Ndị Rom 9:27 - Ika

²⁷ Nke ndị Izrẹlụ, Azaya gi wẹ yi oro, sị, “Ọsụọn'a nị ndị Izrẹlụ bu ọda kẹ ẹjan rị mkpẹnrẹn ohimin, ndị Osolobuẹ k'a zụọpụha imẹ wẹ ebukọ ọda;

Ndị Rom 9:27 ပူးပေါင်းရင်းမြစ်များ

Jẹnẹsisi 22:17

m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ;

Ẹzra 9:14

“Nị ẹnyi pamazị nwan oku i, sọn ndịnị ihiẹn ndịnị y'a sọ lụtarịma di-lẹ-nwunyẹ? O runi nwan hụn y'e gi gi olulu sọn ẹnyi, gbuchanrịn ẹnyi ile, onwọnkọzị onyẹ k'a họdụ mọbụ bikin ugbẹ ẹnyi?

Ẹzra 9:8

“Kanị, Osolobuẹ wụ Chuku ẹnyi e mẹgụọnị ẹnyi nwan ọhụnma ẹkẹrẹ: ebe ọ nọ nị ẹnyi họdụ, mẹ ẹnyi gba mkpọgụn alị ọhụnma-ọhụnma imẹ Ụlọ-nsọ a. Wẹ ile kẹ Chuku ẹnyi gi ye ẹnya ẹnyi ukpẹ legha, mẹ ẹnyi zu ikẹn ẹkẹrẹ imẹ igbọn ẹnyi rị.

Azaya 1:1

Lee ihiẹn ndị Azaya nwa Emọzụ hụnsọnmẹ banyeni alị Juda lẹ obodo Jerusalẹm isi-alị Juda. Ogẹn ndị-nze wụ Uzịa, Jọtam, Ahazị lẹ Hezikaya gisọnmẹ kị Juda k'o gi hụn ihiẹn ndịnị.

Azaya 1:9

Omẹni Osolobuẹ ihiẹn ile rị okpuru ẹ ete latọnịnị ẹnyi ndị ọ latọnị ẹnyi, nkẹ ẹnyi a rịgụọ kẹ obodo Sodọm, nkẹ ẹnyi a nọgụọ kẹ obodo Gomora.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 24:13

Ẹrịra k'ọ k'a rị elu ụwa lẹ imẹ alị ichẹn-ichẹn — nọkẹ ebe wẹ nọ fịanrịngụ olivu, mọbụ ebe wẹ nọ ghọ vaịnị, ọ họdụsọnmẹ ohu-ohu wẹ ghọghafe.

Jerimaya 44:14

Onwọnni akpụ onyẹ ohu imẹ ndị Juda họdụnị hụn lashi Ijiptu d'e biri hụn jẹnkọ d'a wanahịnnị mọbụ hụn isi lakin alị Juda, ọsụọn'a n'ọ rị nwan a dụ wẹ nị wẹ lakin alị Juda d'e biri; onwọnni akpụ onyẹ ohu imẹ wẹ k'a lakinni mmanị akpụ madụ ole.”

Jerimaya 5:10

D'e wiwisọnmẹ ugbo vaịnị a — ka ewiwichanrịnlẹ wẹ. Kwapụchanrịn a agala, nị ndịnị ẹlẹ nke Osolobuẹ.

Izikẹlụ 6:8

“Kanị, o nwọnghọ ndị m k'e dọnmẹ ndụn. Ogẹn hụ, ndị ọpịa-agha k'e gbuhọdụ imẹ ụnụ k'a rị alị ndị ọzọ m k'e feyịya ụnụ ye.

Hosia 1:10

“K'osilẹrị, o ru ihun, ndị Izrẹlụ k'a barahị kẹ ẹjan rị ohimin, hụn wẹ ghalẹni a s'ẹka a gụnmarịn mọbụ a ma. Ezioku-ezioku, uwẹ kẹ Osolobuẹ rị nwan a sị, ‘ụnụ ẹlẹ ndị nke m.’ Kanị o ru ogẹn ahụn, uwẹ k'o k'a sịzị, ‘Ụmụ Osolobuẹ, Chuku hụn rị ndụn, kẹ ụnụ wụ!’

Juwẹlụ 2:32

Onyẹ ọwụlẹ hụn k'a kpọku ẹfan Osolobuẹ k'a wanahịn makẹni Osolobuẹ e kuọl'a n'o k'e nwọnrịrị ndị k'a wanahịnnị — imẹ ndị rị ugu Zayọnụ lẹ ndị rị Jerusalẹm; ndị hụ k'a wanahịnnị k'a wụ ndị m họrị.