Ndị Rom 9:18 - Ika

¹⁸ Ya wụ, ọ chọ n'o mẹ omikẹn ịhịan o mẹ omikẹn ẹ; ọ chọ n'ọ kpọkin ịhịan obi ọ kpọkin ẹ obi.

Ndị Rom 9:18 ပူးပေါင်းရင်းမြစ်များ

Ọpụpụ 10:1

Osolobuẹ nọ sị Mozizi, “Jẹn d'e kunrun eze. A kpọkingụọ m obi ẹ lẹ obi ịhaịmẹ ẹ, kẹni m hụn ụzọ rụn ọrụn atụmẹnya ndịnị rị a ghọsị ikẹn m imẹ igunrun wẹ —

Ọpụpụ 10:20

Kanị Osolobuẹ nọ kpọkin Fẹro obi, o kwerini hatu ndị Izrẹlụ nị wẹ lama.

Ọpụpụ 10:27

Kanị Osolobuẹ nọ kpọkin obi Fẹro, ọ jụ n'ọ hatukọ wẹ.

Ọpụpụ 11:10

Mozizi lẹ Ẹrọnụ a rụnchanrịnghọ ọrụn atụmẹnya ndịnị ihun eze, Osolobuẹ a kpọkin Fẹro obi, ọ jụ n'ọ hatukọ ndị Izrẹlụ nị wẹ gha alị a pụ.

Ọpụpụ 14:17

M jẹnkọ d'a kpọkin obi ndị Ijiptu nị wẹ chụ ụnụ ndị Izrẹlụ ban imẹ ẹ. Ogẹn hụ, e gi m eze wụ Fẹro lẹ ndị-agha a ile nwọnrin ọghọ, uwẹ lẹ ụgbọ-anyịnyan a ndịnị ọ kị lẹ ndị-agha a bu ẹshin.

Ọpụpụ 14:4

M jẹnkọ d'a kpọkin Fẹro obi; o k'a chụma ndị Izrẹlụ. M k'e gi kẹ Fẹro kẹ ndị-agha a nwọnrin ọghọ, ndị Ijiptu e gi ẹ marịn nị m wụ Osolobuẹ.” Ya ndị Izrẹlụ nọ mẹ ihiẹnni Osolobuẹ gwa wẹ.

Ọpụpụ 4:21

Osolobuẹ nọ sịzị Mozizi “I ruzi alị Ijiptu, hụnkwọ a nị ị nọ idẹnya eze rụnchanrịn ọrụn atụmẹnya ile m ye i ikẹn rụn. Kanị m jẹnkọ d'a kpọkin ẹ obi, amamgbe ọ nị ndị Izrẹlụ la.

Ọpụpụ 7:13

Kanị obi Fẹro kpọkin akpọhịn, o gọnni Mozizi lẹ Ẹrọnụ ntịn; ọ rịhụ kẹ Osolobuẹ dọn ku.

Ọpụpụ 7:3

Kanị m k'a kpọkin obi Fẹro; ọsụọdẹn'a nị m rụn ọrụn atụmẹnya lẹ ihiẹn-ghọsị bugbu enwẹn ẹ ọda imẹ alị Ijiptu,

Ọpụpụ 9:12

Kanị Osolobuẹ nọ kpọkin obi Fẹro, o gọnni Mozizi lẹ Ẹrọnụ ntịn; o mẹhụ kẹ Osolobuẹ gwa Mozizi.

Ọpụpụ 9:7

Eze nọ zi ndị ọrụn a d'e lee k'o mẹ; ọ nọ hụn a n'o nwọnni akpụ anụ ohu nwụnnị imẹ nke ndị Izrẹlụ. Kanị obi anịn'a gbehutọ; ọ jụ n'ọ hatukọ ndị Izrẹlụ.

Azaya 63:17

Euu Osolobuẹ, kị haịn i gi e mẹ ẹnyi a gha ụzọ ị a kpapụ, a kpọkin ẹnyi obi hụn ẹnyi gizilẹni a tụ egun i? Dodo, gi ufiri ẹnyi ndị idibo i kinhẹn, ufiri ebọn ẹnyi ndịnị wụ nke i!

Jọnụ 12:40

“Chuku e mẹgụọ ẹnya kpu wẹ ishi, mẹ obi tikin wẹ — amamgbe wẹ e gi ẹnya wẹ legha ụzọ, gi obi wẹ ghọta, e gbehutọ wẹ d'e kunrun m; a zụọ m wẹ. Ya kẹ Chuku ku.”

Ndị Rom 11:25

Umunẹ m, m chọ nị ụnụ marịn ihiẹn-omimini, amamgbe ụnụ e ro nị ụnụ ka ndị ọzọ mkpa. Isi-akwanran Izrẹlụ k'e ruhụ ogẹn ndị wụlẹni ndị Ju banlanị e gi zu ọnụ.

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Ditrọnọmi 2:30

Kanị Sihọnụ wụ eze Hẹsh'bọnụ ekweni nị ẹnyi gha alị a, makẹni Osolobuẹ wụ Chuku ụnụ a kpọkingụọ a obi, mẹ ẹ gba isi-akwanran, n'ọ hụn ụzọ bu ẹ che ụnụ ẹka mẹri, k'o dọn nwan rị tannị.

Joshụa 11:20

makẹni Osolobuẹ kpọkin wẹ obi d'a lụsọn ndị Izrẹlụ agha, kẹn'o tikpọchanrịn wẹ, dọnrin ẹnya kpọnchanpụchanrịn wẹ, k'o dọn gwa Mozizi.