Nehemiah 11:30 - Ika

³⁰ imẹ Zanụa lẹ Adulam lẹ ụmụ-alị nọkunmẹni wẹ; ndị ọzọ bi Lakishi lẹ ọfịa rịsọnmẹn'ẹ lẹ Azẹka lẹ ụmụ-alị nọkunmẹn'ẹ. Ẹrịra kẹ wẹ bisọnmẹ gha Biẹshẹba d'e rukwọrị ọdanmgbugbu Hinọm.

Nehemiah 11:30 ပူးပေါင်းရင်းမြစ်များ

Jẹnẹsisi 21:14

Ya Ebraham nọ zọtẹnhin, buru ihiẹn-oriri lẹ ẹkpoko mirin, bu wẹ ye Haga. O bu wẹ che Haga isi uvun; ọ nọ sị ya lẹ nwa a pụ. Ya Haga nọ gha iwe Ebraham pụ, wahunmẹmẹ imẹ atụ Biẹshẹba.

Jẹnẹsisi 25:16

Wẹ ile wụ ụmụ Ishmẹlụ, onyẹ-onyẹ lẹ ẹfan a, hụn wụzị ẹfan obodo lẹ ụmụ-alị ndị nke ẹ bi. Wẹ rị okẹn-ịhịan mmẹbụọ, onyẹ-onyẹ lẹ ebọn ẹ.

Ndị-nze Nke Ẹbụọ 23:10

Josaya e mẹrụzịghọ Tofẹtị hụn rị Ọdanmgbugbu Bẹn-Hinọm, makẹ wẹ ghazị e gi ụmụ wẹ ikẹnnyẹ lẹ ikpoho a chụnnị Molẹkị ẹjan w'a dụn ọkụn.

Nehemiah 11:29

imẹ Ẹn-Rimọnụ, Zora lẹ Jamutu,

Nehemiah 11:31

Ndị ebọn Bẹnjamini bi Gẹba, Mik'mashị, Aịja, Bẹtẹlụ lẹ ụmụ-alị nọkunmẹni wẹ,

Nehemiah 3:13

Ndị dọnzi Ọnụ-Mgbọn shi Ọdanmgbugbu wụ Hanunu lẹ ndị bi Zanụa. Wẹ dọnzi ẹ, yikin ẹ, buche ihiẹn wẹ gi a kpọkin wẹ lẹ ndị wẹ gi e fidọn wẹ. Wẹ nọzị dọnzisọnmẹ ẹ d'e ru ihiẹn nọkẹ wẹ kebe maịlị ohu ụzọ ẹtọ, wẹ dọnzi ẹ d'e ru Ọnụ-mgbọn Nsịn-anụ.

Azaya 37:8

Ogẹn onyẹ-isi agha Asiria gi nụ nị eze Asiria a ghagụọ alị Lakishi pụ, ya ọ nọ kin azụụn, ọ nọ hụn eze k'ọ rị a lụsọn Libna agha.

Jerimaya 19:2

Shi ni Ọdanmgbugbu Nwa-Hinọnụ, hụn nọkunmẹ ebe wẹ gha a banye Ọnụ-mgbọn Mpekele-ite. Nọ ebẹhụ hị ihiẹnni m jẹnkọ d'a gwa ị.

Jerimaya 19:6

“Lee ni nwan ẹnya, ogẹn lala hụn wẹ k'e gi kpọbehi ebeni ‘Tofẹtị’ mọbụ ‘Ọdanmgbugbu Nwa-Hinọnụ’, kpọma a ‘Ọdanmgbugbu-Ogbugbu.’

Jerimaya 32:35

A tụnsọnmẹ wẹ ukpo wẹ nọ a rụa Baalụ ye imẹ Ọdanmgbugbu Bẹn-Hinọm, a nọ ebẹhụ e gi ụmụ wẹ ikẹnnyẹ lẹ ikpoho a chụnyeni mmọn wụ Molẹkị ẹjan — bụ ezini m wẹ, obi m eshitudẹni izi wẹ d'e mẹ arụ nọ ẹnịna; wẹ nọ gi ẹ dọ Juda ye imẹ njọ.

Maịka 1:15

Ụnụ ndị Maresha, m welazịnị ụnụ onyẹ k'a kpụnrụn ụnụ; ndị alị Izrẹlụ gi dọn ẹnya k'a gbashi Adulam d'a warị.

Joshụa 10:3

Ya Adoni-Zẹdẹki wụ eze Jerusalẹm nọ rịọ Hoham wụ eze Hibrọnụ, Piram wụ eze Jamutu, Jafia wụ eze Lakishi lẹ Debẹ wụ eze Ẹglọnụ, sị,

Joshụa 12:15

eze Libna, eze Adulam;

Joshụa 15:39

Lakishi, Boz'katị lẹ Ẹglọnụ;

Joshụa 15:8

Ọ nọ ghashi Ọdanmgbugbu Bẹn-Hinọm, ẹbamịn ndịdan-mirin obodo ndị Jebusu (ya wụ Jerusalẹm), gha ebẹhụ pụha mkpọnụnụ ugu rị nfetu Ọdanmgbugbu Hinọm ebe Ọdanmgbugbu ndị Rẹfa ru nkọ ẹbamịn-ugu.

Joshụa 18:16

gha ebẹhụ kpọtu, shi ukun Ugu hụn bu ihun zinmẹ Ọdanmgbugbu Bẹn-Hinọm, hụn rị ẹbamịn-ugu Ọdanmgbugbu ndị Rẹfa; ọ nọ nwan ghasọnmẹ Ọdanmgbugbu Bẹn-Hinọm, ghakọ nkpọtu obodo ndị Jebusu (wụ Jerusalẹm) d'e ru Ẹn-Rogẹlụ.