Ndị Rom 8:35 - Ika

³⁵ Kịnị k'a sa nwan ẹka napụ ẹnyi ihiẹn-ọsụsụọ Kraịstị? Nsọngbu? Ra afụnfụn? Ra ukpokpo; ra ẹgụn; ra ahụnnị ẹkwa je; ra eje-ọnọdị; ra ọpịa-agha?

Ndị Rom 8:35 ပူးပေါင်းရင်းမြစ်များ

Ẹbụ-ọma 103:17

Kanị ihiẹn-ọsụsụọ Osolobuẹ e sọn ndị a gbayen'ẹ gha alị lala, o sọn wẹ jẹnrin ejẹn; o mẹsọnmẹni wẹ ihiẹn furuni d'e rudẹ ẹka ụmụ lẹ ụmụ-ụmụ wẹ,

Ẹbụ Solomọnụ 3:4

A ghafegụ m wẹ hụ ẹkẹrẹ, m nọ hụn onyẹ a sụọ obi m ụsụọ. M nọ kwọndọn ẹ, jụ n'a hatukọ m'a — d'e ru n'e wẹhẹgụ m'a iwe nnẹ m, mmughẹ onyẹ hụn bu m ẹfọ.

Jerimaya 31:3

O nwọn ogẹn Osolobuẹ gi bịa d'e kunrun m, sị m, “Ihiẹn-ọsụsụọ ghalẹni a gụ kẹ m nwọn ebe ụnụ rị. Ya haịn m gilẹni e mẹbehi ụnụ kẹ ndị nke m.

Jọnụ 10:28

M'e ye wẹ ndụn itẹbitẹ; alakọ wẹ iwi. Onwọnni onyẹ sikọ d'a napụ m wẹ.

Jọnụ 13:1

Nị Mmẹmmẹ-nghafe d'e ru, Jesu a marịngụọ n'o rugụọ ogẹn o gi hapụ ụwanị laburu Nẹdi ẹ. Ebe o nwọn ihiẹn-ọsụsụọ ndị nke ẹ rị imẹ ụwa, ọ nọ nwan ghọsịchanrịn wẹ ya d'e ru isi ẹ.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ndị Rom 2:9

afụnfụn lẹ nsọngbu k'a rịnị onyẹ ọwụlẹ e mẹ eje-ihiẹn, ndị Ju wụ ibuzọ, o sọn ndị wụlẹni ndị Ju.

Ndị Rom 8:17

O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Ndị Rom 8:37

Mba!! Imẹ ihiẹn ndịnị ile, ẹnyi wụ ndị-mmẹri ka ndị-mmẹri ile, ghahanị onyẹ ahụn nwọn ihiẹn-ọsụsụọ ẹnyi!

Ndị Rom 8:39

kẹ ihiẹn jẹn elu kẹ ihiẹn mi mgbugbu, kẹ ihiẹn ọzọ ọwụlẹ wẹ ke eke — onwọnni hụn k'a saẹka wepụ ẹnyi imẹ ihiẹn-ọsụsụọ Osolobuẹ rị imẹ Kraịstị wụ Jizọsị Di-nwọnni-ẹnyi!

Ndị Kọrẹntị Ibuzọ 4:11

Echẹn kẹ ẹgụn ihiẹn-oriri lẹ ihiẹn-ọrịra a gụnkwọ nwan ẹnyi; ẹkwa ara zu ẹnyi ukun; wẹ hụ e mẹshi ẹnyi ikẹn; ọrụn e bu ẹnyi a tọ ụzọ.

Ndị Kọrẹntị Ibuzọ 4:12

Ẹnyi hụ e gi ẹka ẹnyi a lụrụ, e gizi ọrụnnị a rụngbu enwẹn ẹnyi. Wẹ kpari ẹnyi, ẹnyi a gọzi wẹ; wẹ kpokpo ẹnyi, ẹnyi e din ẹ;

Ndị Kọrẹntị Nke Ẹbụọ 12:10

Ọ sụọ m nwan a sụọ nị ndụn arị m, nị w'a kpari m, nị m'a ta afụnfụn, nị w'e kpokpo m lẹ ni ọdakin rị ichẹn-ichẹn a bịanị m, ebe o mẹni ufiri Kraịstị rọ. Makẹni, ogẹn ọwụlẹ ndụn gilẹni rị m ya kẹ m gi e kẹnrẹn.

Ndị Kọrẹntị Nke Ẹbụọ 4:17

Makẹni, ẹnyi jẹnkọ d'e gi ẹkẹrẹ afụnfụnnị ghalẹni e bie ẹnyi rị a ta ogẹnni nwọnrin ọghọ itẹbitẹ ọnụ ghalẹni a saẹka e ku hụn Osolobuẹ jẹnkọ d'e ye ẹnyi.

Ndị Kọrẹntị Nke Ẹbụọ 4:8

W'e mẹshi ẹnyi ikẹn ụzọ ile, kanị w'a ra saẹka gweriẹn ẹnyi; ihiẹn a gba ẹnyi ngharị-ẹnya, kanị ara karị ẹnyi ẹka;

Ndị Kọrẹntị Nke Ẹbụọ 4:9

wẹ hụ e kpokposọnmẹ ẹnyi, kanị Osolobuẹ ajụkwọnị ẹnyi tọ; w'a kụtu ẹnyi, kanị ẹnyi ara nwụnhụn.

Ndị Ẹfẹsọsụ 3:19

ụnụ a ghọta ihiẹn-ọsụsụọ Kraịstị hụn wẹ ghalẹni a ghọtachanrịn, kẹni ihiẹn ile rị imẹ Osolobuẹ hụn ụzọ jun imẹ ndụn ụnụ.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;