Nehemiah 12:39 - Ika

³⁹ ẹnyi nọ ghafe Ọnụ-mgbọn Ifrem, Ọnụ-mgbọn Jẹshana, Ọnụ-mgbọn Azụn, Ụlọ-nche Hananẹlụ lẹ ụlọ-nche ẹnyi a kpọ Ụlọ-nche “Ọgụn-isẹn”; ẹnyi nọ jẹnsọnmẹ d'e ru Ọnụ-mgbọn Atụnrụn. Ẹnyi e ru Ọnụ-mgbọn Ndị-nche, itu-ẹbụ ẹnyi lẹ wẹ wị nọ kụsị.

Nehemiah 12:39 ပူးပေါင်းရင်းမြစ်များ

Ndị-nze Nke Ẹbụọ 14:13

Jehụashị eze Izrẹlụ nọ nwụndọn eze Juda wụ Amazia nwa Jụashị nwa Ahazia imẹ Bẹt-Shẹmẹshi. Ya kẹ Jehụashị nọ shi Jerusalẹm, kụtu mgbọn Jerusalẹm, gha Ọnụ-mgbọn Ifrem d'e ru Ọnụ-mgbọn rị Mgbugi — ihiẹn shịaru ọbụkụ ọgụn-iri kwasị nnụ.

Nehemiah 12:40

Ya kẹ itu ẹbụọ hụ a bụ ẹbụ-ekele nọ nwan shi imẹ Ụlọ Osolobuẹ d'e werisọnmẹ ọnọdị wẹ; mmẹ nwẹn nọzị mẹ ẹrịra, mmẹ lẹ ndị-isi rị imẹ ndị mmẹ lẹ wẹ wị —

Nehemiah 3:1

Ya onyẹ-isi nchụn-ẹjan wụ Ẹliashibu lẹ ndị nchụn-ẹjan ibe ẹ nọ ban ọrụn, dọnzi Ọnụ-mgbọn Atụnrụn. Wẹ nọ dọn ẹ nsọ, yikin ẹ, dọnzi ẹ d'e rukwọrị Ụlọ-nche “Ọgụn-isẹn,” dọnzi ẹ d'e ru Ụlọ-nche Hananẹlụ.

Nehemiah 3:25

Palalụ nwa Uzaị dọnzi ebẹhụ mgbọn nọ gọrị lẹ ụlọ-nche wẹ tụnye obi-eze rị ibe elu, ẹhụ ebẹhụ ndị-nche nọ e zu. Pẹdaya nwa Parọshị dọnzi ebe sọnn'ẹ —

Nehemiah 3:3

Ụmụ Hasẹna dọnzi Ọnụ-mgbọn Azụn, dọyesọnmẹ osisi w'e fiẹnye elu ọnụ-mgbọn, yikin ẹ, buche ihiẹn ndị wẹ gi a kpọkin wẹ lẹ ihiẹn ndị wẹ gi e fidọn ẹ.

Nehemiah 3:6

Joyada nwa Pasia lẹ Mẹshulam nwa Besodẹya dọnzi Ọnụ-mgbọn Jẹshana (Ọnụ-mgbọn Akan), fiẹnyesọnmẹ osisi w'e fiẹnye elu ọnụmụzọ, yikin ẹ, buche ihiẹn wẹ gi a kpọkin wẹ lẹ ihiẹn wẹ gi e fidọn wẹ ọnọdị.

Nehemiah 8:16

Ya ndị Ju hụ nọ pụ, wẹ nọ wẹhẹsọnmẹ iguru lẹ agala osisi ndị hụ, gi wẹ rụnrụnsọnmẹ ọdụ ye elu-ụlọ wẹ mẹsọnmẹ aradan lẹ imẹ ezi wẹ lẹ ezi-ọgwa Ụlọ-Osolobuẹ lẹ ebe ndị alị nọ a hụn ihun Ọnụ-mgbọn Mirin lẹzi ebe ndị alị nọ e zu ẹhụ Ọnụ-mgbọn Ifrem.

Jerimaya 31:38

Osolobuẹ sịzị, “Ogẹn lala hụn wẹ k'e gi tụndọnzini m obodoni wụ Jerusalẹm, ghakwọrị Okẹn Ụlọ-nche Hananẹlụ d'e ru Ọnụ-mgbọn rị ntugi mgbọn;

Jerimaya 32:2

Ogẹn ahụn, ndị-agha eze Babilọnụ kehunmẹ obodo Jerusalẹm. Onyẹ-amụma wụ Jerimaya nkẹ rị ebe wẹ kwọndọn ẹ imẹ ezi-ọgwa ndị-nche hụn rị obi-eze alị Juda.

Zẹfanaya 1:10

Osolobuẹ sị, “O ru ogẹn hụ, oro ẹkwan k'a pụ ibẹka Ọnụ-mgbọn Azụn; ịya lẹ olu rị ibẹka Ogbe-ọhụn e goo; wẹ k'a nụ okẹn ụzụn ihiẹn rị elu ugu a dankpọ.

Jọnụ 5:2

Imẹ Jerusalẹm, ọ nwọn ọgọdọ wẹ rụnye ẹhụ Ọnụ-mgbọn Atụnrụn. W'a kpọ ọgọdọ hụ Bẹtẹsida ọnụ Hibru. O nwọn ẹworo isẹn wẹ kpu elu wẹ.