Ndị Rom 9:1 - Ika

¹ M rị e ku ezioku idẹnya Kraịstị, arị m a tụ ntụ, ịhọrị m rị a ghọnị m idẹnya Mmọn-nsọ nị arị m a tụ ntụ, nị

Ndị Rom 9:1 ပူးပေါင်းရင်းမြစ်များ

Ndị Rom 1:9

Osolobuẹ m gi obi m ile e fe ghahanị izisọnmẹ oziọma Nwa a wụ ọshẹri m nị m'a nyanhan ụnụ ogẹn ile m gha e mẹ ekpere.

Ndị Rom 2:15

omumẹ wẹ hụ a ghọsị nị Osolobuẹ e degụ Iwu ahụn imẹ obi wẹ, ịhọrị wẹ hụ a shịanị wẹ ẹri: obi wẹ hụ a ma wẹ ikpe mọbụ e kuni wẹ ọhụnma.

Ndị Rom 8:16

Mmọn-nsọ lẹ enwẹn ẹ hụ e sọn mmọn ẹnyi a shịa ẹri nị ẹnyi wụ ụmụ Osolobuẹ nke-esi.

Ndị Rom 9:2

okẹn ẹkwan jun m obi, nị ogẹn ile kẹ obi gi a chọ n'ọ gbawapụ m

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Kọrẹntị Nke Ẹbụọ 1:23

M rị a kpọ Osolobuẹ n'ọ shịagbu m ẹri omẹni ẹlẹ makẹ m gha a jụgbọka ụnụ haịn m gilẹni bịazị Kọrẹntị.

Ndị Kọrẹntị Nke Ẹbụọ 11:10

Onwọnni ihiẹn jẹnkọ d'a saẹka napụ m ihiẹnni m gi a nyan isi imẹ Ẹgbẹrẹ Akaya ile, mmanị ezioku Kraịstị arịzị imẹ m!

Ndị Kọrẹntị Nke Ẹbụọ 11:31

Osolobuẹ hụn wụ Chuku lẹ Nẹdi Di-nwọnni-ẹnyi wụ Jesu, onyẹ w'a ja mma jẹnrin ejẹn, a marịnghọ nị ẹlẹ m rị a tụ ntụ.

Ndị Kọrẹntị Nke Ẹbụọ 12:19

Ụnụ rodẹ nwan nị ẹnyi gi hụnnị ile e kinrin ọnụ ẹnyi ihun ụnụ ra? Ẹlẹkwọ ya! Ẹnyi rị e ku ẹ ihun Osolobuẹ, e ku ẹ kẹ Kraịstị chọ. Ndị nke m, ẹnyi rị e mẹ ihiẹnni ile kẹni okukwe ụnụ sue.

Ndị Galeshịa 1:20

M rị a gwa ụnụ, idẹnya Osolobuẹ, nị ihiẹnni m rị e deni ụnụ wụ ezioku, ẹlẹ ntụ!

Ndị Filipi 1:8

Osolobuẹ wụ ọshẹri m nị ụnụ a da m ọda-ọda, ọdịda hụn gha ẹka Kraịstị wụ Jizọsị bịa.

Ndị Tẹsalonika Ibuzọ 2:5

Ẹnyi egini oku ọnụnụ-ire bịa, ụnụ nwẹn a marịnghọ; ẹnyi egizikwọnị ẹnya-uku bịa gi ihiẹn ọzọ kpumẹ ihun! Osolobuẹ wụ ọshẹri ẹnyi.

Timoti Ibuzọ 1:5

I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Timoti Ibuzọ 2:7

Ịya haịn wẹ gi tumẹ m onyẹ e zisọnmẹ ozi ẹ lẹ onyẹ-ozi pụ-ichẹn (m rị e ku ezioku, arị m a tụ ntụ) lẹ onyẹ a kuzi ndị wụlẹni ndị Ju okukwe lẹ ezioku.

Timoti Ibuzọ 5:21

M rị a gba ị mkpịnsịn-ẹka idẹnya Osolobuẹ lẹ Kraịstị wụ Jizọsị lẹ ndị mmọn-ozi rị nsọ: e dọnmẹ iwu ndịnị; egbeyekwọlẹni ịhịan; elekwọlẹ ịhịan ẹnya ihun!!