Nehemiah 12:43 - Ika

⁴³ Ẹjan wẹ chụnyeni Osolobuẹ ụhụọhịn hụ e bukẹ; ịhịan ile hụ a ghọghọ makẹni Osolobuẹ e mẹgụọnị wẹ ihiẹn okẹn ịghọghọ; ikpoho lẹ ụmụ-ẹka sọnzi rị a ghọghọ. Ndị rị ebe teni nụ olu wẹ gi rị a ghọghọ imẹ Jerusalẹm.

Nehemiah 12:43 ပူးပေါင်းရင်းမြစ်များ

Ihiẹn Mẹni Nke Ẹbụọ 20:13

Ikẹnnyẹ Juda ile lẹ inyẹnmẹ wẹ lẹ ụmụ-ẹka wẹ nọ wuzo ihun Osolobuẹ ebahụn.

Ihiẹn Mẹni Nke Ẹbụọ 20:27

Ya Jehoshẹfatị nọ duru ndị Jerusalẹm lẹ ndị Juda ile, wẹ ile nọ gi ịghọghọ lakin Jerusalẹm, makẹni Osolobuẹ e mẹgụọ ndị-iṅẹnrẹn Juda ihiẹn ndị Juda e gi ghọghọ.

Ihiẹn Mẹni Nke Ẹbụọ 7:10

Hụn mẹ akp'ọhịn ẹtọ kwasị ọgụn imẹ ọnwan nke ẹsa hụ, ọ nọ gbashịa wẹ, onyẹ-onyẹ nọ gi ịghọghọ lama, ẹfọ hụ a sụọ wẹ ụsụọ makẹ ihiẹn ile rị mma Osolobuẹ mẹni Defidi lẹ Solomọnụ lẹ ndị nke ẹ wụ Izrẹlụ.

Ẹzra 3:13

Ọ nịzịnị ịhịan marịn hụn wụ oro ịghọghọ lẹ hụn wụ oro ẹkwan, makẹni e yikẹnmẹkẹ wẹ oro; a nụghọ wẹ oro wẹ ebe teni.

Nehemiah 12:27

Ogẹn wẹ gi nwan chọ nị wẹ ha mgbọn Jerusalẹm ye ẹka Osolobuẹ, wẹ nọ chọpụha ndị Livaị ebe ile wẹ bi, wẹhẹ wẹ Jerusalẹm makẹ mmẹmmẹ hụ, kẹni wẹ bụ ẹbụ-ịghọghọ lẹ ẹbụ-ekele, kụ kpajaị, kpọ ụbọ-mmaka lẹ ụbọ-layẹ ye mmẹmmẹ ahụn wẹ gi a ha mgbọn hụ e ye ẹka Osolobuẹ.

Nehemiah 12:42

lẹ Maaseya, Shẹmaya, Ẹliẹza, Uzi, Jehohananị, Mal'kija, Ẹlam lẹ Ẹza. A bụshi wẹ ẹbụ elu ọhụnma-ọhụnma; onyẹ hụn duni wẹ ẹbụ ahụn wụ Jezrahia.

Jobu 34:29

Ọ gba ịhịan nkịtịn, onyẹ k'a ma a ikpe? O bupụ ịhịan ihun, onyẹ k'a s'ẹka hụn a? Kẹ ịhịan kẹ alị?

Ẹbụ-ọma 27:6

O weshi m elu karị ndị-iṅẹnrẹn m fihunmẹni m, a nọ m Ụlọ-nsọ a gi oro ịghọghọ chụnyen'ẹ ẹjan; a bụnị m Osolobuẹ ẹbụ, kpọn'a egu.

Ẹbụ-ọma 28:7

Osolobuẹ wụ ikẹn m lẹ akpaịn m; Ịya k'e obi gi e ru m alị, o yeni m ẹka. Obi m hụ a tụshi elu, a ghọghọ, m hụ e gi ẹbụ a kpanmịn a.

Ẹbụ-ọma 9:2

M k'e gi ufiri i nwọn anwịnrịn, ghọghọ! M k'e gi ẹbụ ja ẹfan ị mma, ịyụ, Onyẹ hụn Kachanrịnnị.

Ẹbụ-ọma 92:4

Makẹni, yụ wụ Osolobuẹ e gi ihiẹn y'e mẹ e mẹ m a ghọghọ; ihiẹn y'a rụn, e mẹ m a bụ ẹbụ ịghọghọ.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Jerimaya 31:13

“Ịgbagba k'a rị e tẹn egu, a ghọghọ; ẹrịra kẹ ikorọbịa lẹ ndị-ichẹn k'e mẹzikwọ. M jẹnkọ d'a napụ wẹ ẹkwan, ye wẹ ịghọghọ. M jẹnkọ d'a napụ wẹ ụya wẹ rị e ri, rọkọ wẹ obi, mẹ ẹfọ sụọ wẹ ụsụọ.

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Ọgụngụn 10:10

E gbuzikwọ nị opi ndị ahụn ogẹn ụnụ gi a ghọghọ — ogẹn mmẹmmẹ ndị ahụn wẹ kayesọnmẹ ni ụnụ lẹ mmẹmmẹ Ifọn Ọhụn; e gbu ni opi ndị ahụn ụnụ gha a chụn ẹjan ụnụ w'a dụn ọkụn lẹ ẹjan-ekele ụnụ, a wụrụ wẹ ihiẹn Chuku ụnụ e gi nyanhan ụnụ. Mmẹ wụ Osolobuẹ, Chuku ụnụ.”

Matiu 21:15

Kanị ogẹn ndị-isi nchụn-ẹjan lẹ ndị-nkuzi Iwu gi hụn ihiẹn ndị a tụ ẹnya ọ rị e mẹ, hụnzị kẹ ụmụ-ndu rị imẹ Ụlọ-nsọ rị e yi oro, a sị, “Ọjịja-mma ya rịnị nwa Defidi,” iwe nọ wemẹ wẹ.

Matiu 21:9

Igunrun hụ rị a ihun lẹ ndị sọnkọn'a hụ e yi oro, a sị, “Ọjịja-mma ya rịnị Nwa Defidi! Ngọzi ya rịnị Onyẹ hụ gi ẹfan Di-nwọnni-ẹnyi lala! Ọjịja-mma ya rị nị Osolobuẹ imẹ ebẹhụ kachanrịn elu-igwee.”

Jọnụ 16:22

Ẹrịra kẹ ụnụ rị nwan a hụnjun ẹnya; kanị, nị m hụnzịghọ ụnụ; ogẹn hụ, ịghọghọ e jun ụnụ obi; onwọnni onyẹ k'a napụ ụnụ ịghọghọ hụ.

Ndị Ẹfẹsọsụ 5:19

ụnụ e gi ẹbụ rị imẹ ẹkụkwọ Ẹbụ-ọma lẹ ẹbụ-ofufe lẹ ẹbụ ndị ọzọ rị nsọ a gwa ibe ụnụ oku, a bụ nị Di-nwọnni-ẹnyi ẹbụ a sụọ ụsụọ imẹ obi ụnụ;

Jemisi 5:13

Onyẹ nwọn nsọngbu imẹ ụnụ? Ya mẹ ekpere. Onyẹ kẹ ẹfọ rị a sụọ ụsụọ? Ya bụma ẹbụ ịja-mma.

Samuẹlụ Nke Ibuzọ 4:5

Ogẹn Ẹkpẹti-nsọ Osolobuẹ gi ru ọgbọ ndị Izrẹlụ, ndị Izrẹlụ ile nọ yi okẹn oro hụn alị gi mẹhunmẹ.