Nehemiah 10:37 - Ika

³⁷ Ẹnyi sikọ d'a gha e wẹhẹni ndị nchụn-ẹjan rị ebe w'e butọ ihiẹn-oriri imẹ ụlọ Chuku ẹnyi ya: kẹ ọka ibuzọ ẹnyi gwọ kẹ oyiye ọka ibuzọ ẹnyi kẹ mkpụrụ ibuzọ osisi ẹnyi ọwụlẹ mị kẹ manya ọhụn ibuzọ ẹnyi kẹ ofigbọn-olivu ibuzọ ẹnyi, kẹni w'e bu ẹ a tọ ebẹhụ. Ẹnyi k'a rị e wẹhẹzikwọnị ndị Livaị ụzọ-ohu-imẹ-ụzọ-iri ihiẹn-ugbo ẹnyi, makẹni ndị Livaị nwọn a na ụzọ-ohu-imẹ-ụzọ-iri imẹ ụmụ-alị ile ẹnyi n'a rụn ugbo.

Nehemiah 10:37 ပူးပေါင်းရင်းမြစ်များ

Ihiẹn Mẹni Nke Ẹbụọ 31:6

Ndị Izrẹlụ lẹ ndị Juda bi obodo ichẹn-ichẹn rị Juda nọ wẹhẹ ụzọ-ohu-imẹ-ụzọ-iri imẹ efin lẹ atụnrụn lẹ ewu wẹ lẹ imẹ ihiẹn ile wẹ gi kwanị Osolobuẹ wụ Chuku wẹ, dọnmẹsọnmẹ wẹ ikpọn-ikpọn.

Nehemiah 13:10

M nụzị nị w'a ra yezi ndị Livaị ihiẹn runi wẹ; nị ndị Livaị ile lẹ ndị ọkụ-ẹbụ ofufe a lashigụọ ugbo wẹ ozigbo-ozigbo.

Nehemiah 13:12

Ya ndị Juda ile nọ wẹhẹmẹ ụzọ-ohu-imẹ-ụzọ-iri ọka lẹ manya-ọhụn lẹ ofigbọn-olivu, e bu wẹ a tọ imẹ mmughẹ ndị hụ w'e butọ ihiẹn.

Nehemiah 13:5

ya ọ nọ we mmughẹ ohu shịanị ye Tobaya, mmughẹ wẹ te buche ọka wẹ gi ye oyiye lẹ frankisẹnsị lẹ ihiẹn ụlọ-nsọ lẹ ohu-imẹ-ụzọ-iri ọka lẹ manya-ọhụn lẹ ofigbọn-olivu, hụn wẹ sị wẹ e ye ndị Livaị lẹ ndị ọkụ-ẹbụ lẹ ndị-nche ọnụ-mgbọn ụlọ-nsọ lẹ ihiẹn ndị wẹ a tụnị ndị nchụn-ẹjan.

Nehemiah 13:9

M nọ gwa wẹ, wẹ nọ dọn mmughẹ ndị hụ w'e butọ ihiẹn nsọ nị wẹ rịzị ọchan; m nọ kwakinhẹn ihiẹn ndị te rị Ụlọ Chuku lẹ ọka ndị hụ wẹ gi ye oyiye lẹ Frankisẹnsị ndị hụ ebẹhụ wẹ te e buche wẹ.

Ọpụpụ 13:12

ụnụ sikọ d'e girịrị okẹnnyẹ ibuzọ ọwụlẹ gha ẹfọ pụha kwanị Osolobuẹ. Okẹn ibuzọ ọwụlẹ anụ ị mụ wụzị nke Osolobuẹ.

Ọpụpụ 13:2

“We ni okẹnnyẹ ibuzọ ọwụlẹ kwanị m. Nwa ibuzọ ọwụlẹ gha ẹfọ pụha imẹ igunrun ndị Izrẹlụ wụ nke m, kẹ ịhịan kẹ anụ.”

Lẹvitikọsụ 23:17

Gha nị ebe-lẹ-ebe ụnụ bi wẹhẹ ogbe brẹdi ẹbụọ-ẹbụọ, oyiye w'e finfin, brẹdi wẹ gi ọka wẹ gweriẹn mẹmẹ, ọka jun mkpu kọstadị-nta ẹnọ lẹ mkpikpi wẹ buche yisti; wẹhẹn'ẹ d'e ye Osolobuẹ oyiye ihiẹn-ugbo ibuzọ.

Malakaị 3:10

Wẹhẹchanrịn nị nwan ụzọ-ohu-imẹ-ụzọ-iri ebe w'e butọ a — kẹni ihiẹn-oriri jun Ụlọ m. Gi n'ẹ leledẹle m, mmẹ wụ Osolobuẹ ku ẹ — omẹni agụnpụkọnị m ụnụ windo elu-igwee, hutuni ụnụ ngọzi ụnụ jẹnkọlẹni d'a sa ẹka bu;

Malakaị 3:8

“Nị ịhịan zun nwan Osolobuẹ ohin? Bụ ụnụ hụ e zun m ohin. “Kanị ụnụ hụ a jụ, ‘Nanị ẹnyi dọn e zun Osolobuẹ ohin?’ “Ụzọ-ohu-imẹ-ụzọ-iri lẹ oyiye ụnụ furu nị ụnụ e ye kẹ ụnụ rị e zunnarịn m.

Ọgụngụn 18:15

“Nwa ibuzọ gha ẹkpa-nwa ọwụlẹ pụha — kẹ ịhịan kẹ anụ — hụn wẹ ye Osolobuẹ wụ nke ụnụ. Kanị ụnụ k'a gbarị okẹnnyẹ ibuzọ ọwụlẹ lẹ okẹn ibuzọ anụ ọwụlẹ rụnị mụ.

Ọgụngụn 18:18

Anụ wẹ sikọ d'a wụ nke ụnụ, nọkẹ kẹ ẹran anụ hụn wẹ e wepụha e finfinghọsị Osolobuẹ lẹ ọrụ anụ wẹ gi chụn ẹjan dọn wụ nke ụnụ.

Ọgụngụn 18:21

“Nke ndị Livaị, m rị e we ụzọ-ohu imẹ ụzọ-iri ile rị Izrẹlụ e ye ndị Livaị, n'ọ wụrụ nke wẹ hụn wẹ gi a kụ wẹ ụgwọ ọrụn wẹ rị a rụn imẹ Ọdụ-ozuzu.

Ndị Rom 11:16

Omẹni brẹdi wẹ bu ụzọ beri ye Osolobuẹ hụghọ nsọ, ogbe wẹ gha beri ẹ rịzịkwọ nsọ; omẹni mkpọgụn osisi rị nsọ, agala ndị rị osisi hụ hụzị nsọ.

Ditrọnọmi 14:22

Hụnkwọ n'a nị ụnụ e wepụha ohu-imẹ-iri ihiẹn-ugbo ụnụ ahụa-ahụa.

Ditrọnọmi 18:4

Ụnụ k'a gha e ye wẹ ọka ibuzọ ụnụ, manya-ọhụn lẹ ofigbọn-olivu ibuzọ ụnụ lẹ ẹṅẹnrẹn ibuzọ ụnụ kọpụha ẹhụ atụnrụn ụnụ —

Ditrọnọmi 26:2

y'a gha imẹ ihiẹn-ugbo ibuzọ ile alị ahụn Osolobuẹ wụ Chuku ụnụ rị e ye ụnụ mịpụha weberi, buche imẹ ụkpalị, bujẹn ebahụn Osolobuẹ k'a họrị nị Ẹfan a rị,