Ndị Rom 8:30 - Ika

³⁰ Ndịnị ọ họtọ k'ọ kpọ; ọ kpọgụ wẹ, ọ nọ kuni wẹ ọhụnma, ya ọ nọ ye wẹ ọghọ.

Ndị Rom 8:30 ပူးပေါင်းရင်းမြစ်များ

Azaya 41:9

mmẹ gha njẹndemẹ ụwa weri i; nkọ kachanrịn e te kẹ m gha kpọ ị; mmẹ sị, ‘Odibo m k'ị wụ’; a họrịgụọ m'ị, ajụnị m'ị tọ.

Jọnụ 17:22

E wegụọ m ọghọ hụ i ye m ye wẹ, kẹni wẹ wụrụ ohu kẹ mmẹ lẹ yụ dọn wụ ohu:

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Ndị Rom 1:6

ụnụ lẹ enwẹn ụnụ rịzị ndị wẹ kpọ d'a wụrụ nke Jesu Kristi.

Ndị Rom 11:29

Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Ndị Rom 8:1

Ya wụ, onwọnzini nwan ikpe hụn ma ndị rị imẹ Kraịstị wụ Jizọsị, ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Rom 8:21

nị omẹgụ, ọ tọpụzị ihiẹn ndị ọzọ ile o ke imẹ iwi wẹ rị a la, e sọn wẹ ụmụ Osolobuẹ weri enwẹn wẹ nke-esi.

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Kọrẹntị Ibuzọ 1:2

Ẹnyi rị e dejẹnni ndị ụka Osolobuẹ rị obodo Kọrẹntị, ndị ahụn Osolobuẹ dọn nsọ imẹ Kraịstị wụ Jizọsị, ndị ahụn wẹ kpọ d'a wụrụ ndị-nsọ. Ẹnyi rị e dejẹnni uwẹ lẹ ndị ile rị ebe ọwụlẹ hụn a kpọku ẹfan Di-nwọnni-ẹnyi wụ Jesu Kristi hụn Nwọn ẹnyi lẹ wẹ.

Ndị Kọrẹntị Ibuzọ 1:9

Osolobuẹ hụn kpọ ụnụ d'e sọn Nwa a wụ Jizọs Kraịstị Onyẹ-nwọnni-ẹnyi mẹkọ furu wẹ gi e dọn ẹnya.

Ndị Kọrẹntị Ibuzọ 2:7

Mba, ẹnyi rị e ku oku amamihiẹn Osolobuẹ, ịmarịn-ihiẹn nzuzue hụ Osolobuẹ kwademẹtọ n'o d'e ke ụwa n'o k'e gi ẹ ye ẹnyi ọghọ.

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Kọrẹntị Nke Ẹbụọ 4:17

Makẹni, ẹnyi jẹnkọ d'e gi ẹkẹrẹ afụnfụnnị ghalẹni e bie ẹnyi rị a ta ogẹnni nwọnrin ọghọ itẹbitẹ ọnụ ghalẹni a saẹka e ku hụn Osolobuẹ jẹnkọ d'e ye ẹnyi.

Ndị Galeshịa 1:15

Kanị, ogẹn o gi sụọ Osolobuẹ, hụn gi ẹfọma a họrị m kpọ m kẹ m rịdẹ ẹfọ nnẹ m,

Ndị Galeshịa 1:6

Ọ tụka m ẹnya nị o ke mẹ emẹ ụnụ a latọma onyẹ ahụn gi ufiri ẹfọma Kraịstị kpọ ụnụ, nabanhanma “oziọma ọzọ;”

Ndị Galeshịa 5:8

Ẹlẹkwọ Osolobuẹ hụn kpọ ụnụ nu ụnụ d'e mẹ ihiẹnni ụnụ rị e mẹ!

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Ndị Ẹfẹsọsụ 1:5

Ọ katọ a n'o k'a mụnrụn ẹnyi ghahanị Jesu Kristi makẹni ọ sụọghọ a, makẹni uche ẹ rọ.

Ndị Ẹfẹsọsụ 2:6

Osolobuẹ a ghagụ ọnwụn weli ẹnyi, ọ nọ weshi ẹnyi elu k'o dọn weshi Kraịstị, mẹ ẹnyi sọn Kraịstị Jizọsị nọdị alị imẹ elu-igwee makẹni ẹnyi rị imẹ Kraịstị.

Ndị Ẹfẹsọsụ 3:11

Makẹni, ịya kẹ Osolobuẹ rotọ ẹdẹi n'o k'e mẹ ghahanị Kraịstị wụ Jizọsị Di-nwọnni-ẹnyi —

Ndị Ẹfẹsọsụ 4:4

Ẹhụ ohu lẹ Mmọn-nsọ ohu rọ nọkẹ k'o dọn mẹni olilẹnya ohu kẹ Osolobuẹ kpọ ụnụ d'e nwọn.

Ndị Kolosị 3:4

Ogẹn Kraịstị hụn wụ ndụn ụnụ jẹnkọ d'e gi pụha, ụnụ nwẹn e sọn ẹ gi ọghọ pụha.

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Timoti Nke Ẹbụọ 2:11

Ihiẹnni w'e ku wụ ezioku: “Omẹni ẹnyi e sọngụọ a nwụnhụn, ẹnyi k'e sọnzi ẹ rị ndụn;

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Ibuzọ 3:9

Emẹgwarịkwọlẹ ni ịhịan eje-ihiẹn mọbụ kpọgwarị wẹ iyi. Kama, gọzi ni wẹ, makẹni ngọzi kẹ Osolobuẹ kpọ ụnụ d'e weri.

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Pita Nke Ẹbụọ 1:10

Umunẹ m, lịlịma nị nwan kẹni ụnụ wụsọnmẹ ndị Osolobuẹ kpọ lẹ ndị ọ họrị d'e ru isi ẹ. Makẹni, ụnụ gha e mẹ ẹrịra onwọnni ogẹn ụnụ e gi dan!

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 19:9

Mmọn-ozi hụ nọ sị m, “De ihiẹnni: ‘Ngọzi a rịkakwọnị ndị hụ wẹ kpọ oriri agbamẹkụkwọ Nwa-ebulu hụ.’ ” Ọ nọzị sị m, “Ihiẹnni wụ oku Osolobuẹ nke-esi.”