Ndị Rom 9:20 - Ika

²⁰ Kanị, ịyụ wụ ịhịan-mmaka, onyẹ k'ị wụdẹ nwan i gi a shịarị Osolobuẹ oku? Ihiẹn wẹ kpụ a jụdẹ nwan onyẹ kpụn'a, “Kị haịn i gi kpụ m ẹnịna?”

Ndị Rom 9:20 ပူးပေါင်းရင်းမြစ်များ

Samuẹlụ Nke Ẹbụọ 16:10

Eze nọ sị a, “Kị biri mmẹ lẹ ụnụ, ụmụ Zeruaya-nị?! Omẹni iyi ọ rị a kpọ wụ makẹni Osolobuẹ sị a, ‘Kpọ Defidi iyi,’ onyẹ k'a s'ẹka jụ a, ‘K'i mẹni ihiẹnni?’ ”

Jobu 16:3

Oku ụnụ suegbu enwẹn ẹ nwọnlẹni isi ebikọ? Kị rị e mẹ ụnụ, ụnụ gi tọ a dọ ihiẹnni?

Jobu 33:13

K'ị rị nwan e duni Chuku e kpe nị ara shịarị ịhịan ihiẹn ọwụlẹ?

Jobu 36:23

Onyẹ nwọn a gwa a ihiẹn o k'e mẹ mọbụ sị a, ‘Y'e mẹfieọlẹ’?

Jobu 40:2

“Onyẹni rị a hụn ihiẹn Onyẹ Nwọn Ikẹn Ile mẹlẹni ọhụnma, n'o ghọsị a nwan k'o dọn dọnzi ẹ? Onyẹ hụn sị ihiẹn o mẹ arị mma, y'a shịarị a nwan!”

Jobu 40:5

E kuọlẹ m kukarịdẹ; ashịarịkọ m dodo, ẹlẹ m k'e kuzi.”

Jobu 40:8

Ị rị nwan a sị nị a ma m han eṅẹn ra? N'ị ma m ikpe ebe ị rị e kin nị ẹka ị rị ọchan?

Jobu 9:32

Chuku ẹlẹ ịhịan nọkẹ mmẹ hụn m'e gi shịarị a oku, kẹni ẹnyi ẹbụbụọ kin.

Azaya 10:15

Anyụn e bushidẹ nwan enwẹn ẹ elu karị onyẹ gi ẹ e gbu osisi ra? Ihiẹn wẹ gi a wa osisi a nyandẹni onyẹ gi ẹ a rụn ọrụn isi ra? Ọ nọzị nwan kẹ ebe mkpịnsịn nọ e gi onyẹ gin'ẹ a fịan ihiẹn, mọbụ ebe ẹgbe rị nwan e fehunmẹ ịhịan hụn wụlẹni mkp'osisi!

Azaya 29:16

Ụnụ e bu ihiẹn isi a kpọma alị — lekẹsị ọkpụ-ite lẹ ụrụa han! Ihiẹn wẹ mẹmẹ a sịdẹ nwan onyẹ mẹmẹn'ẹ, “Ẹlẹkwọ yụ mẹmẹ m”? Ite a sịdẹ nwan onyẹ kpụn'a, “Onwọnni ihiẹn ị marịn”?

Azaya 64:8

Kanị Osolobuẹ, ịyụ wụ nẹdi ẹnyi. Ụrụa kẹ ẹnyi wụhụ, ịyụ wụ ọkpụ-ite; ẹnyi ile wụ ọrụn-ẹka ị.

Jerimaya 18:6

“Ụnụ ndị Izrẹlụ, asadẹ m ẹka mẹ ụnụ kẹ ọkpụ-iteni rị e mẹ ụrụa ra? Kẹ ụrụa rị ẹka ọkpụ-ite, ẹrịra kẹ ụnụ ndị Izrẹlụ rị m ẹka.

Daniẹlụ 4:35

Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Matiu 20:15

Iwu gizi m nị m gi ihiẹn m mẹ ihiẹn m chọ? Ra iwe rị e we i nị m rị a ha ẹka?’

Luku 12:14

Jizọsị nọ sị a, “Di-ẹnyi, onyẹ tumẹ m d'a hannị ụnụ ẹbụọ eṅẹn mọbụ keni ụnụ ihiẹn?”

Ndị Rom 14:4

Onyẹ k'ị wụ i gi a ma odibo onyẹ ọzọ ikpe? Di-nwọnn'ẹ nwọn ku k'o turughọ ra o turuni. Kanị o k'e turu, makẹni Di-nwọnni-ẹnyi k'a saẹka mẹ ẹ turu.

Ndị Rom 2:1

Onwọnni nwan ihiẹn yụ nwẹn k'e kin, onyẹ hụn rị a ma ikpe! Makẹni, ebe ị nọ ma ndị ọzọ ikpe k'ị nọ ma enwẹn i ikpe. Makẹni, yụ nwẹn rị a ma wẹ ikpe rịzị e mẹ ihiẹn ị rị a manị wẹ ikpe.

Ndị Rom 2:3

Ịyụ nwẹn hụn e mẹzi ihiẹn ndị hụ i gi a hangbu ndị ọzọ eṅẹn, i ro ni Osolobuẹ ekinkọ ị ikpe?

Ndị Rom 9:21

Ọkpụ-ite enwọnzi ikẹn gi ọkpụkpụ-ụrụa kpụ ihiẹn ọ chọ n'ọ kpụ? Ọsụọ a o gi ẹ kpụ ite wẹ gi ẹ mẹ ihiẹn-ọghọ, ọ sụọzịkwọ a o gi ẹ kpụ ite wẹ gi e gbu alị.

Ndị Rom 9:22

Kị rị a omẹni Osolobuẹ kpachanpụ ẹnya gi okẹn ndidin sọn ndị ọ sị o k'e tikpọ, kẹni o gi ihiẹn o k'e mẹ wẹ ghọsị iwe-lẹ-ọnụma a, mẹ ịhịan marịn ikẹn ẹ?

Ndị Kọrẹntị Ibuzọ 1:20

Elebe kẹ onyẹ hụ marịn ihiẹn rị nwan? Elebe kẹ ọka-ẹkụkwọ rị nwan? Elebe kẹ onyẹ hụn kachanrịn ihiẹn e lekpọ rị nwan? Osolobuẹ e mẹgụọnị amamihiẹn ụwanị wụrụ nzuzu?!

Ndị Kọrẹntị Ibuzọ 7:16

Nwunyẹ, y'a marịnghọ kẹ ẹka ị kẹ w'a gha zụọpụha di i? Di, y'a marịnghọ kẹ ẹka ị kẹ w'a gha zụọpụha nwunyẹ i?

Timoti Ibuzọ 6:5

lẹ ịdọ-ndọndọ ndị uche wẹ rịlẹni mma a dọ, ndị ezioku nahịngụ, ndị weri ife-Osolobuẹ kẹ ihiẹn wẹ gi e hi ọdanfịn. [Esọnkwọlẹ ndị nọ ẹrịra].

Timoti Nke Ẹbụọ 2:20

Imẹ ụlọ iwe okẹn-ịhịan, ẹlẹ arịa goru lẹ siliva sụọ kẹ w'a hụn, w'a hụnzịkwọ arịa wẹ gi osisi tụ lẹ ndị wẹ gi ụrụa kpụ. Ndị wẹ gi e mẹ ihiẹn-ọghọ hụ a, ndị wẹ gi e gbu alị hụzị a;

Taịtọsụ 2:9

Nke idibo lẹ ndị rị okpuru ịhịan, sị wẹ humẹni ndị wẹ rị okpuru wẹ isi; wẹ lịlịma nị wẹ e mẹ ihiẹn a sụọ ndị wẹ rị okpuru wẹ ụsụọ; w'a shịagwarịlẹ wẹ oku;

Jemisi 2:20

Onyẹ-nzuzu! Ị chọ nị wẹ ghọsị ị nị okukwe wẹ gilẹni rụn ọrụn a nwụnhụngụọ?