Nehemiah 1:6 - Ika

⁶ Dodo, gọn ntịn, dodo lee ẹnya, n'ị nụ ekpere mmẹ wụ odibo i rị nwan ihun i e mẹ efinaị lẹ uhinhin, a rịọ ị banyeni idibo i, ndị Izrẹlụ; m rị e ku ẹ nị ẹnyi ndị Izrẹlụ e mẹọlẹ njọ — kẹ mmẹ kẹ ikpụlọ nẹdi m e mẹgụọ ị njọ.

Nehemiah 1:6 ပူးပေါင်းရင်းမြစ်များ

Ndị-nze Nke Ibuzọ 8:30

Nụ arịrịọ odibo i lẹ ndị nke i wụ Izrẹlụ wẹ bu ihun zinmẹ ebeni mẹ ekpere. Gha elu-igwee ebe-obibi i nụ ekpere wẹ; ị nụ a, y'a gbagharị wẹ njọ.

Ndị-nze Nke Ibuzọ 8:47

nị a nọ wẹ alị ndị gini wẹ rohutọ, bihutọ ẹka, nọ alị ndị ahụn mẹrini wẹ, rịọ ị, sị, ‘Ẹnyi e mẹọlẹ njọ; ẹnyi e mẹfiegụọ; ẹnyi e mẹọlẹ eje-ihiẹn’;

Ihiẹn Mẹni Nke Ẹbụọ 28:10

Ụnụ chọ nwan nị ụnụ gi ikẹnnyẹ lẹ ikpoho Juda lẹ Jerusalẹm họnrin igbọn. Ụnụ nwẹn emẹni Osolobuẹ njọ bu ọda?

Ihiẹn Mẹni Nke Ẹbụọ 29:6

Ndị nẹdi ẹnyi emẹni ihiẹn Osolobuẹ sị wẹ mẹ; wẹ mẹ ihiẹn rịlẹni mma ẹnya Osolobuẹ wụ Chuku, la a tọ; wẹ bupụ ẹnya Ụlọ Osolobuẹ, gbakitọ Osolobuẹ azụụn.

Ihiẹn Mẹni Nke Ẹbụọ 6:40

“Chuku m, dodo nwan, shịapụ ẹnya ị lẹ ntịn ị zinmẹ ekpere wẹ e mẹ ebeni.

Ẹzra 10:1

Hụn ahụn Ẹzra rị ebẹhụ e mẹ ekpere, a sị “Osolobuẹ, ẹnyi e mẹọlẹ njọ”, a kwan, e we enwẹn ẹ e gbe alị ihun Ụlọ Chuku, ndị Izrẹlụ bugbu enwẹn wẹ ọda nọ gbakikomẹmẹ, fihunmẹ ẹ — kẹ ikẹnnyẹ kẹ ikpoho kẹ ụmụ-ẹka. Wẹ nwẹn hụzị a kwan ẹkwan ọda-ọda.

Ẹzra 10:11

Gwa nị nwan Osolobuẹ wụ Chuku ndị nẹdi ụnụ nị ụnụ e mẹọlẹ njọ, ụnụ e mẹmẹ uche ẹ. Wepụha nị nwan enwẹn ọnụ imẹ ndị alị ọzọ ndịnị fihunmẹni ụnụ lẹ ikpoho alị ọzọ ndị ahụn ụnụ lụrụ.”

Nehemiah 1:11

Euu Di-nwọnni ẹnyi, dodo gọn ntịn ekpere odibo i ni lẹ idibo i ndị ọzọ hụn ọ sụọ nị wẹ e ye ẹfan ị ọghọ. Ye mmẹ wụ odibo i ẹwẹrẹ tannị, y'e mẹ eze kweri ihiẹn m jẹnkọ d'a rịọ a.” Ogẹn hụ, mmẹ wụ odibo eze hụn e buye eze manya.

Ẹbụ-ọma 102:17

O k'a nụ ekpere ndị nwọnlẹni eyemẹka; o lelịakọ ekpere wẹ.

Ẹbụ-ọma 106:6

Ẹnyi lẹ ndị nẹdi ẹnyi wẹ e mẹgụọ njọ; ẹnyi e mẹgụọ ihiẹn rịlẹni mma; ẹnyi e mẹgụọ eje-ihiẹn.

Ẹbụ-ọma 130:2

Dodo Di-nwọnni-ẹnyi, nụ olu m! Gọn ntịn arịrịọ m rị a rịọ ị!

Ẹbụ-ọma 32:5

Ya kẹ m nọ kweri gwa ị n'e mẹọlẹ m njọ; ezuemẹzinini m'ị njọ m; e sị m enwẹn m, “M jẹnkọ d'a gwaghọsị Osolobuẹ eje-ihiẹn ndị m mẹ.” Ya ị nọ gbagharị m njọ m. Sẹla

Ẹbụ-ọma 34:15

Ẹnya Osolobuẹ rị ebe ndị ezi-omumẹ rị, ntịn a rị ẹkwan wẹ;

Ẹbụ-ọma 55:17

Kẹ uhinhin kẹ ụtụntụn kẹ efinnaị, m hụ a gwaghọsị a nsọngbu m, a sụn udẹn; ọ k'a nụ olu m.

Ẹbụ-ọma 88:1

Dodo Osolobuẹ, Chuku hụn a zụọpụhanị m, m hụ a kwan, a kpọku i efinnaị ile, a bịazị ihun i uhinhin!

Azaya 6:5

Ya m nọ yimẹ, “Ụya e gbuẹ m! Nke m a gụ! Makẹni, mmẹ hụn wụ onyẹ njọ ọnụ a rụ, hụn bizikwọ imẹ igunrun ndị njọ ọnụ wẹ rụ, e gigụọ ẹnya hụn Eze, Osolobuẹ Nwọn Ikẹn Ile!!”

Ẹkwan 5:7

Ndị nẹdi ẹnyi mẹ njọ bụ arịzị wẹ nwan ndụn, ẹnyi rị nwan a ta afụnfụn njọ wẹ.

Daniẹlụ 9:15

“Dodo nwan, Di-nwọnni-ẹnyi wụ Chuku ẹnyi, hụn gi ikẹn hi-ogbe gha Ijiptu wepụha ndị nke i, gi ẹ nwọnrin ẹfan d'e ru tannị, ẹnyi e mẹọlẹ njọ, ẹnyi e mẹọlẹ ihiẹn jọgbu enwẹn ẹ.

Daniẹlụ 9:20

Hụn ahụn m rị e ku, e mẹ ekpere, e kupụha njọ m lẹ njọ ndị nke m wụ Izrẹlụ, a rịọ Osolobuẹ wụ Chuku m banyeni ugu nsọ a —

Daniẹlụ 9:4

M nọ mẹ ekpere jẹnni Osolobuẹ wụ Chuku m, e kupụha njọ ẹnyi, sị, “Dodo, Di-nwọnni-ẹnyi, Chuku uku, hụn w'a tụ egun ẹ, hụn e nwọnsọnmẹ ihiẹn-ọsụsụọ ndị ihiẹn ẹ a sụọ hụn rị e mẹ ihiẹn o ku,

Daniẹlụ 9:5

ẹnyi e mẹgụọ njọ, ẹnyi e mẹfiegụọ. Ẹnyi a kpachanpụgụọ ẹnya mẹ njọ, e nupụ isi okpuru i; ẹnyi a latọgụọ ihiẹn ị sị ẹnyi mẹ lẹ iwu ndị i yesọnmẹ.

Daniẹlụ 9:8

Euu, Osolobuẹ, ẹnyi rị nwan e ri ụya, ẹnyi lẹ ndị-nze ẹnyi lẹ ndị-isi ẹnyi lẹ ndị nẹdi ẹnyi — makẹ njọ ẹnyi mẹ i.

Luku 18:7

Osolobuẹ emẹkọ wẹ ye ndị nke ẹ rị a kwanghọsị a uhinhin lẹ efinnaị ihiẹn runi wẹ? N'o biekẹ d'e yeni wẹ ẹka?

Luku 2:37

Ọnọdị ahụn k'ọ rịkwọ nwan d'e ru hụnnị ọ rị nwa ahụa ẹnọ kwasị ọgụn-ẹnọ. Ara gha Ụlọ-nsọ pụ; ọ hụ e fe Osolobuẹ ukinkin lẹ efinnaị, e bu ọnụ, e mẹ ekpere.

Ndị Ẹfẹsọsụ 2:3

Eziẹ, ẹnyi ile e te bi k'ọ sụọ ẹnyi nọkẹ wẹ, e mẹ kẹ ẹhụ ẹnyi lẹ obi ẹnyi chọ. Iwe-lẹ-ọnụma Osolobuẹ te hụ e che ẹnyi nọkẹ ndị ọzọ ile.

Timoti Ibuzọ 5:5

Okpoho di ẹ nwụn hụn nwọnlẹni onyẹ ọwụlẹ nke-esi e gi Osolobuẹ e dọn ẹnya, e mẹ ekpere ogẹn ile, a rịọ Osolobuẹ uhinhin lẹ efinnaị.

Timoti Nke Ẹbụọ 1:3

M hụ a kpanmịn Osolobuẹ m gha a nyanhan ị ogẹn ile m gi e mẹ ekpere uhinhin lẹ efinnaị, Osolobuẹ hụn hụn m rị e dọnmẹ obi m ọchan e fe kẹ ndị nẹdi m dọn mẹ.

Jọnụ Ibuzọ 1:9

Kanị ẹnyi kupụha njọ ẹnyi, onyẹ wẹ gi e dọn ẹnya lẹ onyẹ-ezioku k'ọ wụ, o k'a gbagharị ẹnyi njọ, chanpụchanrịn ẹnyi ihiẹn ile rịlẹni mma ẹnyi mẹ.

Samuẹlụ Nke Ibuzọ 15:11

“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.