Ndị Rom 8:23 - Ika

²³ Ẹlẹdẹ ihiẹn ndị ọzọ o ke sụọ, kanị ẹnyi nwọnzi, ẹnyi ndị nwọndẹ Mmọn-nsọ hụn Osolobuẹ bu ụzọ e ye — ẹnyi hụzịkwọ nwan a sụn udẹn, kẹ ẹnyi dọn rị e che ni Osolobuẹ mụrụnchanrịn ẹnyi, n'o wepụha ẹhụ ẹnyi ụya ọ rị imẹ ẹ.

Ndị Rom 8:23 ပူးပေါင်းရင်းမြစ်များ

Ihiẹn Mẹni Nke Ẹbụọ 31:5

Hụn wẹ gihụ nụ ihiẹn eze ku, ya ndị Izrẹlụ nọ wepụha obi yemẹ ihiẹn-ugbo wẹ ibuzọ: kẹ ọka kẹ manya kẹ ofigbọn-olivu kẹ mirin-ẹnwụn kẹ ihiẹn ile gha ugbo wẹ pụha. Ihiẹn wẹ wẹhẹ e hikẹmẹkẹ; e wẹhẹzikwọ wẹ ụzọ-ohu-imẹ-ụzọ iri ihiẹn ndị wẹ nwọnhẹn.

Luku 20:36

Wẹ sikọ d'a nọ kẹ ndị mmọn-ozi; anwụnkọzị wẹ. Wẹ wụ ụmụ Osolobuẹ — makẹni wẹ wụ ndị gha ọnwụn lihi.

Luku 21:28

Ogẹn ihiẹn ndịnị e gi bidọn, turu ni ọtọ, ụnụ e weshi isi elu, makẹni ogẹn wẹ k'e gi gbapụha ụnụ a rịgụọ nsue!”

Ndị Rom 5:11

Ẹlẹdẹ ọhụn sụọ, ẹnyi hụzịdẹ e gi Osolobuẹ a ṅan yeni ihiẹn Di-nwọnni-ẹnyi wụ Jizọs Kraịstị mẹ, onyẹ hụn Osolobuẹ gha nwan ẹka a dọnzi ẹgbata ẹnyi lẹ Osolobuẹ!

Ndị Rom 5:3

Ẹlẹdẹ ọhụn sụọ, ẹnyi a ṅanzị nị ẹnyi rị a hụn nsọngbu ẹnyi rị a hụn, makẹni ẹnyi a marịnghọ nị nsọngbu e wẹhẹ ndidin;

Ndị Rom 5:5

bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Ndị Rom 7:24

Ụya e gbuẹ m! Onyẹ k'a gbapụha m ẹka ẹhụnị rị e buhẹni m ọnwụn?!

Ndị Rom 8:19

Ihiẹn ile Osolobuẹ ke rịzị e che nị Osolobuẹ ye ụmụ a ọghọ ahụn lalanịnị wẹ.

Ndị Kọrẹntị Ibuzọ 1:7

Onwọnzini nwan oyiye Mmọn-nsọ akọnị ụnụ kẹ ụnụ dọn rị e che ọbịbịa Onyẹ-nwọnni-ẹnyi wụ Jizọs Kraịstị.

Ndị Kọrẹntị Nke Ẹbụọ 1:22

ye ẹnyi ahịma a ghahanị ibu Mmọn-nsọ a che imẹ obi ẹnyi, gi ẹ họnrin mbi ihiẹn ile o k'e mẹni ẹnyi.

Ndị Kọrẹntị Nke Ẹbụọ 7:5

Makẹni, kẹ ogẹn ẹnyi gi rudẹ Masẹdonia, ẹnyi ezuni ikẹn kaka; wẹ kpokpo ẹnyi azụụn ile: oku-lẹ-ụka fihunmẹ ẹnyi, egun e jun ẹnyi obi.

Ndị Galeshịa 5:5

Kanị, okukwe lẹ ikẹn Mmọn-nsọ kẹ ẹnyi nwẹn rị e gi che nị Osolobuẹ kuni ẹnyi ọhụnma ahụn ẹnyi rị a tụ ẹnya a.

Ndị Ẹfẹsọsụ 1:14

makẹni Mmọn-nsọ k'o bu ụzọ e ye nọkẹ mbi, o kebe bịa d'e gbarị ndị ọ ṅọntọgụ. Osolobuẹ mẹ ẹ kẹni ụnụ nwẹn wụrụzị ihiẹn wẹ gi a ja Osolobuẹ mma n'o hikẹ ogbe!

Ndị Ẹfẹsọsụ 4:30

Emẹkwọlẹ ni ihiẹn k'a fụ Mmọn-nsọ Osolobuẹ, makẹni ịya wụ ahịma Osolobuẹ ye (yi) ụnụ makẹ ụhụọhịn nzụọpụha.

Ndị Ẹfẹsọsụ 5:9

makẹni mkpụrụ hụn ukpẹ a mị wụ ihiẹn ile rị mma lẹ ezi-omumẹ ile lẹ ihiẹn ile wụ ezioku.

Timoti Nke Ẹbụọ 4:8

Ihiẹn rị nwan e cheni m wụ ugọn ezi-omumẹ, hụn Onyẹ-nwọnni-ẹnyi, Ọka-Ikpe ahụn ghalẹni a tụ ntụ, jẹnkọ d'e tu m Ụhụọhịn hụ. Ẹlẹ mmẹ sụọ, kanị ndị ile buchanrịn obi wẹ che ọbịbịa a.

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Pita Ibuzọ 1:7

wẹ rị e gi wẹ a ghọsị nị okukwe ụnụ wụ ezigbo ẹ, makẹni okukwe ụnụ ka goru mkpa bụ wẹ e gidẹ ọkụn e lele goru — ọsụọn'a nị goru e wiwi ewiwi! Wẹ rị e lele okukwe ụnụ, kẹni wẹ ja ụnụ mma ogẹn Jizọsị e gi bịa, ye ụnụ ọghọ lẹ mgbaye.

Jọnụ Ibuzọ 3:2

Ndị nke m, ẹnyi wụ nwan ụmụ Osolobuẹ, bụ ihiẹn ẹnyi jẹnkọ d'a wụ eke pụha ifọn; kanị ẹnyi a marịnghọ nị ọ bịa, ẹnyi k'a nọ kẹ ịya makẹni ẹnyi sikọ d'a hụnchanrịn a k'ọ nọ.