Nehemiah 10:29 - Ika

²⁹ Wẹ ile nọ nwan sọn umunẹ wẹ lẹ ndị-isi wẹ kun ẹfan Osolobuẹ, sị a mẹshi wẹ ikẹn omẹni emẹni wẹ ihiẹnni wẹ kwe nkwa a, ya wẹ nọ kwe nkwa nị wẹ sikọ d'e dọnmẹ Iwu Chuku hụn o gi odibo ẹ wụ Mozizi ye; nị wẹ sikọ d'e dọnrin ẹnya dọnmẹchanrịn ụmụ-iwu lẹ usọnrọn lẹ uhi Osolobuẹ Di-nwọnni ẹnyi yi.

Nehemiah 10:29 ပူးပေါင်းရင်းမြစ်များ

Ndị-nze Nke Ẹbụọ 10:31

Kanị Jehu akpachanpụkwọnị ẹnya, gi obi ẹ ile sọn iwu Osolobuẹ wụ Chuku Izrẹlụ. O mẹbehini njọ Jerobụam, hụn Jerobụam dọ Izrẹlụ ye imẹ ẹ.

Ndị-nze Nke Ẹbụọ 23:3

Eze nọ wuzo ọnọdị a ẹhụ adansụn Ụlọ-nsọ, nọ ebẹhụ, idẹnya Osolobuẹ, kwedọnzi nkwa kẹ Osolobuẹ dọn chọ: n'o k'e sọn Osolobuẹ, n'o k'e gi obi ẹ ile lẹ umẹ-ndụn a ile mẹ ẹ, e mẹ ihiẹn ọ sị wẹ mẹ, e sọn usọnrọn ẹ, e sọn uhi ile o yi, gi ẹ mẹzu ihiẹn ndị rị nkwerigbama wẹ deye imẹ ẹkụkwọnị. Ndị Juda ile nọzị kwe nkwa hụ.

Ihiẹn Mẹni Nke Ibuzọ 9:2

Ogẹn wẹ gi lụahama, o nwọn ndị bu ụzọ lụaha d'e bikin ọkpụlọ wẹ imẹ obodo wẹ rị ichẹn-ichẹn. Ndị Izrẹlụ mmaka hụ a, ndị ebọn Livaị wụ ndị nchụn-ẹjan kẹ ndị Livaị wụlẹni ndị nchụn-ẹjan hụ a, ndị ọzọ a rụn ọrụn imẹ Ụlọ-nsọ hụzị a.

Ihiẹn Mẹni Nke Ẹbụọ 34:31

Eze nọ wuzo ọnọdị a ẹhụ adansụn rị ihun Ụlọ-nsọ, kwedọnzi nkwa nkwerigbama hụ idẹnya Osolobuẹ n'o k'e gi obi ẹ ile lẹ umẹ-ndụn a ile sọn Osolobuẹ, e mẹ ihiẹn ndị ọ sị wẹ mẹ, e sọn usọnrọn ndị o tumẹ lẹ uhi ndị o yi lẹn'o k'e mẹ “ihiẹn ndị hụ wẹ gi mẹmẹ nkwerigbama wẹ deye imẹ ẹkụkwọnị”.

Ihiẹn Mẹni Nke Ẹbụọ 6:16

“Osolobuẹ hụn wụ Chuku Izrẹlụ, dodo mẹzukwama nwan nkwa ndị hụ i kwe odibo i wụ Defidi nẹdi m ogẹn i gi sị ‘Y'e nwọnbehikọ onyẹ a nọ ihun m a kị elu ukpo-eze Izrẹlụ, o mẹkwọnị ụmụ ị a kpachanpụghọ ẹnya bi, e bi kẹ Iwu m dọn ku, nọkẹ kẹ i dọn mẹ.’

Nehemiah 13:25

M nọ sọn ikẹnnyẹ ndị hụ kpemẹ, bụ wẹ ọnụ; m nọ gbu ụfọdụ imẹ wẹ ili, huepụ ntutu wẹ. M nọ mẹ wẹ kun Ẹfan Osolobuẹ, sị wẹ, “Ụnụ ewekọ ụmụ ụnụ ye ụmụ wẹ lụrụ; ụnụ alụkọ ụmụ wẹ ye ụmụ ụnụ mọbụ lụrụ ụmụ wẹ.

Nehemiah 7:46

Ndị e jẹn ozi imẹ Ụlọ-nsọ lụanị wụ ndịnị: ụmụ Ziha, ụmụ Hasufa, ụmụ Tabawotu,

Nehemiah 8:2

Ya kẹ Ẹzra hụn wụzị onyẹ nchụn-ẹjan nọ wepụha Ẹkụkwọ Iwu ihun igunrun hụ zuni: kẹ ikẹnnyẹ kẹ ikpoho rị ebẹhụ, wẹ lẹ ndị ile k'a sa ẹka ghọta ihiẹn wẹ sikọ d'a gụnnị wẹ. Ihiẹnni mẹ ụhụọhịn ibuzọ imẹ ifọn nke ẹsa.

Nehemiah 8:3

Ọ gụnshi ẹ elu hụn w'a nụ, gha ụzụtụntụn d'e ru ogẹn anwụn gi ru isi. O bu ihun zinmẹ igunrun hụ rị ebe ndị alị nọ e zu, ihun Ọnụ-mgbọn Mirin — idẹnya ikẹnnyẹ lẹ ikpoho lẹ ndị hụ ile a saẹka a ghọta. Ndị hụ ile gọnchanrịn ntịn Ẹkụkwọ-Iwu hụ wẹ rị a gụnnị wẹ.

Nehemiah 9:2

Ndị wụ ndị Izrẹlụ kẹti-kẹti e wepụgụọlẹ enwẹn wẹ ebe ndị alị ọzọ ile rị. Ya wẹ nọ nọ ebe wẹ wuzo kupụha njọ wẹ lẹ njọ ndị nẹdi wẹ kanị.

Nehemiah 9:38

“Makẹ ufiri ẹ, ẹnyi ile rị nwan e kwegbama nkwa e kweshi ẹ ikẹn; ẹnyi rị nwan e detu ẹ imẹ ẹkụkwọ; ndị-isi ẹnyi lẹ ndị Livaị lẹ ndị nchụn-ẹjan ẹnyi rị nwan e biye ẹ ẹka.”

Ẹbụ-ọma 105:45

O mẹ ẹ kẹni ndị nke ẹ e dọnmẹ uhi ẹ, e dọnmẹ iwu ẹ. Ja nị Osolobuẹ mma!

Ẹbụ-ọma 119:106

E kungụọ m ẹfan ị, kunshi ẹ ikẹn, nị m k'a gha e dọnmẹ ezigbo uhi i yisọnmẹni ẹnyi.

Ẹbụ-ọma 8:1

Euu Osolobuẹ, Onyẹ-nwọnni-ẹnyi, Ẹfan ị e nwọnkẹkwọ ikpẹn elu-ụwa ile! Y'a ghọsịzịkwọ ọghọ ị elu-igwere!

Ẹbụ-ọma 8:9

Euu Osolobuẹ, Onyẹ-nwọnni-ẹnyi, Ẹfan ị e nwọnkẹkwọ ikpẹn elu-ụwa ile!

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Jerimaya 26:4

Sị wẹ nị Osolobuẹ sị, ‘Omẹni ụnụ egọnni m ntịn, gi Iwu m tumẹni ụnụ bi,

Jerimaya 34:15

“O ru nwan ẹgbatanị, ụnụ nọ bihutọ ẹka, mẹ ihiẹn rị mma ẹnya m. Onyẹ-onyẹ imẹ ụnụ nọ sị igbọn ẹ weri enwẹn ẹ lẹ ihiẹn ẹ. Ụnụ nọdẹ nọ ihun m, imẹ ụlọ-nsọ m hụn rị a za Ẹfan m, kun Ẹfan m nị ụnụ jẹnkọ d'e mẹ ẹ.

Izikẹlụ 36:27

M k'e bu Mmọn m che imẹ ndụn ụnụ, e mẹ ụnụ e dọnmẹ Iwu m, e gi usọnrọn m e bi.

Lẹvitikọsụ 20:26

Ọnụ k'a rịnị m nsọ, makẹni mmẹ hụn wụ Osolobuẹ, m rị nsọ, m họpụhazịkwọ ụnụ imẹ alị ndị ọzọ ile nị ụnụ wụrụ nke m.

Malakaị 4:4

“Nyanhankwọ nị Iwu odibo m wụ Mozizi, iwu lẹ ọdịnalị ile m ye ẹ elu Ugu Saịnaị wụ Horẹbụ n'o tumẹni Izrẹlụ ile.

Ọgụngụn 5:21

Osolobuẹ ya gi i họnrin ihiẹn wẹ bụ ọnụ hụn w'e kuja oku ẹ imẹ igunrun ndị nke i, ogẹn o gi mẹ ọgbọdọgbọ ị sekpọ, ẹfọ ị e fun.

Jọnụ 1:17

Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.

Jọnụ 15:14

Ndị ọwụ m kẹ ụnụ wụ — omẹni ụnụ e mẹ ihiẹn m ku.

Jọnụ 7:19

“Mozizi e yegụọnị ụnụ Iwu? Kanị onwọnni akpụ onyẹ ohu e dọnmẹ Iwu hụ imẹ ụnụ. Kị ụnụ rị a chọnị nị ụnụ gbu m?”

Ọrụn Ndị-ozi 11:23

Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.

Ọrụn Ndị-ozi 17:34

Kanị ụfọdụ ikẹnnyẹ nọ bann'a, kwerini Jesu. Ohu imẹ wẹ wụ Dionishịọsụ hụn rị ndị e zu ọgwa Eropagọsụ, ịya lẹ okpoho ohu w'a kpọ Damarisi lẹ ndị ọzọ wẹ ile wị.

Ọrụn Ndị-ozi 23:21

Kanị, egọnkwọlẹ wẹ ntịn, makẹni ikẹnnyẹ wẹ karị ọgụnnaị warị ọfịa e che ẹ. E kungụọ wẹ Osolobuẹ, nị erikọ wẹ, arakọ wẹ d'e ru mgbe wẹ gbugụ a; a kwademẹgụọ wẹ nwan e che n'i kweri wẹhẹ ẹ.”

Ndị Rom 12:9

E nwọnni ihiẹn-ọsụsụọ gha akpakalị obi pụha. A jụ nị eje-ihiẹn; e kwọnkẹnmẹ ni ihiẹn rị mma.

Ditrọnọmi 33:4

iwu ahụn Mozizi ye ẹnyi, ukuu ndị nke Jekọpụ.

Ditrọnọmi 5:1

Mozizi kpọzu Izrẹlụ ile, sị wẹ, “Izrẹlụ, gọn ni ntịn uhi lẹ iwu ndịnị m k'e tumẹni ụnụ tannị. Mụ nị wẹ, ụnụ a hụn a ni ụnụ e gi wẹ e bi.

Ditrọnọmi 5:32

Dọnrin ni nwan ẹnya mẹ ihiẹn Osolobuẹ wụ Chuku ụnụ sị ụnụ mẹ; akụyelẹ ni ẹka-nni mọbụ ẹka-ekpẹn;