Nehemiah 13:10 - Ika

¹⁰ M nụzị nị w'a ra yezi ndị Livaị ihiẹn runi wẹ; nị ndị Livaị ile lẹ ndị ọkụ-ẹbụ ofufe a lashigụọ ugbo wẹ ozigbo-ozigbo.

Nehemiah 13:10 ပူးပေါင်းရင်းမြစ်များ

Ihiẹn Mẹni Nke Ẹbụọ 31:4

Ọ sị ndị bi imẹ Jerusalẹm e ye ndị nchụn-ẹjan lẹ ndị Livaị ihiẹn runi wẹ, kẹni wẹ wechanrịn enwẹn wẹ kwanị ihiẹn gbashịarị Iwu Osolobuẹ.

Nehemiah 10:37

Ẹnyi sikọ d'a gha e wẹhẹni ndị nchụn-ẹjan rị ebe w'e butọ ihiẹn-oriri imẹ ụlọ Chuku ẹnyi ya: kẹ ọka ibuzọ ẹnyi gwọ kẹ oyiye ọka ibuzọ ẹnyi kẹ mkpụrụ ibuzọ osisi ẹnyi ọwụlẹ mị kẹ manya ọhụn ibuzọ ẹnyi kẹ ofigbọn-olivu ibuzọ ẹnyi, kẹni w'e bu ẹ a tọ ebẹhụ. Ẹnyi k'a rị e wẹhẹzikwọnị ndị Livaị ụzọ-ohu-imẹ-ụzọ-iri ihiẹn-ugbo ẹnyi, makẹni ndị Livaị nwọn a na ụzọ-ohu-imẹ-ụzọ-iri imẹ ụmụ-alị ile ẹnyi n'a rụn ugbo.

Nehemiah 10:39

Ya wụ, ndị Izrẹlụ ile, kẹ ndị Livaị, sikọ d'a gha e wẹhẹ ọka, manya-ọhụn lẹ ofigbọn-olivu ebẹhụ w'e butọ ihiẹn Ụlọ-nsọ, ebẹhụ ndị nchụn-ẹjan rị ọrụn lẹ ndị e che ọnụ-mgbọn Ụlọ-nsọ lẹ ndị ọkụ-ẹbụ a nọdị. Ẹnyi agbakịtọkọ ụlọ Osolobuẹ ẹnyi azụụn.”

Nehemiah 12:47

Ya k'o gi mẹ ni ogẹnni, ogẹn Zerubabẹlụ lẹ ogẹn Nehimaya, ndị Izrẹlụ ile hụ a tụnị ndị ọkụ-ẹbụ lẹ ndị-nche ọnụ-mgbọn ihiẹn ụhụọhịn-ụhụọhịn; w'a tụzịkwọnị ndị Livaị ọzọ rịlẹni itu ẹbụbụọnị, ndị Livaị nkẹ a gha ihiẹn wẹ ye wẹ a tụnị ndị nchụn-ẹjan, ụmụ Ẹrọnụ, ihiẹn runi wẹ.

Azaya 43:23

Y'e wẹhẹni atụnrụn gi chụnyeni m ẹjan w'a kpọ ọkụn mọbụ chụnyesọnmẹni m ẹjan gi ye m ọghọ. Asịnị m'ị ye m oyiye-ọka, nkẹ ọ wụrụ nị m buye i ibu; egini m oku ịmụyeni m nsẹnsi mẹ ndụn gụ ị.

Malakaị 3:8

“Nị ịhịan zun nwan Osolobuẹ ohin? Bụ ụnụ hụ e zun m ohin. “Kanị ụnụ hụ a jụ, ‘Nanị ẹnyi dọn e zun Osolobuẹ ohin?’ “Ụzọ-ohu-imẹ-ụzọ-iri lẹ oyiye ụnụ furu nị ụnụ e ye kẹ ụnụ rị e zunnarịn m.

Ọgụngụn 35:2

“Gwa ndị Izrẹlụ wẹ gha alị Izrẹlụ k'e weri ye ndị Livaị obodo ndị wẹ k'e biri; wẹ yezikwọ wẹ ọfịa nọhunmẹ obodo ndị hụ n'ọ wụrụ ebe w'a nọ a kpa anụ wẹ, ihiẹn-uriri wẹ.

Ditrọnọmi 12:19

Ogẹn ụnụ k'e biri alị ụnụ hụ, hụnkwọ n'a nị onwọnni ogẹn ụnụ e gi jụ ndị Livaị tọgbọ ụnụ e we nwụn.