Ndị Rom 8:29 - Ika

²⁹ Osolobuẹ a marịngụọ wẹ n'o d'a kpọ wẹ. Ya ọ nọ họtọ wẹ n'o k'e mẹ wẹ wụrụ ndị rị kẹ Nwa a, kẹni Nwa a wụrụ nwa-ibuzọ imẹ ụmụ bụ ọda.

Ndị Rom 8:29 ပူးပေါင်းရင်းမြစ်များ

Ẹbụ-ọma 1:6

Osolobuẹ rị onyẹ ezi-omumẹ azụụn ụzọ hụ ọ ghakọ, kanị ụzọ ndị-njọ shikọ ntikpọ.

Ẹbụ-ọma 89:27

M k'e yezikwọ a ọkwa okẹnnyẹ ibuzọ m, eze kachanrịn ndị-nze ile rị elu-ụwa.

Ọpụpụ 33:12

Mozizi nọ sị Osolobuẹ, “O teghọtan ị gwama m, ‘Duru ndịnị,’ bụ y'e ke gwa m onyẹ ị hanyeni m. Y'e kugụọ, sị, ‘Ẹfan ị rị m obi, ihiẹn i sụọ m.’

Ọpụpụ 33:17

Osolobuẹ nọ sị Mozizi, “M k'e mẹ ihiẹn ahụn ị rịọkwasị m, makẹni ihiẹn i sụọ m lẹni ẹfan ị rị m obi.”

Jerimaya 1:5

“A marịngụọ m'ị nị m d'a kpụ ị imẹ ẹfọ nnẹ i; a họtọgụọdẹ m'i nị wẹ d'a mụ ị; m tumẹ i onyẹ-amụma alị ichẹn-ichẹn.”

Matiu 12:50

Makẹni, onyẹ hụn e mẹ uche Nẹdi m rị elu-igwee, ịya wụ nwẹnẹ m okẹnnyẹ, ịya wụ nwẹnẹ m okpoho, ịya wụ nnẹ m.”

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Matiu 28:10

Ya Jizọsị nọ sị wẹ, “Atụlẹ ni egun. Jẹn ni d'a gwa umunẹ m wẹ jẹn Galili, nị ebahụn kẹ w'a nọ hụn m.”

Matiu 7:23

Ogẹn hụ, m sikọ d'a gwapụ wẹ, sị, ‘Onwọnni ogẹn m gi marịn ụnụ; pụ nị ebeni, ndị e bi k'ọ sụọnị wẹ!’

Jọnụ 17:16

Ẹlẹ wẹ nke ụwa — nọkẹ kẹ o dọn mẹ ni mmẹ nwẹn ẹlẹ nke ụwa.

Jọnụ 17:19

“M rị nwan e gi ufiri wẹ e wepụha enwẹn m, kẹni m mẹ wẹ wụrụ ndị wẹ wepụha dọn nsọ nke-esi.

Jọnụ 17:26

E mẹgụọ m wẹ marịn ị; m k'a gha e mẹ wẹ a marịn ị, kẹni ihiẹn-ọsụsụọ m i nwọn hụn ụzọ rị imẹ wẹ lẹni mmẹ nwẹn rịzị imẹ wẹ.”

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Ndị Rom 11:2

Osolobuẹ ajụnị ndị nke ẹ, ndị ọ họtọ! Ụnụ amarịn ihiẹn Ẹkụkwọ-nsọ ku ebẹhụ Ẹlaịja nọ kpe ndị Izrẹlụ ẹka Osolobuẹ? Kẹ Ẹlaịja dọn sị,

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Ndị Rom 9:23

Kị rị a omẹni o gi ẹ ghọsị ndị ọ chọ n'o mẹni omikẹn ikẹn ẹ hi ogbe, ndị ọ sị o k'e ye ọghọ,

Ndị Kọrẹntị Ibuzọ 15:49

Kẹ ẹnyi dọn nwan yi onyẹ nke ẹjan, ẹrịra kẹ ẹnyi k'a dọnzi yi onyẹ nke elu-igwee.

Ndị Kọrẹntị Ibuzọ 2:7

Mba, ẹnyi rị e ku oku amamihiẹn Osolobuẹ, ịmarịn-ihiẹn nzuzue hụ Osolobuẹ kwademẹtọ n'o d'e ke ụwa n'o k'e gi ẹ ye ẹnyi ọghọ.

Ndị Kọrẹntị Ibuzọ 8:3

kanị onyẹ hụn ihiẹn Osolobuẹ a sụọ kẹ Osolobuẹ marịn.

Ndị Kọrẹntị Nke Ẹbụọ 3:18

Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Ndị Ẹfẹsọsụ 4:24

ụnụ e yiri onyẹ ọhụn ahụn wẹ gi ụdị Osolobuẹ ke, hụn nwọn ezi-omumẹ lẹ ezigbo ịrị-nsọ.

Ndị Filipi 3:21

O k'e nwọnhutọ ẹhụ ẹnyi ndịnị ụya e ri, a nọ wẹ kẹ ẹhụ a ọghọ jun; ikẹn ẹ ahụn o gi a saẹka e bu ihiẹn ile e che okpuru ẹ k'o sikọ d'e gi mẹ ẹ.

Ndị Kolosị 3:10

ụnụ e yirigụọ ndụn ọhụn hụn rị a marịnwaye onyẹ ken'ẹ, a rịwaye kẹ ịya.

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Pita Ibuzọ 1:2

ndị Chuku Nẹdi họtọ, gi Mmọn-nsọ dọn wẹ nsọ, kẹni wẹ hụn ụzọ humẹni Jizọsị Kraịstị isi, wụrụ ndị wẹ gi ẹdeke ẹ fepụ ẹhụ njọ. Ẹfọma lẹ udọn ya rịnị ụnụ mmagi-mmagi.

Pita Ibuzọ 1:20

hụn Osolobuẹ họtọ n'o d'e ke ụwa, gi ufiri ụnụ wepụha a ogẹn ikpanzụụnnị.

Jọnụ Ibuzọ 3:2

Ndị nke m, ẹnyi wụ nwan ụmụ Osolobuẹ, bụ ihiẹn ẹnyi jẹnkọ d'a wụ eke pụha ifọn; kanị ẹnyi a marịnghọ nị ọ bịa, ẹnyi k'a nọ kẹ ịya makẹni ẹnyi sikọ d'a hụnchanrịn a k'ọ nọ.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.