Ndị Rom 8:26 - Ika

²⁶ Mmọn-nsọ nkẹ e yezini ẹnyi ẹka ebe o mẹ ni ẹnyi ezuni oke. Ẹnyi amarịn ihiẹn ẹnyi k'a rịọ imẹ ekpere, kanị Mmọn-nsọ lẹ enwẹn ẹ gi ịsụn-udẹn a rịọdọnni ẹnyi Osolobuẹ, e ku ihiẹn ọnụ ghalẹni a saẹka e ku.

Ndị Rom 8:26 ပူးပေါင်းရင်းမြစ်များ

Jobu 37:19

Gwa nwan ẹnyi ihiẹn ẹnyi k'a gwa Chuku; onwọnni ihiẹn ẹnyi k'a s'ẹka kin, makẹni ẹnyi rịhụ a sụọ ishi — onwọnni ihiẹn ẹnyi marịn.

Ẹbụ-ọma 10:17

Euu Osolobuẹ, y'a nụgụọ ihiẹn ndị wẹ rị a bịangbu rịọ ị; y'a gba wẹ umẹ a gba; y'a nụ ẹkwan wẹ a nụ —

Ẹbụ-ọma 102:20

kẹni ọ nụ udẹn ndị rị ngan rị a sụn; kẹni ọ gbapụha ndị wẹ ma ikpe-ọnwụn.

Ẹbụ-ọma 102:5

Udẹn-udẹn m rị a sụn yeni uhue e mẹgụọ m wụrụ ọkpụkpụ-ọkpụkpụ.

Ẹbụ-ọma 6:3

Obi e d'a gbawapụ m! Euu Osolobuẹ, elee mgbe kẹ y'a zụọ m?

Ẹbụ-ọma 6:9

Osolobuẹ a nụgụọ arịrịọ m; Osolobuẹ a zagụọ ekpere m!

Ẹbụ-ọma 69:3

A kwangbugụọ m enwẹn m, olu a gwọ m. Ẹnya m ẹbụbụọ a changụọ m gi rị e che Chuku m n'o yeni m ẹka.

Ẹkwan 3:56

Ị nọ nụ arịrịọ m kẹ m sị ị, “Dodo, agbakwọlẹ m nkịtịn ẹkwan m rị a kwan n'i yeni m ẹka.”

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Matiu 10:20

Makẹni ẹlẹ ụnụ jẹnkọ d'e ku; Mmọn Nẹdi ụnụ jẹnkọ d'e gi ụnụ ku.

Matiu 20:22

Kanị Jizọsị nọ sị, “Ụnụ amarịn ihiẹn ụnụ rị a rịọ. Nị ụnụ s'ẹka ra ihiẹn rị imẹ mkpu m jẹnkọ d'a ra?” Wẹ nọ sị, “Nị ẹnyi saghọ ẹka.”

Luku 22:44

Ọ nọ gi okẹn-ụfụ ọ rị mẹkẹnmẹ ekpere; ọbanje ẹ nọ kẹ ẹdeke rị a tantuni.

Jọnụ 14:16

a rịọ m Chuku-Nẹdi, o zihẹni ụnụ onyẹ eyemẹka ọzọ n'o sọn ụnụ nọdị jẹnrin ejẹn.

Ndị Rom 15:1

O furu nị ẹnyi ndị ze imẹ Kraịstị e rozi k'ọ rị ndị zelẹni, ẹlẹ imẹ ihiẹn a sụọnị ẹnyi.

Ndị Rom 7:24

Ụya e gbuẹ m! Onyẹ k'a gbapụha m ẹka ẹhụnị rị e buhẹni m ọnwụn?!

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Kọrẹntị Nke Ẹbụọ 5:2

Imẹ ọdụnị ẹnyi rị kikẹnni, ẹnyi hụ a sụn udẹn, ọ hụ a gụn ẹnyi ọda-ọda nị wẹ yimẹ ẹnyi ẹhụ ẹnyi ahụn, ụlọ ẹnyi ahụn rị elu-igwee —

Ndị Kọrẹntị Nke Ẹbụọ 5:4

Makẹni, hụnnị ẹnyi rịkwọ imẹ ẹhụnị, imẹ ọdụnị, ẹnyi hụ a sụn udẹn makẹni ibu rị a nyịn ẹnyi. Ẹlẹni ẹnyi chọ nị ẹnyi gba ọtọ, kama, ẹnyi chọ nị wẹ yimẹzi ẹnyi hụn-ẹbọ ahụn, kẹni ndụn luepụ hụn a nwụnhụnnị, weri ọnọdị a.

Ndị Galeshịa 4:6

Makẹni ụnụ wụ ụmụ, Osolobuẹ nọ zihẹ Mmọn Nwa a ye imẹ obi ẹnyi; ọ hụ imẹ ẹnyi a hị, “Baba! Baba nẹdi m!”

Ndị Ẹfẹsọsụ 2:18

Ghahanị Kraịstị, ẹnyi ile a sa nwan ẹka a gha Mmọn-nsọ ohu a banhan ebe Nẹdi ẹnyi wụ Osolobuẹ rị, kẹ ndị Ju kẹ ndị alị ọzọ.

Ndị Ẹfẹsọsụ 6:18

E gi ni ekpere lẹ ịrịọ-Osolobuẹ e sọn ihiẹn ile, e mẹ ekpere ogẹn ile kẹ Mmọn-nsọ dọn chọ; mụnrụn nị ẹnya ebe ekpere rị, anịlẹ ni ndụn gụ ụnụ; e mẹni ni ndị nke Osolobuẹ ile ekpere.

Hibru 4:15

Makẹni onyẹ-isi nchụn-ẹjan ẹnyi ẹlẹ hụn marịnlẹni nị ndụn arị ẹnyi, kanị hụn wẹ nwangụ ụzọ ile nọkẹ ẹnyi kanị o gin'ẹ mẹ njọ.

Hibru 5:2

Ọ marịngụọ gi ẹka alụlụa e sọn ndị ogbori lẹ ndị-mmẹfie makẹni ọ rụnahịnzịkwọ ya nwẹn ẹ arụnahịn.

Jemisi 4:3

Ụnụ rịọdẹ ụnụ ara nwọnhẹn, makẹni ụnụ rị a rịọ hụn furulẹni nị ụnụ rịọ, hụn ụnụ e gi mẹ ihiẹn a sụọnị ụnụ.