Nehemiah 12:27 - Ika

²⁷ Ogẹn wẹ gi nwan chọ nị wẹ ha mgbọn Jerusalẹm ye ẹka Osolobuẹ, wẹ nọ chọpụha ndị Livaị ebe ile wẹ bi, wẹhẹ wẹ Jerusalẹm makẹ mmẹmmẹ hụ, kẹni wẹ bụ ẹbụ-ịghọghọ lẹ ẹbụ-ekele, kụ kpajaị, kpọ ụbọ-mmaka lẹ ụbọ-layẹ ye mmẹmmẹ ahụn wẹ gi a ha mgbọn hụ e ye ẹka Osolobuẹ.

Nehemiah 12:27 ပူးပေါင်းရင်းမြစ်များ

Samuẹlụ Nke Ẹbụọ 6:12

Wẹ nọ sị Defidi, “Osolobuẹ wụ Chuku a gọzigụọ ezi-lẹ-ụlọ Obẹdi-Ẹdọm lẹ ihiẹn ile o nwọn — makẹ ufiri Ẹkpẹti-nsọ Chuku.” Ya Defidi nọ jẹn nke Obẹdi-Ẹdọm, gi mmẹmmẹ lẹ ịghọghọ bulụa Ẹkpẹti-nsọ Chuku Obodo hụ Defidi tụn.

Ndị-nze Nke Ibuzọ 8:63

Anụ Solomọnụ gbu gi chụnyeni Osolobuẹ ẹjan-ekele wụ efin nnụ-uku ẹbụọ-kwasị-ọgụn (22,000) lẹ atụnrụn lẹ ewu nnụ-uku ọgụn-isin (120,000). Ẹrịra kẹ eze lẹ ndị Izrẹlụ ile gi ha Ụlọ-nsọ Osolobuẹ hụ ye Osolobuẹ ẹka.

Ihiẹn Mẹni Nke Ibuzọ 13:8

Defidi lẹ ndị Izrẹlụ ile hụ e gi ndụn ile rị wẹ ẹhụ a ghọghọ idẹnya Chuku, a bu ẹbụ, a kpọ ụbọ-hapụ lẹ ụbọ-layẹ lẹ ẹgede-chakachaka, a fịangbama kpajaị, e gbu opi.

Ihiẹn Mẹni Nke Ibuzọ 15:12

Ọ sị wẹ, “Ọnụ wụ ndị-isi ebọn Livaị; ụnụ lẹ ndị Livaị ibe ọnụ k'e dọn enwẹn ọnụ nsọ, nị ụnụ hụn ụzọ buhẹ Ẹkpẹti Osolobuẹ, Chuku Izrẹlụ, bu ẹ che ebe m kwademẹn'ẹ.

Ihiẹn Mẹni Nke Ibuzọ 15:16

Defidi nọ gwa ndị-isi ndị Livaị, ndị hụn wụlẹni ẹbozo Ẹrọnụ ndị nchụn ẹjan, sị wẹ tumẹ umunẹ wẹ nị w'a bụ ẹbụ-ịghọghọ, e gi ihiẹn-egu e du ẹ: kẹ ụbọ-layẹ kẹ ụbọ-hapụ kẹ kpajaị (simbalụ) w'a fịangbama.

Ihiẹn Mẹni Nke Ibuzọ 15:28

Ẹrịra kẹ ndị Izrẹlụ ile dọn bulụa Ẹkpẹti Nkwerigbama Osolobuẹ, e yi oro, e gbu opi igwe lẹ ọdụ, a kụ kpajaị (simbalụ), a kpọ ụbọ rị ichẹn-ichẹn.

Ihiẹn Mẹni Nke Ibuzọ 15:4

ọ kpọkikomẹ ẹbozo Ẹrọnụ lẹ ndị ebọn Livaị ibe wẹ:

Ihiẹn Mẹni Nke Ibuzọ 16:42

Hẹmanị lẹ Jedutunu kẹ igbu-opi lẹ ịkụ-kpajaị (simbalụ) lẹ ịkpọ ihiẹn-egu ndị ọzọ wẹ gi a bụ ẹbụ rị nsọ rị ẹka. Ụmụ Jedutunu nwọn iche-nche.

Ihiẹn Mẹni Nke Ibuzọ 16:5

ndịnị k'o tumẹ: Asafụ wụ onyẹ-isi, Zẹkaraya wụ hụn a hansọnn'ẹ, o sọn Jẹyẹlụ, Shẹmiramọtụ, Jehiẹlụ, Matitịa, Ẹliabụ, Bẹnaya, Obẹdi-Ẹdọm lẹ Jẹyẹlụ. Wẹ k'a gha a kpọ ụbọ-layẹ lẹ ụbọ-hapụ. Asafụ nkẹ k'a gha a kụ kpajaị (simbalụ),

Ihiẹn Mẹni Nke Ibuzọ 23:5

Mmadụ nnụ iri (4,000) k'a gha e che nche ọnụ-mgbọn ichẹn-ichẹn rị Ụlọ-nsọ; mmadụ nnụ iri (4,000) k'a gha e gi ihiẹn-egu ndị ahụn m butọ wẹ gi a ja Osolobuẹ mma a ja a mma.”

Ihiẹn Mẹni Nke Ibuzọ 26:31

Imẹ ndị Hibrọnụ hụ, Jẹria wụ onyẹ-isi — nọkẹ kẹ wẹ dọn detọ ndị ikpụlọ wẹ isi-isi. Hụn mẹ ahụa ọgụnnaị Defidi kịma, wẹ nọ leban ẹnya ebe wẹ detọsọnmẹ ẹfan ịhịan — wẹ nọ hụn a nị o nwọnsọnmẹ ndị Livaị ebozo Hibrọnụ wụ ndị dikẹn wẹ marịn amarịn rị obodo Jaza hụn rị Gilẹdị.

Ihiẹn Mẹni Nke Ẹbụọ 29:25

Ọ nọ bu ndị Livaị che ọnọdị wẹ imẹ Ụnọ-nsọ Osolobuẹ, wẹ lẹ kpajaị (simbalụ), ụbọ-hapụ lẹ ụbọ-layẹ nọkẹ kẹ odibo Osolobuẹ wụ Defidi lẹ Gadị hụn a hụnnị eze ọhụn lẹ Natanị onyẹ-amụma dọn ku, makẹni ẹrịra kẹ Osolobuẹ ku ghahanị ndị-amụma a.

Ihiẹn Mẹni Nke Ẹbụọ 29:30

Eze wụ Hezikaya lẹ ndị-isi nọ sị ndị Livaị wẹ gi ẹbụ Defidi lẹ Asafụ onyẹ a hụn ụzọ de jama Osolobuẹ mma, a ghọghọ a ja Osolobuẹ mma, a kụ isi alị.

Ihiẹn Mẹni Nke Ẹbụọ 5:13

Ndị rị e gbu opi lẹ ndị ọkụ-ẹbụ nọgbama, e gi olu ohu a ja Osolobuẹ mma, a kpanmịn a, e gi opi lẹ kpajaị lẹ ihiẹn-egu ndị ọzọ a kpọ egu, e weshi olu elu a ja Osolobuẹ mma, a bụ ẹbụnị: “Ọ rịka mma; ihiẹn-ọsụsụọ a rị jẹnrin ejẹn.” Ogẹn hụ kẹ orukpu gi jun Ụlọ-nsọ Osolobuẹ,

Ihiẹn Mẹni Nke Ẹbụọ 7:6

Ndị nchụn-ẹjan nọ weri ọnọdị wẹ, ndị Livaị nọ mẹzikwọ ẹrịra. Ndị Livaị gisọnmẹ ihiẹn-egu ndị hụ Defidi mẹmẹ wẹ gi a ja Osolobuẹ mma lẹ hụn wẹ kpọ ebe ọ nọ ye ekele, a sị, “Ihiẹn-ọsụsụọ a rị jẹnrin ejẹn.” Ndị nchụn-ẹjan hụ bu ihun zinmẹ ndị Livaị, e gbu opi; ndị Izrẹlụ ile wuzo ewuzo.

Ẹzra 6:16

Ya kẹ ndị Izrẹlụ nọ gi ịghọghọ mẹ mmẹmmẹ gi ha Ụlọ Chuku hụ ye Chuku ẹka: kẹ ndị nchụn-ẹjan wẹ kẹ ndị Livaị ibe wẹ e yeni wẹ ẹka kẹ ndị ọzọ ile lụaha ebe wẹ kpụnjẹn wẹ.

Nehemiah 11:20

Ndị họdụnị — kẹ ndị Izrẹlụ mmaka kẹ ndị nchụn-ẹjan kẹ ndị Livaị — rịsọnmẹ imẹ obodo ile rị alị Juda, onyẹ-onyẹ rị ọkpụlọ ndị mụn'a.

Nehemiah 12:43

Ẹjan wẹ chụnyeni Osolobuẹ ụhụọhịn hụ e bukẹ; ịhịan ile hụ a ghọghọ makẹni Osolobuẹ e mẹgụọnị wẹ ihiẹn okẹn ịghọghọ; ikpoho lẹ ụmụ-ẹka sọnzi rị a ghọghọ. Ndị rị ebe teni nụ olu wẹ gi rị a ghọghọ imẹ Jerusalẹm.

Nehemiah 8:17

Ndị ahụn ile gha alị ndị wẹ kpụnshi wẹ lụaha nọ tụnrụnsọnmẹ ọdụ, biri imẹ wẹ. Ọnwan wụ nke ibuzọ wẹ mẹ mmẹmmẹ hụ kete ogẹn Jeshụa nwa Nọnụ. Wẹ ile hụ a ghọghọ.

Ẹbụ-ọma 149:3

Wẹ tẹnmẹ egu jama ẹfan a mma, wẹ kpọn'a ụbọ, kụn'a ẹgede-chakachaka.

Ẹbụ-ọma 30:1

M k'a ja ị mma, Osolobuẹ, makẹni i dọpụha m imẹ mgbugbu, y'a nịnị ndị-iṅẹnrẹn m mụ m ẹmụ.

Ditrọnọmi 16:11

ụnụ a nọ ihun Osolobuẹ wụ Chuku ụnụ ghọghọ, ebahụn o k'a họrị Ẹfan a k'a rị, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho, ndị Livaị, ndị abịamabịa, ndị nwọnlẹni nẹdi lẹ ikpoho di wẹ nwụn.

Ditrọnọmi 20:5

Ndị-isi agha sikọ d'a sị ndị-agha, “Imẹ ụnụ, onyẹ tụn ụlọ bụ o ke kpọpụ a? Ya lamakwọ, amamgbe ọ nwụntọ agha, onyẹ ọzọ a kpọpụ ụlọ ọ tụn!

Ndị Filipi 4:4

A ghọghọ nị imẹ Di-nwọnni-ẹnyi ogẹn ile! E kuzi m'ẹ: a ghọghọ nị!

Rẹvẹleshọnụ 5:8

O werigụ ẹhụhụọ hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ nọ fiẹnrin alị ihun Nwa-ebulu hụ, onyẹ-onyẹ lẹ ụbọ a lẹ afẹrẹ goru o bu hụn wẹ kpọnjun nsẹnsi. Nsẹnsini wụ ekpere ndị nke Osolobuẹ.