Nehemiah 13:13 - Ika

¹³ M nọ tumẹ onyẹ nchụn-ẹjan wụ Shẹlẹmia lẹ onyẹ nkuzi-Iwu wụ Zadọkụ lẹ Pẹdaya onyẹ Livaị nị w'e lepụ mmughẹ ndị hụ w'e butọ ihiẹn ẹnya. M nọ bu Hanan nwa Zakọ, nwa Matania cheni wẹ n'ọ hụn ụzọ e yeni wẹ ẹka. Uwẹ kẹ m tumẹ makẹni wẹ marịn wẹ kẹ ndị wẹ gi e dọn ẹnya lẹ makẹni ọrụn wẹ wụ ikeni ibe wẹ ihiẹn ndị hụ wẹ rị e wẹhẹni wẹ.

Nehemiah 13:13 ပူးပေါင်းရင်းမြစ်များ

Ndị-nze Nke Ẹbụọ 12:15

Ajụnị wẹ ndị wẹ ye egho hụ kụ ndị ọrụn ụgwọ ihiẹn wẹ gi egho hụ mẹ, makẹni wẹ rụn nke ịhịan-esi.

Ndị-nze Nke Ẹbụọ 12:16

Ebucheni wẹ egho ndị wẹ gisọnmẹ chụn ẹjan onyẹ-ikpe-ma lẹ ẹjan-njọ imẹ Ụlọ-nsọ Osolobuẹ: nke ndị nchụn-ẹjan rọ.

Ndị-nze Nke Ẹbụọ 22:7

Ẹlẹkwọ hụn wẹ e gi jụma wẹ kẹ wẹ mẹ egho hụ wẹ buche wẹ ẹka, makẹni wẹ rị e gi ezioku a rụn a.”

Nehemiah 10:12

Zakọ, Shẹrẹbịa, Shẹbania hụn ẹbọ,

Nehemiah 10:38

“Onyẹ nchụn-ẹjan, onyẹ ebọn Ẹrọnụ, sikọ d'e sọnrịrị ndị Livaị wẹ gha a nakikomẹ ụzọ-ohu-imẹ-ụzọ-iri; ndị Livaị sikọ d'e wepụha ụzọ-ohu-imẹ-ụzọ-iri ihiẹn ndị wẹ nakikomẹ, wẹhẹ ẹ Ụlọ Chuku ẹnyi d'e bu ẹ tọ ebe w'e butọ ihiẹn ebẹhụ.

Nehemiah 11:22

Onyẹ ndu ndị Livaị imẹ Jerusalẹm wụ Uzi nwa Bani nwa Hashabia nwa Matania nwa Mika. Uzi wụ onyẹ ebọn Asafụ ndị ọkụ-ẹbụ ofufe imẹ Ụlọ Osolobuẹ.

Nehemiah 12:35

lẹzi ndị nchụn-ẹjan gi opi; uwẹ lẹ Zẹkaraya nwa Jonatanị nwa Shẹmaya nwa Matania nwa Maịkaya nwa Zakọ nwa Asafụ;

Nehemiah 12:44

Ogẹn ahụn, wẹ tumẹzi ndị sikọ d'e lepụ ẹnya ebe ile w'e butọ oyiye lẹ ihiẹn-ugbo ibuzọ lẹ ụzọ-ohu-imẹ-ụzọ-iri; uwẹ nwọn a gha ugbo-ugbo lẹ obodo-obodo, a na ịhịan ile ihiẹn Iwu sị wẹ e ye ndị nchụn-ẹjan lẹ ndị Livaị, e kpọnhẹn ẹ ebe w'e butọ ihiẹn, makẹni ọ sụọ ndị Juda ụsụọ imẹni ndị nchụn-ẹjan lẹ ndị Livaị hụn a rụn ọrụn Osolobuẹ ya.

Nehemiah 3:30

Hanania nwa Shẹlẹmia, lẹ Hanunu hụn ẹbọ, hụn mẹ isin imẹ ụmụ-ikẹnnyẹ Zalafụ dọnzi ebe sọnn'ẹ. Mẹshulam nwa Bẹrẹkia dọnzi ebe sọnn'ẹ, ihun ebe o bi.

Nehemiah 7:2

Ya m nọ bu Jerusalẹm che nwẹnẹ m okẹnnyẹ wụ Hanani ẹka, ịya lẹ Hanania, ọkị-agha hụn kị ndị agha eze imẹ Jerusalẹm. M mẹ ẹrịra makẹni Hanani wụ ịhịan esi, ọ tụzịkwọ egun Osolobuẹ karị imẹrinmẹ ịhịan.

Nehemiah 8:4

Elu mkpọnyin wẹ gi osisi ma hụn wẹ mẹmẹtọnị ụhụọhịn hụ kẹ onyẹ-nkuzi iwu hụ wụ Ẹzra wuzo gụn a. Ndịnị rị a ẹka-nni: Matitịa, Shẹma, Anaya, Yuria, Hil'kia lẹ Maaseya; ndị rị a ẹka-ekpẹn wụ Pẹdaya, Mishẹlụ, Mal'kija, Hashum, Hash'badana, Zẹkaraya lẹ Mẹshulam.

Luku 12:42

Di-nwọnni-ẹnyi nọ za, “Onyẹ wụ onyẹ nlepụ-ẹnya ahụn furu wẹ gi e dọn ẹnya, marịn ihiẹn, hụn di-nwọnn'ẹ bu idibo rị iwe ẹ che ẹka, n'ọ hụn ụzọ e ye wẹ ihiẹn-oriri furu onyẹ-onyẹ ogẹn o furu?

Ọrụn Ndị-ozi 4:35

e bu a tọnị ndị-ozi ahụn pụ-ichẹn. Ndị-ozi ahụn pụ-ichẹn hụ e ye onyẹ-onyẹ kẹ mkpa a han.

Ọrụn Ndị-ozi 6:1

Ogẹn ndị rị e sọn Kraịstị gi rị e buwaye ọda, ndị Ju gha obodo ebo lụaha hụn rị imẹ igunrun wẹ nọ kpemẹ nị ndị rị ụlọ arị e keye ikpoho wẹ di wẹ nwụnhụn ihiẹn-oriri w'e ke ụhụọhịn-ụhụọhịn.

Ọrụn Ndị-ozi 6:3

Umunẹ, lehunmẹ ni nwan ẹnya imẹ igunrun ụnụ, nị ụnụ họpụha mmadụ ẹsa: ndị w'e ku oku wẹ ọhụnma, ndị Mmọn-nsọ jun imẹ wẹ, ndị marịn ihiẹn ọhụnma-ọhụnma, kẹni ẹnyi ye wẹ ọrụnnị;

Ndị Kọrẹntị Ibuzọ 4:2

Ihiẹn w'a chọ nwan ẹka onyẹ wẹ buche ihiẹn ẹka a wụ nị o furu wẹ gi e dọn ẹnya.

Timoti Ibuzọ 1:12

M rị a kpanmịn Kraịstị wụ Jizọsị Di-nwọnni-ẹnyi hụn ye m ikẹn m gi rị a rụn ọrụn, n'o weri m nọkẹ onyẹ o gi dọn ẹnya, we m ọrụn,

Timoti Ibuzọ 3:10

Wẹ k'e lelegụrịrị wẹ. Omẹni enwọn wẹ nkọrịanị, wẹ rụnmanị ụka ọrụn.