Ndị Rom 7:7 - Ika

⁷ Kị ẹnyi e kuzi nwan? Nị ẹnyi sị nwan nị Iwu Mozizi e buhẹ njọ? Mba nụ! Makẹni, omẹni ẹlẹ Iwu, m'e ke marịn ihiẹn njọ wụ. Omẹni Iwu asịnị, “Anịlẹ ihiẹn la ị ẹnya,” m'e ke marịn ihiẹn ọ wụ nị ihiẹn a la ịhịan ẹnya.

Ndị Rom 7:7 ပူးပေါင်းရင်းမြစ်များ

Jẹnẹsisi 3:6

Ọ nọ ban okpoho ahụn ẹnya nị mkpụrụ osisi ahụn rị mma wẹ e ri, n'ọ la ẹnya, n'ọ rịka mma nị ịhịan ri ẹ marịn ihiẹn. Ya ọ nọ ghọrị mkpụrụ a ri, yezikwọ di ẹ ya lẹ ịya rị, di ẹ nọ ri.

Samuẹlụ Nke Ẹbụọ 11:2

Ẹnyasị ohu, Defidi nọ gha ebe o dinẹ e zu ikẹn lihi ọtọ, ghahunmẹmẹ elu-ụlọ imẹ obi-eze ẹ. Ọ nọ gha elu ebahụn legha okpoho rị a wụ ẹhụ. Okpoho hụ ma mma ọda,

Ẹbụ-ọma 119:96

A hụngụọ m'a nị ihiẹn ile nwọn ebe wẹ zuru oke, kanị iwu i zuchanrịn oke.

Ọpụpụ 20:17

“Anịlẹ ụlọ ibe i la ị ẹnya, mọbụ nwunyẹ ibe i mọbụ nwata-okẹnnyẹ rị iwe ẹ mọbụ nwata-okpoho rị iwe ẹ mọbụ efin ẹ mọbụ jaki ẹ — mọbụ ihiẹn ọwụlẹ wụ nke ibe i.”

Maịka 2:2

Wẹ chọ alị mọbụ ugbo ịhịan, a narịn w'a ya; omẹni ụlọ rọ, e weri w'ẹ; wẹ hụ a bịangbu ịhịan, e weri ụlọ a; a bịangbu ịhịan, e weri ukuu ẹ.

Matiu 5:28

Kanị mmẹ lẹ enwẹn m rị a gwa ụnụ nị onyẹ lee okpoho ẹnya, ọ la a ẹnya, e mẹgụọlẹ mgba a imẹ obi ẹ.

Luku 12:15

Ya ọ nọzị sị igunrun hụ, “Kpachanpụkwọ nị ẹnya; gbanị nị ẹnya-uku ile ọsọ; makẹni, ẹlẹ ihiẹn bu ọda ịhịan nwọn wụ ndụn a.”

Luku 20:16

O sikọ d'a bịa d'e gbu wẹ, we ugbo hụ ye ndị ọzọ.” A nụ wẹ ihiẹnni, wẹ nọ sị, “Chuku a jụ!”

Ọrụn Ndị-ozi 20:33

“Onwọnni onyẹ egho ẹ mọbụ goru ẹ mọbụ ẹkwa a la m ẹnya.

Ndị Rom 13:9

Ihiẹn Iwu ku: “Aghẹrẹlẹ; egbulẹ ọchụn; ezunlẹ ohin; anịlẹ ihiẹn ịhịan la ị ẹnya” lẹ ihiẹn ọwụlẹ Iwu ku kẹ wẹ wegbama imẹ iwuni hụn sị, “Ihiẹn ibe i ya sụọ ị kẹ enwẹn i dọn a sụọ ị.”

Ndị Rom 3:20

Makẹni, onwọnni onyẹ jẹnkọ d'e gi idọnmẹ Iwu Mozizi wụrụ onyẹ ezi-omumẹ ebe Osolobuẹ rị, makẹni Iwu Mozizi ke wẹ gidẹ a ghọsị ịhịan n'o mẹọlẹ njọ.

Ndị Rom 3:5

O mẹ nwan nị eje-omumẹ ẹnyi e mẹ wẹ a hụnchanrịn ezi-omumẹ Osolobuẹ, kị ẹnyi e ku nwan? Nị ẹnyi sị nwan nị Osolobuẹ mẹ njọ ebe ọ nọ ye ẹnyi afụnfụn? (M rị e ku ẹ kẹ ịhịan).

Ndị Rom 4:1

Kị ẹnyi k'a sị nwan nị ya kẹ Ebraham nẹdi ẹnyi elu-ụwanị hụn?

Ndị Rom 4:15

makẹni afụnfụn kẹ Iwu e wẹhẹ wẹ dan a; kanị ebe Iwu rịlẹni, w'a ra dan iwu.

Ndị Rom 5:20

Iwu Mozizi banhanhụ d'e mẹ ịhịan danwaye iwu. Kanị ebe njọ nọ barahị kẹ ẹfọma Osolobuẹ nọ a karịdẹ ẹka —

Ndị Rom 6:15

Kị ẹnyi e mẹzi nwan? Nị ẹnyi mẹsọnmẹ nwan njọ makẹni ẹnyi rị nwan okpuru ẹfọma Osolobuẹ ẹlẹzi okpuru Iwu? Kaka akpohu!

Ndị Rom 7:11

Njọ hụn ihiẹn ahụn Iwu ku tụdọn, gi ẹ dufie m, gi ẹ gbu m.

Ndị Rom 7:13

Ihiẹn rị mma buhẹni m nwan ọnwụn? Kaka akpohu! Njọ gi ihiẹn rị mma buhẹni m ọnwụn, gi ẹ ghọsịchanrịn nị njọ wụ njọ, gi ihiẹn Iwu ku ghọsị nị njọ a jọka.

Ndị Rom 7:5

Makẹni, ogẹn ahụn enwẹn ẹnyi gi rị a kị ẹnyi, eje-ihiẹn ndị ahụn Iwu kpọtiẹn rị ọrụn mkpamkpa ẹhụ ẹnyi, a mịnị ọnwụn mkpụrụ.

Ndị Rom 7:8

Kanị njọ hụn ihiẹn ahụn Iwu ku tụdọn, gi ẹ kpasu ihiẹn ọlịlẹnya rị ichẹn-ichẹn imẹ m. Ya wụnị, omẹni ẹlẹ Iwu, njọ wụ ihiẹn nwụnnị.

Ndị Kọrẹntị Ibuzọ 15:56

Ihiẹn ọnwụn gi e gbu wụ njọ; ikẹn njọ wụ Iwu.

Ndị Ẹfẹsọsụ 5:3

Nọkẹ ndị nke Osolobuẹ, anịkwọlẹ ni wẹ nụdẹ oku ughẹrẹ mọbụ ihiẹn ọwụlẹ ru unyin mọbụ ẹnya-uku imẹ igunrun ụnụ,

Ditrọnọmi 5:21

“Anịkwọlẹ nwunyẹ ibe i la ị ẹnya. Anịkwọlẹ ụlọ mọbụ alị ibe i mọbụ odibo ẹ okẹnnyẹ mọbụ odibo ẹ okpoho mọbụ efin ẹ mọbụ jaki ẹ mọbụ ihiẹn ọzọ ọwụlẹ o nwọn la ị ẹnya.”

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Ndị Tẹsalonika Ibuzọ 4:5

ẹlẹ hụn ẹgụn imẹ-mgba e gi e nuhunmẹ ẹ kẹ ndị marịnlẹni Osolobuẹ;

Hibru 7:19

(makẹni Iwu mbụ enwọn ihiẹn o dọnzi ru alị); Osolobuẹ e webanhangụọ nwan olilẹnya ka mma ẹnyi e gi s'ẹka nọkunmẹ Osolobuẹ.

Joshụa 7:21

ogẹn m gi hụn ẹkwa alị Babilọnụ ma mma imẹ ihiẹn ndị ahụn ẹnyi gbukwarị, ya lẹ akpụrụ siliva ọgụn-iri lẹ ogbe goru hanzị kẹ akpụrụ iri kwasị ọgụnnaị, wẹ nọ chanban m ẹnya, m nọ weri wẹ. Wẹ rị nwan imẹ alị imẹ ọdụ m ebe m zuemẹ wẹ, siliva ahụn rịchanrịn okpuru.”