Ndị Rom 8:20 - Ika

²⁰ Makẹni Osolobuẹ bu ihiẹn ile o ke tọ imẹ ụya; ẹlẹni ihiẹn o ke chọ n'ọ rị imẹ ụya, kanị, Osolobuẹ hụn bu ẹ tọ imẹ ụya chọ n'ọ rị ẹrịra, makẹni o nwọnghọ ihiẹn o bu obi:

Ndị Rom 8:20 ပူးပေါင်းရင်းမြစ်များ

Jẹnẹsisi 5:29

Ọ nọ gụn a Nụa, sị, “Ẹka nwatanị kẹ ẹnyi k'a gha zu ikẹn okẹn afụnfụnnị ẹnyi rị a ta a rụn ugbo akpakalị Osolobuẹ bụ ọnụ”

Jẹnẹsisi 6:13

Ya Osolobuẹ nọ sị Nụa, “A kwademẹgụọ m nị m jẹnkọ d'e kpọnchanpụ ịhịan ile, makẹni, ẹka-ikẹn e jungụọ ụwa makẹ ufiri wẹ. M jẹnkọ nwan d'e tikpọ wẹ lẹ ụwa.

Ẹbụ-ọma 39:5

Y'e mẹgụọ ogẹn m mẹ ntịn kẹ ọb'ẹka mmaka; ogẹn m enwọn k'ọ han ị ẹnya, ndụn ịhịan wụhụ uzun. Sẹla

Ẹkịliziastisi 1:2

“Ihiẹn-ọlaliwi rọ! Ihiẹn-ọlaliwi ka ihiẹn-ọlaliwi!” Ya kẹ onyẹ-nkuzi ku. “Ihiẹn-ọlaliwi hụn ka ihiẹn-ọlaliwi rọ! Wẹ ile wụ ihiẹn la iwi.”

Jerimaya 12:11

Wẹ k'e mẹ ẹ wụrụ alị la iwi, alị ọkpọ-nkụn hụn rị a kwanghọsị m; alịnị ile k'a la iwi, makẹni onwọnni onyẹ ọ rị mkpa.

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Hosia 4:3

Ya haịn alị gilẹni e mẹ ihiẹn, ndị ile rịn'a hụ a la iwi, kẹ ịhịan kẹ anụ rị ọfịa kẹ nnụnụ; azụn hụ a nwụn imẹ mirin.

Juwẹlụ 1:18

Euu, anụ ile hụzị a sụn udẹn! Igunrun efin hụ ụzọ ile a wahunmẹ, makẹni ẹfịfịa hụn w'e ri arịa; atụnrụn lẹ ewu hụzịdẹ a hụnjun ẹnya.

Ndị Rom 8:22

Makẹni ẹnyi a marịnghọ nị ihiẹn ile Osolobuẹ ke hụkwọ nwan a sụn udẹn kẹ okpoho imẹ rị e mẹ d'e ru ogẹnni.

Ndị Rom 8:24

Ihiẹnni ẹnyi rị e lee ẹnya a kẹ Osolobuẹ gi ufiri ẹ zụọpụha ẹnyi. Ẹnyi e ke nwọnhẹn ẹ, nkẹ ẹnyi e lebehi ẹnya a — olilẹnya ihiẹn ị hụngụ ẹlẹzi olilẹnya. Kị ịhịan k'e lemẹzini ẹnya ihiẹn bụ ọ hụngụọ a?