Nehemiah 10:31 - Ika

³¹ “Ndị alị ọzọ ndịnị buhẹ ibu-afịa mọbụ ọka ọwụlẹ Ụhụọhịn Ezumikẹn d'e re, ẹnyi eṅọnnarịnkọ wẹ ya Ụhụọhịn Ezumikẹn mọbụ ụhụọhịn ọwụlẹ rị nsọ. O ru ahụa nke ẹsa ọwụlẹ, ẹnyi arụnkọ ugbo ẹnyi; o ru ahụa ahụn, ẹnyi a kagbu ụgwọ ọwụlẹ onyẹ Ju ibe ẹnyi gi ẹnyi.

Nehemiah 10:31 ပူးပေါင်းရင်းမြစ်များ

Ihiẹn Mẹni Nke Ẹbụọ 36:21

Alị nọ zu ikẹn ẹ — ọrọgbọ ile wẹ gizilẹni bi ẹ. O zu ikẹn, ahụa iri kwasị ọgụn-ẹtọ hụ e zu, nọkẹ kẹ Osolobuẹ dọn ku ghahanị onyẹ-amụma wụ Jerimaya.

Nehemiah 13:23

Ogẹn hụ, m nọzị hụn ndị Ju hụn lụ ikpoho obodo Ash'dọdụ alị Filistia lẹ ikpoho alị Amọnụ lẹ alị Mụabụ.

Nehemiah 13:27

Nị ẹnyi nụmazị nwan nị ụnụ nwẹn e mẹmẹ ihiẹnni jọgbu enwẹn ẹ, a gbakitọ Chuku ẹnyi azụụn ghahanị ịlụ ikpoho alị ọzọ?”

Ọpụpụ 12:16

“Ụnụ jẹnkọ d'e zu ozuzu rị nsọ ụhụọhịn nke ibuzọ lẹ nke ẹsa. Arụnkwọlẹ ni ọrụn ọwụlẹ ọrọgbọ akpọhịn ẹsa hụ, mmanị ishi ihiẹn-oriri sụọ; ịya sụọ kẹ ụnụ sikọ d'e mẹ.

Ọpụpụ 20:10

kanị, nke akpọhịn ẹsa rịn'a wụ Ezumikẹn wẹ gi e ye Osolobuẹ wụ Chuku i ọghọ. Arụnkwọlẹ ọrụn ọwụlẹ ụhụọhịn hụ: kẹ yụ kẹ ụmụ ị ikẹnnyẹ kẹ ụmụ ị ikpoho, kẹ igbọn i okẹnnyẹ kẹ igbọn i okpoho, kẹ anụmanụ ị kẹ abịamabịa rị alị ọnụ.

Ọpụpụ 34:16

O ru ụnụ a nụmanị ụmụ ụnụ ikpoho wẹ, ikpoho wẹ a gbasọnmẹ mmọn wẹ kẹ ịgbaraja ife-mmọn, dọ ụmụ ụnụ ye ife-mmọn ndị ahụn wẹ nwẹn e fe.

Azaya 58:6

Ọnwan wụ ọnụ m sị ụnụ e bu: ịkpọpụ ndị wẹ rị e mẹ eje-ihiẹn ẹgan lẹ ịtọpụ ndị wẹ rị a kịgbu ẹgbụn, ịhatu ndị wẹ rị a bịangbu lẹ itibepụ agbụn ile rị wẹ olu. Ẹlẹ ịya?

Lẹvitikọsụ 16:29

“Lee ni ihiẹn ụnụ k'a gha e mẹ jẹnrin ejẹn: nke akp'ọhịn iri imẹ ifọn nke ẹsa, ụnụ k'e bu ọnụ; ụnụ arụnkọ ọrụn ọwụlẹ — kẹ nwa-di-alị kẹ abịamabịa rị imẹ igunrun ọnụ,

Lẹvitikọsụ 23:21

Ụhụọhịn ohu hụ, ụnụ k'a kpọzị iko rị nsọ. Arụnlẹ ni ọrụn ụnụ gi e bi. Ebe-lẹ-ebe ụnụ bi, mẹsọnmẹ ni omẹnalịnị agbọ ụnụ ile lalanị.

Lẹvitikọsụ 23:3

“Akp'ọhịn isin rị a hụn ụnụ e gi rụn ọrụn, kanị nke akp'ọhịn ẹsa rịn'a wụ Ụhụọhịn Ezumikẹn wẹ jẹnkọlẹni d'a rụn ọrụn, ụhụọhịn ụnụ k'e gi kpọ iko rị nsọ. Ụnụ arụnkọ ọrụn ọwụlẹ; ebe-lẹ-ebe ụnụ bi, Ezumikẹn wẹ gi e ye Osolobuẹ ọghọ rọ.

Matiu 6:12

gbagharị ẹnyi eje-ihiẹn ẹnyi mẹ, kẹ ẹnyi dọn gbagharị ndị mẹ ẹnyi eje-ihiẹn.

Ndị Kolosị 2:16

Anịlẹ ni wẹ nwan gi oku ihiẹn-oriri lẹ ihiẹn-ọrịra ma ụnụ ikpe, mọbụ oku mmẹmmẹ ọwụlẹ mọbụ Mmẹmmẹ ifọn-ọhụn mọbụ Ụhụọhịn Ezumikẹn rị ichẹn-ichẹn.

Jemisi 2:13

onyẹ ghalẹni e mẹ omikẹn, emẹkọnị w'a omikẹn wẹ gha e kin ẹ ikpe. Omikẹn e mẹri ikpe-ọmụma.