Ndị Rom 9:4 - Ika

⁴ M rị e ku oku ndị Izrẹlụ: uwẹ kẹ Osolobuẹ gi họnrin ụmụ; uwẹ k'ọ ghọsị ọghọ a hụ; uwẹ k'o ye nkwerigbama ahụn o kwademẹ; uwẹ k'o ye Iwu hụ; uwẹ k'o tumẹni ofufe hụ rị imẹ Iwu; uwẹ nwọnhẹn nkwa ndị hụ Osolobuẹ kwe;

Ndị Rom 9:4 ပူးပေါင်းရင်းမြစ်များ

Jẹnẹsisi 15:18

Ụhụọhịn ahụn kẹ Osolobuẹ kwe Ebram nkwa, sị, “M rị e ye ụmụ ị alịnị, hụn gha iyi rị ebe alị Ijiptu ru d'e rukwọrị iyi uku wụ Yufretisi —

Jẹnẹsisi 17:10

Hụnnị wụ nwan iwu nkwerigbama ahụn, hụn yụ lẹ mmụ ị ndị rị ihun sikọ d'e dọnmẹni m: okẹnnyẹ ọwụlẹ rị imẹ igunrun ụnụ k'a kwarịrị ugun.

Jẹnẹsisi 17:2

kẹni m mẹmẹ nkwerigbama ẹgbata mmẹ lẹ yụ, mẹ i barahị.”

Jẹnẹsisi 17:7

M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Jẹnẹsisi 32:28

Ọ nọ sị a, “Ẹfan ị ẹlẹzi Jekọpụ, kanị Izrẹlụ — makẹni y'e sọngụọ Osolobuẹ lẹ ịhịan zụọ, ọ ghan'ị.”

Ndị-nze Nke Ibuzọ 8:11

Ndị nchụn-ẹjan hụ asazịnị ẹka nọdị rụn ọrụn wẹ makẹ orukpu hụ; makẹni ọghọ hụ Osolobuẹ gi bịa jun Ụlọ-nsọ a.

Nehemiah 13:29

Euu Osolobuẹ m, nyanhan wẹ, makẹni e mẹrụgụọ wẹ ọrụn nchụn-ẹjan lẹ iwu ọrụn nchụn-ẹjan lẹ iwu i tini ndị Livaị.

Ẹbụ-ọma 147:19

Ọ gwagụọ ụmụ Jekọpụ ihiẹn ọ chọ n'o ku; o butọgụọnị Izrẹlụ ọdịnalị a lẹ uhi ẹ.

Ẹbụ-ọma 63:2

A hụnọlẹ m'i imẹ Ụlọ-nsọ ị, hụn ikẹn i lẹ ọghọ ị.

Ẹbụ-ọma 73:1

Chuku a rịkakwọ ndị Izrẹlụ mma ẹhụ, ndị obi wẹ rị ọchan.

Ẹbụ-ọma 78:61

Ọ latọ Ẹkpẹti ghọsị ikẹn ẹ lẹ ọghọ a, ọ nị ndị iṅẹnrẹn bunarịn wẹ ya.

Ẹbụ-ọma 89:3

Ịyụ sị, “E kwegụọ m onyẹ ahụn m họrị wụ Defidi nkwa, e kungụọnị m'a enwẹn m, sị,

Ẹbụ-ọma 89:34

Emẹbehikọ m nkwa m kwe, ekuhutọkọ m ọnụ.

Ẹbụ-ọma 90:16

Dodo, mẹ idibo i hụnzị ọrụn-atụmẹnya ị; ghọsị ụmụ wẹ ọghọ ị.

Ọpụpụ 12:25

Ụnụ banye alị ahụn Osolobuẹ kwe ụnụ nkwa a, hụn o jẹnkọ d'e ye ụnụ, e mẹ ni mmẹmmẹni.

Ọpụpụ 34:27

Osolobuẹ nọ sị Mozizi, “Detu oku ndịnị wẹ, makẹni m rị nwan e gi oku ndịnị e kwọngbama mmẹ lẹ ịyụ lẹ Izrẹlụ.”

Ọpụpụ 4:22

Ogẹn hụ, y'a sị a, ‘Lee ihiẹn Osolobuẹ ku: Izrẹlụ wụ okẹnnyẹ ibuzọ m.’

Ọpụpụ 40:34

Ya kẹ orukpu nọ kpumẹ Ọdụ-ozuzu, ọghọ rị Osolobuẹ ẹhụ e jun Ọdụ nsọ.

Azaya 41:8

“Kanị, Izrẹlụ hụn wụ odibo m, ebọn Jekọpụ hụn m họrị, ẹbozo Ebraham ọwụ m,

Azaya 46:3

Gọn ni m ntịn-o, ebọn Jekọpụ — ụnụ ile ndị họdụ ezi-lẹ-ụlọ Izrẹlụ. Mmẹ bu ụnụ kete w'a tụlẹ imẹ ụnụ; mmẹ bu ụnụ kete ụnụ banlẹ imẹ ẹfọ.

Azaya 5:2

Ọ dụkpọ alị a, kpọnpụchanrịn ọmụma junn'ẹ, gbọ ezigbo vaịnị ye ẹ. Ọ tụn ụlọ-nche ye imẹ ẹ, nọzịkwọ ọmụma rị alị tụ ebe wẹ nọ a pịnpụha manya vaịnị. Ọ nọ tụma ẹnya ogbe vaịnị rị mma, kanị ọ mịn'a vaịnị rịlẹni mma.

Azaya 60:19

Ụnụ egikọzị ẹnyanwụn legha ụzọ ogẹn efinaị; mọbụ gi ifọn legha ụzọ imẹ uhinhin. Mba. Osolobuẹ lẹ enwẹn ẹ k'a wụrụnị ụnụ ukpẹ jẹnrin-ejẹn; Chuku ụnụ k'a wụ ọghọ ụnụ.

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Izikẹlụ 1:28

Ukpẹ ahụn fihunmẹ onyẹ hụ nọ kẹ ekọn-lẹ-ogugu hụn a pụha igwere mirin zue. Ẹrịra kẹ ọghọ hụn Osolobuẹ gi pụha nọ. Kẹ m hụn a, m nọ bu ẹfọ mama alị. Ya kẹ m nọ nụ olu rị e ku oku.

Hosia 11:1

“Osolobuẹ sị: Ogẹn Izrẹlụ gi rị nwa-ndu, ihiẹn ẹ sụọ m, a gha m alị Ijiptu kpọpụha nwa m.

Ọgụngụn 7:89

Ogẹn Mozizi gi banye Ọdụ-ozuzu d'e sọn Osolobuẹ ku, ọ nọ nụ olu ẹ k'ọ gha elu okun Ẹkpẹti Ashịa-ẹri ahụn, ẹgbata ndị chẹrobu ẹbụọ hụ, a gwa a oku. Ọ nọ sọn ẹ ku.

Matiu 21:33

“Nụ nị ilu ọzọ: O nwọn onyẹ ohu nwọn alị, ọ nọ kụn a vaịnị, tụnhunmẹ ẹ mgbọn, guye ebe wẹ nọ a pịnpụha manya-vaịnị imẹ ugbo hụ, tụnzịkwọ ụlọ-nche ye ẹ, bu ẹ che ẹka ndị sikọ d'a gha a rụn a e-gbu-e-ke. Ọ nọ shi alị ọzọ.

Jọnụ 1:17

Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.

Jọnụ 1:47

Ogẹn Jizọsị gi hụn Natanẹlụ k'ọ lala d'e kunrun ẹ, ọ nọ sị, “Ọnwan wụchanrịn onyẹ Izrẹlụ hụn nwọnlẹni ẹro!”

Ọrụn Ndị-ozi 2:39

Makẹni ụnụ kẹ Osolobuẹ kwe nkwanị n'o k'e zihẹ Mmọn-nsọ — ụnụ lẹ ụmụ ụnụ lẹ ndị rị ebe teni — onyẹ ọwụlẹ Di-nwọnni-ẹnyi wụ Osolobuẹ ẹnyi k'a kpọ oku.”

Ndị Rom 3:2

O bukẹkwọ! Nke ibuzọ, ndị ju kẹ Osolobuẹ buche oku gha a ọnụ pụha ẹka.

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Rom 9:6

Ẹlẹni ihiẹn Osolobuẹ ku banyeni ndị Izrẹlụ aghazịnị. Mba. Makẹni, ẹlẹ ndị Izrẹlụ ile wụ ndị Izrẹlụ nke-esi.

Ndị Kọrẹntị Nke Ẹbụọ 11:22

Omẹni wẹ wụ ndị Hibru, ya kẹ mmẹ nwẹn wụ; omẹni wẹ wụ ndị Izrẹlụ, ya kẹ mmẹ nwẹn wụ; omẹni wẹ wụ ụmụ Ebraham, ya kẹ mmẹ nwẹn wụzị;

Ndị Galeshịa 3:16

Ogẹn Osolobuẹ gi kwe Ebraham lẹ nwa a nkwa hụ, Ẹkụkwọ-nsọ asịnị “Ụmụ ị” ya wụ, hụn karị onyẹ ohu; kanị ọ sị “nwa ị” ya wụ onyẹ ohu sụọ — hụn wụ Kraịstị.

Ndị Ẹfẹsọsụ 2:12

nyanhan nị nị, ụnụ arị imẹ Kraịstị ogẹn ahụn; ụnụ arị ebọn Izrẹlụ; ụnụ arị nkwerigbama Osolobuẹ lẹ nkwa o kwe, elu ụwa ụnụ rị, ụnụ enwọn olilẹnya, ụnụ enwọn Osolobuẹ.

Ditrọnọmi 14:1

Ụmụ Osolobuẹ wụ Chuku ụnụ kẹ ụnụ wụ, egilẹ ni nwan ufiri onyẹ nwụnnị be enwẹn ụnụ ihiẹn mọbụ kọpụ ntutu ụnụ ibe ihun,

Ditrọnọmi 29:1

Ndịnị wụ ihiẹn ndị rị imẹ iwu Osolobuẹ sị Mozizi ye ndị Izrẹlụ imẹ ẹgbẹrẹ Mụabụ, cheni hụn ọ nọ Ugu-Horẹbụ ye wẹ.

Ditrọnọmi 29:14

Nkwerigbamanị m rị e tumẹ tannị lẹ nkwa rịn'a wẹ jẹnkọ e gi ẹfan Osolobuẹ kwe ẹlẹkwọ ẹgbata mmẹ lẹ ụnụ sụọ,

Ditrọnọmi 31:16

Osolobuẹ nọ sị Mozizi, “Y'e d'a nwụnhụn laburu ndị nẹdi i wẹ. Ị pụgụ, o biekọ ndịnị e we enwẹn wẹ ye kẹ ịgbaraja, kwamanị mmọn-lẹ-iyi alị ahụn wẹ banyekọ. Wẹ jẹnkọ d'a la m tọ, tikpọ Iwu m hụn kwọngbama mmẹ lẹ wẹ.

Ditrọnọmi 4:13

Ọ nọ gwa ụnụ ihiẹn ọ chọ ẹka ụnụ, Iwu iri ahụn, hụn ọ gwa ụnụ e dọnmẹ; ọ nọzị de wẹ ye ibe ọmụma ẹbụọ.

Ditrọnọmi 7:6

Makẹni ụnụ wụ ndị rị nsọ ẹnya Osolobuẹ wụ Chuku ụnụ. Imẹ ndị ile rị elu-ụwa, ụnụ kẹ Osolobuẹ họrị nị ụnụ wụrụ ndị nke ẹ pụ-ichẹn.

Hibru 9:1

Nkwerigbama ibuzọ ahụn nwọnsọnmẹ iwu sọnn'ẹ lẹ Ọdụ-ofufe hụn rị elu-ụwanị.

Hibru 9:10

Makẹni oyiye lẹ ẹjan ndịnị wụhụ oku ihiẹn-oriri lẹ ihiẹn-ọrịra lẹ nchanchan rị ichẹn-ichẹn wẹ gi e dọn nsọ, omẹnalị ẹnya e legha wẹ buche wẹ olu d'e ru ogẹn ihiẹn rịchanrịn mma e gi pụha.

Hibru 9:3

Wẹ ghafe ẹkwa mgbọnbepụ rị mmughẹni, a banye wẹ mmughẹ m'ẹ ẹbụọ, hụn w'a kpọ “Ebẹhụ Kachanrịn Nsọ.”

Hibru 9:5

Chẹrobu ẹbụọ ahụn nwọn nku, hụn wẹ kpụ, hụn a ghọsị ebe Osolobuẹ rị, rịzị elu ẹkpẹtini, wẹ lẹ nku wẹ shịapụ elu ẹ — elu ẹ hụn wụ Oche-omikẹn. Kanị, ẹnyi a s'ẹka kuru ihiẹn ndịnị alị kikẹnni.

Hibru 9:6

Ẹnịna kẹ wẹ e dọnmẹsọnmẹ ihiẹn ndịnị wẹ; ndị nchụn-ẹjan a banyesọnmẹ mmughẹ ibuzọ hụ ogẹn ile d'a rụn ọrụn ofufe;