Ndị Rom 8:17 - Ika

¹⁷ O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Ndị Rom 8:17 ပူးပေါင်းရင်းမြစ်များ

Matiu 16:24

Ya Jizọsị nọ sị ndị nsọnmazụụn a, “Onyẹ chọ n'o sọn m, ya jụkwọ enwẹn ẹ, buru obe ẹ, sọnmẹ m.

Matiu 25:21

“Di-nwọnn'ẹ nọ sị, ‘Ezigbo odibo wẹ gi e dọn ẹnya! Y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Luku 24:26

Ẹkụkwọ-nsọ ekugụọn'a nị Onyẹ-nzụọpụha Ahụn Osolobuẹ Tumẹ wụ Kraịstị jẹnkọ d'a tagụ afụnfụn ndịnị o kebe nwọnrin ọghọ a?”

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ọrụn Ndị-ozi 20:32

“M rị nwan e bu ụnụ e che ẹka Osolobuẹ lẹ ozi banyeni ọhụnma a, ozi ẹ hụn k'a s'ẹka tụn ụnụ kẹ ụlọ mẹ ụnụ turu — weye ụnụ ihiẹn runi ụnụ imẹ ndị nsọ Osolobuẹ ile.

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Rom 5:17

Omẹni njọ okẹnnyẹ ohu ahụn wụ Adam kẹ ọnwụn gi ghaha ẹka a d'a kịma, kị k'e mẹ ndị nabanhan okẹn ẹfọma Osolobuẹ lẹ ezi-omumẹ o ye ọfẹ? Ya wụ nị o k'e wẹhẹni wẹ ndụn, ẹlẹzi ọnwụn — wẹ k'a rịferi ndụn wụ ndụn ghahanị okẹnnyẹ ohu hụ wụ Jesu Kristi.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Kọrẹntị Ibuzọ 2:9

Kanị, nọkẹ kẹ Ẹkụkwọ-nsọ dọn ku, “Ẹnya ịhịan ahụntuni, ntịn ịhịan anụtuni, ịhịan erotuni ihiẹn Osolobuẹ kwademẹni ndị ihiẹn ẹ a sụọ.”

Ndị Kọrẹntị Nke Ẹbụọ 1:5

Makẹni, kẹ ẹnyi dọn a ta afụnfụn ọda-ọda makẹ Kraịstị, ẹrịra kẹ Osolobuẹ dọnzikwọ a kasị ẹnyi obi ọda-ọda ghahanị Kraịstị.

Ndị Kọrẹntị Nke Ẹbụọ 1:7

Ẹnyi egibehikwọn'a nwan dọn nị ụnụ k'e mẹ ọhụnma imẹ ihiẹn Osolobuẹ. Makẹni, ẹnyi a marịnghọ nị kẹ ụnụ dọn e sọn ẹnyi a ta afụnfụn, ẹrịra kẹ ụnụ dọnzi e sọn ẹnyi e nwọnhẹn nkasị-obi.

Ndị Galeshịa 3:29

O mẹ nwan nị ẹnyi wụ nke Kraịstị, ụmụ Ebraham kẹ ẹnyi wụ, ndị sikọ nwan d'e nwọnhẹn ihiẹn Osolobuẹ kwe nkwa a.

Ndị Galeshịa 4:7

Ya wụ nwan nị y'ẹlẹzi igbọn; nwa kẹ ị wụ. Ebe o mẹ ni nwa k'ị wụ, Osolobuẹ k'e keye i ihiẹn ẹ.

Ndị Ẹfẹsọsụ 3:6

Ihiẹn nzuzueni wụ nị, ndị alị ndị ọzọ a bangụọzịnị ndị ihiẹn Osolobuẹ e ru ẹka makẹni wẹ gi oziọma dọn, wụrụ mkpamkpa imẹ ẹhụ ohu ahụn, wụrụzịkwọ ndị wẹ ile gba nwọn ihiẹn Osolobuẹ kwe nkwa n'o k'e mẹni ndị rị imẹ Kraịstị wụ Jizọsị.

Ndị Filipi 1:29

Makẹni Osolobuẹ e yeọlẹ ụnụ oghere, ẹlẹ hụn ụnụ e gi kweri ni Kraịstị sụọ kanị hụn ụnụ e gizi tan'a afụnfụn,

Ndị Filipi 3:10

M chọ nị m marịn Kraịstị lẹ ikẹn hụ o gi gha ọnwụn lihi, e sọn m'ẹ ta afụnfụn ọ ta, sọn ẹ nwụn ọnwụn ọ nwụn,

Ndị Kolosị 1:24

M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Hibru 1:2

Kanị, ogẹn ikpanzụụnnị, ọ gwaọlẹ ẹnyi oku ghahanị Nwa a, onyẹ hụn o yechanrịn ihiẹn ile, onyẹ hụn ọ gha ẹka a ke ụwa ile lẹ ihiẹn ile rịn'a.

Hibru 6:17

Ẹrịra k'ọ rịzị, ogẹn Osolobuẹ gi chọ n'ọ ghọsị ndị o kwe nkwa n'o kuhutọkọ ọnụ, ọ nọ kun enwẹn ẹ:

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Pita Ibuzọ 1:4

Ọ mụrụngụọ ụnụ d'e nwọnrin ukuu ghalẹni e rehi mọbụ e wiwi mọbụ a fapụ, ukuu o butọnị ụnụ elu-igwee.

Pita Ibuzọ 4:13

Ka ghọghọma nị, makẹni ụnụ rị e sọn Kraịstị a ta afụnfụn a; kẹni ụnụ hụn ụzọ ghọghọ, ghọghọ ọhụnma-ọhụnma, mgbe ọghọ a k'a pụhachanrịn ifọn.

Rẹvẹleshọnụ 21:7

Onyẹ hụn mẹrini k'e nwọnhẹn ihiẹn ndịnị. M k'a wụ Osolobuẹ ẹ, ya nwẹn a wụ nwa m.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.