Ndị Rom 9:14 - Ika

¹⁴ Nị ẹnyi sị nwan nị Osolobuẹ e gbeyeni ịhịan? Mba, kaka!

Ndị Rom 9:14 ပူးပေါင်းရင်းမြစ်များ

Jẹnẹsisi 18:25

Y'e mẹkọ ẹrịra! Onwọnni ogẹn y'e gi tikpọgbama ndị ezi-omumẹ lẹ ndị-njọ, nke wụnị ihiẹn mẹ ndị-njọ e mẹ ndị ezi-omumẹ. Onwọnni ogẹn yụ wụ Osolobuẹ e gi mẹ ẹ! Ọka-ikpe ụwa ile a hankọ eṅẹn rị mma?”

Ihiẹn Mẹni Nke Ẹbụọ 19:7

A tụ nị nwan egun Osolobuẹ; e dọnrin ni ẹnya e dọnzi oku, makẹni, Osolobuẹ wụ Chuku ẹnyi achọnị mmẹgbu mọbụ igbeyeni ịhịan mọbụ ịna ọgị-azụụn.”

Jobu 35:2

“Ọ hụghọ ị mma ẹnya? Ịyụ sị, ‘Ẹka m rị ọchan ebe Osolobuẹ rị.’

Jobu 8:3

Chuku a handẹ eje-eṅẹn ra? Onyẹ Hụ Nwọn Ikẹn Ile a sịdẹ nwan nị ihiẹn rị mma jọ njọ ra?

Ẹbụ-ọma 145:17

Osolobuẹ e mẹ ihiẹn ile ọhụnma; o mẹ ihiẹn ile k'o furu.

Ẹbụ-ọma 92:15

a ghọsị nị Osolobuẹ wụ onyẹ kụrụ ọtọ, Ọmụma hụn e che m nche, ghalẹni e mẹ ịhịan njọ.

Jerimaya 12:1

Jerimaya nọ sị, “Euu Osolobuẹ, y'a han ezigbo eṅẹn, ogẹn ile m gi e kinghọsị ị. Kanị nị ẹnyi lebankwọ ihiẹnni ẹnya: kị haịn ihiẹn gi a rịnị ndị eje-omumẹ mma? Kị haịn ẹhụ gi e fu ndị ghalẹni a gbaye Osolobuẹ?

Luku 20:16

O sikọ d'a bịa d'e gbu wẹ, we ugbo hụ ye ndị ọzọ.” A nụ wẹ ihiẹnni, wẹ nọ sị, “Chuku a jụ!”

Ndị Rom 2:11

Makẹni Osolobuẹ ara gbeyeni ịhịan.

Ndị Rom 2:5

Kanị, ebe ị nọ a kpọkin obi i, a jụ nị y'e rogharịkọ, ị rị e kpọn afụnfụn e cheni afụnfụn hụn wẹ jẹnkọ d'e ye i Ụhụọhịn iwe-lẹ-ọnụma, ụhụọhịn ahụn Osolobuẹ k'e gi han eṅẹn ahụn zinrinni.

Ndị Rom 3:1

Kị ndị Ju gizi nwan ka ndị ọzọ mma? Elee erere kẹ ịkwa-ugun banzị nwan?

Ndị Rom 9:30

Kị ẹnyi k'e kuzi nwan? Nị ndị alị ọzọ te rịlẹni e mẹ oku ezi-omumẹ a wụrụgụọ nwan ndị ezi-omumẹ ẹnya Osolobuẹ, ezi-omumẹ wẹ gi okukwe wẹ ye wẹ;

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Rẹvẹleshọnụ 16:7

M nọ nụ kẹ ukpo nchụn-ẹjan shịarị, sị, “Ẹghẹẹ, Chuku-nwọnni ẹnyi hụn nwọn ikẹn ile, ikpe ị ma wẹ hụ mma, ezigbo eṅẹn kẹ y'a han!”