Ndị Rom 8:24 - Ika

²⁴ Ihiẹnni ẹnyi rị e lee ẹnya a kẹ Osolobuẹ gi ufiri ẹ zụọpụha ẹnyi. Ẹnyi e ke nwọnhẹn ẹ, nkẹ ẹnyi e lebehi ẹnya a — olilẹnya ihiẹn ị hụngụ ẹlẹzi olilẹnya. Kị ịhịan k'e lemẹzini ẹnya ihiẹn bụ ọ hụngụọ a?

Ndị Rom 8:24 ပူးပေါင်းရင်းမြစ်များ

Ẹbụ-ọma 146:5

Onyẹ Chuku Jekọpụ e yeni ẹka e nwọnkẹ ngọzi, onyẹ bu obi tụkwasị Osolobuẹ wụ Chuku ẹ,

Ẹbụ-ọma 33:18

Kanị ẹnya Osolobuẹ rị ebe ndị a tụ egun ẹ rị, ndị gi ihiẹn-ọsụsụọ a e dọn ẹnya,

Ẹbụ-ọma 33:22

Osolobuẹ, dodo e gi ihiẹn-ọsụsụọ ị e sọn ẹnyi, kẹ ẹnyi dọn rị e gi i e dọn ẹnya.

Itẹn 14:32

Eje-ihiẹn eje-ịhịan mẹ e gbu ẹ; kanị ndị ezi-omumẹ nwọn ebe w'a gbaban wẹ nwụnhụndẹ.

Jerimaya 17:7

Kanị, ngọzi wụ nke onyẹ hụn gi Osolobuẹ dọn ẹnya — onyẹ hụn danbemẹn'ẹ.

Zẹkaraya 9:12

Ndị wẹ kwọndọn hụn rị e lee ẹnya nzụọpụha, kinhẹn ni nwan ezigbo ụlọ ụnụ zeni! M rị a gwa ụnụ tannị nị m k'e yekin ụnụ ihiẹn ile ụnụ tuhu, gi hụn han kẹ ịya dụnnị ụnụ ya.

Ndị Rom 12:12

A ghọghọ nị makẹ olilẹnya ụnụ nwọn; e nwọn ni ndidin imẹ nsọngbu ụnụ; e mẹ ni ekpere ogẹn ile.

Ndị Rom 15:13

Osolobuẹ hụn e ye olilẹnya ya ye ụnụ ịghọghọ lẹ udọn mmagi-mmagi kẹ ụnụ dọn rị e gi ẹ e dọn ẹnya. Y'a mẹ ẹ, kẹni ụnụ nwọn olilẹnya, nwọn ẹ ọda-ọda, ghahanị ikẹn Mmọn-nsọ.

Ndị Rom 15:4

Wẹ de ihiẹn ile wẹ de imẹ Ẹkụkwọ-nsọ ẹdẹi kẹni wẹ gi ẹ kuzi ẹnyi, kẹni ẹnyi hụn ụzọ e din ndidin, e gi ya lẹ nkasị-obi Ẹkụkwọ-nsọ e ye nwọnsọnmẹ olilẹnya ẹnyi.

Ndị Rom 4:18

Ebraham e kweri, ọsụọn'a n'o nwọnni ihiẹn o kwọndọn ẹka, ọ tọ a tụ ẹnya n'o jẹnkọ d'a wụrụ “Nẹdi alị bu ọda,” kẹ Osolobuẹ dọn gwa a mbụ ogẹn o gi sị a, “Ẹrịra kẹ ụmụ ị k'e buhan ọda.”

Ndị Rom 5:2

onyẹ hụn Osolobuẹ gha ẹka a gi okukwe ẹnyi webanhan ẹnyi ọnọdị ndị wẹ mẹni ẹfọma hụn ẹnyi turu nwan imẹ ẹ; ẹnyi rị nwan a ṅan makẹni ẹnyi rị e lee ẹnya ọghọ Osolobuẹ jẹnkọ d'e ye ẹnyi!

Ndị Rom 8:20

Makẹni Osolobuẹ bu ihiẹn ile o ke tọ imẹ ụya; ẹlẹni ihiẹn o ke chọ n'ọ rị imẹ ụya, kanị, Osolobuẹ hụn bu ẹ tọ imẹ ụya chọ n'ọ rị ẹrịra, makẹni o nwọnghọ ihiẹn o bu obi:

Ndị Kọrẹntị Ibuzọ 13:13

Ihiẹn ẹtọ rịnị wụ okukwe, olilẹnya lẹ ihiẹn-ọsụsụọ, kanị, hụn kachanrịnnị wụ ihiẹn-ọsụsụọ.

Ndị Kọrẹntị Nke Ẹbụọ 4:18

Ẹghẹẹ, makẹni ẹnyi arị e lee ihiẹn ẹnya e legha, kanị ihiẹn ẹnya ghalẹni e legha; makẹni ihiẹn ẹnya e legha k'a gharị, kanị ihiẹn ẹnya ghalẹni e legha k'a rị jẹnrin ejẹn.

Ndị Kọrẹntị Nke Ẹbụọ 5:7

makẹni ihiẹn ẹnyi kweri imẹ Kraịstị kẹ ẹnyi gi e bi, ẹlẹ ihiẹn ẹnya ẹnyi rị e legha.

Ndị Galeshịa 5:5

Kanị, okukwe lẹ ikẹn Mmọn-nsọ kẹ ẹnyi nwẹn rị e gi che nị Osolobuẹ kuni ẹnyi ọhụnma ahụn ẹnyi rị a tụ ẹnya a.

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 1:5

ufiri nị ụnụ rị e lee ẹnya ihiẹn hụ Osolobuẹ dọnmẹni ụnụ elu-igwee, hụn ụnụ nụ ogẹn wẹ gi zi ụnụ ozi hụ wụ ezioku, hụn wụ oziọma.

Ndị Tẹsalonika Ibuzọ 5:8

Kanị, ebe o mẹni ẹnyi wụ ndị e bi ebe eki rị elu, nị ẹnyi dọnrin ni nwan ẹnya; nị ẹnyi yiri okukwe lẹ ihiẹn-ọsụsụọ kẹ ẹwuru igwe onyẹ-agha gi e gbọndọn obi ẹ, ẹnyi e yiri olilẹnya nzụọpụha nọkẹ okpu onyẹ-agha gi e gbọndọn isi ẹ.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Hibru 11:1

Okukwe wụ igi ẹ dọn n'i k'e nwọnhẹn ihiẹn ị rị a tụ ẹnya a; igi ihiẹn dọn, bụ y'a rịnị e legha a.

Pita Ibuzọ 1:21

Ụnụ a ghagụọ nwan ẹka Kraịstị kwerini Osolobuẹ hụn gha ọnwụn weli Kraịstị, ye Kraịstị ọghọ. Ya wụ nị Osolobuẹ kẹ ụnụ kwerini; Osolobuẹ kẹ ụnụ gi dọn ẹnya.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.

Jọnụ Ibuzọ 3:3

Ndị ile nwọn olilẹnyanị imẹ obi wẹ e dọnmẹ enwẹn wẹ ọchan kẹ ya lẹ enwẹn ẹ dọn rị ọchan.