

N'ị la ọka ị tọn'a bulụan'ị, kpọnhẹn ẹ ebe ị nọ a kụkpọ ọka?

Ẹbụ-ọma 50:7

Gọn ni ntịn, ndị nke m, nị m ku; ụnụ ndị Izrẹlụ, gọn ni ntịn, nị m shịagbu ụnụ ẹri. Mmẹ wụ Chuku, Chuku ụnụ.

Ọpụpụ 31:12

Osolobuẹ nọ sị Mozizi,

Ọpụpụ 31:16

Ndị Izrẹlụ k'a gha e zu ikẹn Ụhụọhịn Ezumikẹn, mẹsọnmẹ ẹrịra agbọ ile lalanị makẹni iwu rọ.

Ọpụpụ 34:21

“Akpọhịn isin kẹ ụnụ e gi a rụn ọrụn, kanị nke akpọhịn ẹsa, ụnụ k'e zurịrị ikẹn, kẹ ogẹn ikụn-ihiẹn ugbo kẹ ogẹn ịghọ ihiẹn-ugbo.

Ọpụpụ 35:2

Akpọhịn isin kẹ ụnụ e gi a rụn ọrụn; kanị, nke akpọhịn ẹsa k'a wụrụnị ụnụ ụhụọhịn-nsọ, Ụhụọkịn Ezumikẹn wẹ gi e zu ikẹn gi ye Osolobuẹ ọghọ. Onyẹ ọwụlẹ rụn ọrụn ụhụọhịn hụ, wẹ k'e gbu ẹ.

Itẹn 28:4

Ndị gbakịtọgụ Iwu-Osolobuẹ azụụn a ja ndị eje-omumẹ mma, kanị ndị e sọn Iwu-Osolobuẹ a ra yeni wẹ efe.

Azaya 58:13

Omẹni y'a latọnị idọnmẹ Ụhụọhịn Ezumikẹn m nsọ, omẹni y'e gizini Ụhụọhịn-nsọ m mẹ ihiẹn sụọnị ị; omẹni y'e kumẹ oku Ụhụọhịn Ezumikẹn ọhụnma, e ye Ụhụọhịn hụ rị Osolobuẹ nsọ ọghọ, omẹni y'e mẹbehi ihiẹn rị ị obi kẹni i ye Ụhụọhịn-nsọ a ọghọ, mẹbehi k'ọ sụọ ị, kubehi oku nwọnlẹni isi.

Jerimaya 17:24

Kanị, omẹni ụnụ nwẹn e dọnringhọ ẹnya mẹ ihiẹn m ku, bughabehi ibu ọnụ-mgbọn obodoni Ụhụọhịn Ezumikẹn, dọnmẹmẹ Ụhụọhịn Ezumikẹn nsọ ghahanị ịlatọ ọrụn ụhụọhịn hụ,

Jerimaya 17:27

Kanị, omẹni ụnụ emẹni ihiẹn m ku banyeni idọnmẹ Ụhụọhịn Ezumikẹn nsọ, bughabehi ibu ọnụ-mgbọn rịsọnmẹ Jerusalẹm Ụhụọhịn Ezumikẹn, a mụ m ọkụn wẹ ghalẹni a s'ẹka e tinyụn ye ọnụ-mgbọn ile rị Jerusalẹm, ọ dụnpụchanrịn ụlọ-uku ile rị Jerusalẹm hụn w'a gbaban.”

Jerimaya 42:19

“Ndị Juda họdụnị, Osolobuẹ a gwagụọkwọ ụnụ, sị ụnụ, ‘Ejẹnlẹ ni alị Ijiptu.’ Nyanhankwọ nị n'a gbagụọ m ụnụ mkpịnsịn-ẹka ẹnya tannị,

Izikẹlụ 20:13

“Kanị ndị Izrẹlụ nọ pazịkwọ oku m imẹ atụ. Esọnni wẹ uhi m; a jụ wẹ ihiẹn ndị m sị wẹ e mẹ, hụn o mẹni onyẹ dọnmẹ wẹ ọ rị ndụn; e mẹrụ wẹ Ogẹn Ezumikẹn m ile, mẹrụ wẹ ọda-ọda. Ya m nọ sị nị m gi ọnụma sọn wẹ imẹ atụ, tikpọ wẹ.

Emọsụ 8:5

a sị, “Mmẹmmẹ Ifọn gi pụ ya mẹdẹ nwan n'ọ gụ, nị ẹnyi hụn ụzọ re ọka ẹnyi! Ụhụọhịn Ezumikẹn ya mẹdẹ nwan n'ọ gụ, nị ẹnyi d'e remẹzi ọka! Ẹnyi k'e bebelụa mkpu ẹnyi, bushi ọnụ a elu, gidẹ eje-mkpu zụ afịa-mmẹgbu;

Maịka 6:3

“Kịnị kẹ m mẹ ụnụ, ndị nke m? Kị m mẹ ndụn m gi gụ ụnụ? Za nị m nwan!

Ọrụn Ndị-ozi 2:40

Pita a gwazịghọ wẹ ihiẹn bu ọda, gi ẹ dọ wẹ ẹka-ntịn, a sị wẹ, “Zụọpụha nị enwẹn ụnụ imẹ agbọnị zinlẹni!”

Ọrụn Ndị-ozi 20:21

a gwa kẹ ndị Ju kẹ ndị wụlẹni ndị Ju oku irogharị buru Osolobuẹ lẹ ikwerini Di-nwọnni-ẹnyi wụ Jesu.

Ndị Galeshịa 5:3

M rị a gwazị okẹnnyẹ ọwụlẹ hụn k'a nị wẹ kwa a ugun ya kwademẹkwọ n'o dọnmẹchanrịn Iwu ile.

Ndị Ẹfẹsọsụ 4:17

M rị nwan e gi ẹfan Di-nwọnni-ẹnyi a gba ụnụ mkpịnsịn ẹka, a gbashi ụnụ ya ikẹn: ebizilẹ ni kẹ ndị ghalẹni e fe Osolobuẹ, ndị iroro wẹ nwọnlẹni isi.

Ditrọnọmi 8:19

Ụnụ ma-ama zọ Osolobuẹ wụ Chuku ụnụ, sọnmẹ mmọn-lẹ-iyi, femẹ wẹ, kụmanị wẹ isi alị, m rị nwan a gwatọ ụnụ tannị nị Osolobuẹ k'e tikpọchanrịn ụnụ.

Ndị Tẹsalonika Ibuzọ 4:6

ịhịan ewerikọ ihiẹn nwẹnẹ ẹ mọbụ mẹgbu nwẹnẹ ẹ imẹ ihiẹnni. Ẹnyi a gwagụọ ụnụ ya mbụ, gba ụnụ mkpịnsịn-ẹka, nị Di-nwọnni-ẹnyi e mẹgwarịkwọ ụdị ihiẹn ndịnị ile e mẹgwarị.