Ndị Rom 7:6 - Ika

⁶ Kanị, ẹnyi e nwọnringụọ nwan enwẹn ẹnyi okpuru Iwu Mozizi, ẹnyi a nwụnnahịngụọ ihiẹn hụn te gini ẹnyi, kẹni ẹnyi hụn ụzọ femẹ ofufe ọhụn Mmọn-nsọ, ẹlẹzi ofufe-akan Iwu wẹ de.

Ndị Rom 7:6 ပူးပေါင်းရင်းမြစ်များ

Izikẹlụ 11:19

M k'e mẹ wẹ nwọnbehi obi-ẹbụọ, e bu m agụngụn ọhụn che imẹ wẹ; m k'e wepụ wẹ akpobi ọmụma wẹ, ye wẹ hụn rị alụlụa,

Izikẹlụ 36:26

M k'e ye ụnụ obi ọhụn, bu mmọn ọhụn che imẹ ndụn ụnụ; e wepụ m obi-ọmụma imẹ ụnụ, ye ụnụ obi rị alụlụa.

Ndị Rom 1:9

Osolobuẹ m gi obi m ile e fe ghahanị izisọnmẹ oziọma Nwa a wụ ọshẹri m nị m'a nyanhan ụnụ ogẹn ile m gha e mẹ ekpere.

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 6:11

Ụnụ nwẹn, weri ni nwan enwẹn ụnụ kẹ ndị nwụnnahịngụ njọ lẹ ndị nọ imẹ Kraịstị wụ Jizọsị a rịnị Osolobuẹ ndụn.

Ndị Rom 6:19

(M rị e ku ẹ hụ kẹ ịhịan e ku kẹni ọ nị ụnụ ghọha.) Kẹ ụnụ te dọn we mkpamkpa ẹhụ ụnụ ye ihiẹn-ụrụ lẹ eje-obibi nọkẹ igbọn — hụn ụnụ gi rị e bi eje-obibi, e biwaye, gizi ni nwan ẹrịra we mkpamkpa ẹhụ ụnụ ye ezi-omumẹ, kẹni ụnụ rị nsọ.

Ndị Rom 6:2

Mba nụ! Nanị ndị nọkẹ ẹnyi nwụnnahịngụ njọ e dọn tọ imẹ njọ e bi?

Ndị Rom 6:22

Kanị, hụnnị Osolobuẹ gbapụhagụ ụnụ ẹka njọ, ụnụ e họnrin igbọn Osolobuẹ, erere ụnụ wụ ịrị-nsọ hụn sikọ d'e wẹhẹ ndụn itẹbitẹ.

Ndị Rom 6:4

Ya wụ, e gigụọ wẹ mirin-Chuku wẹ mẹ ẹnyi ligbama ẹnyi lẹ Jesu, gi ẹ mẹ ẹnyi wụrụ ndị sọn ẹ nwụn, kẹni ẹnyi sọn ẹ lihi bimẹ ndụn ọhụn kẹ Nẹdi ẹnyi dọn gi ikẹn ẹ hi-ogbe mẹ ẹ gha ọnwụn lihi.

Ndị Rom 7:1

Umunẹ m, ụnụ amarịn nị ebe ịhịan rị ndụn sụọ kẹ Iwu nọ a kị a? A marịnghọ m nị m rị e deni ndị marịn Iwu.

Ndị Rom 7:2

Ya k'o gi mẹni iwu rọ nị okpoho nwọn di k'a lụrịrị di ẹ kasị a mẹni di ẹ ahụn hụ ndụn. Di ẹ nwụnhụn, iwu di-lẹ-nwunyẹ egizi ẹ.

Ndị Rom 7:4

Umunẹ m, ụnụ nwẹn a nwụnnahịngụọzị Iwu Mozizi ebe ụnụ nọ sọn Kraịstị nwụn, kẹni wẹ hụn ụzọ we ụnụ ye onyẹ ọzọ lụrụ, onyẹ hụ Osolobuẹ gha ọnwụn weli, kẹni ẹnyi mịnị Osolobuẹ mkpụrụ.

Ndị Kọrẹntị Nke Ẹbụọ 3:6

Osolobuẹ mẹ ẹnyi gi wụrụ ndị ma rụn ọrụn nkwerigbama ọhụnnị, ẹlẹ nke Iwu wẹ de ede, kanị nke Mmọn-nsọ. Makẹni Iwu wẹ de e gbu egbu, kanị Mmọn-nsọ e ye ndụn.

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Ndị Galeshịa 6:15

Kẹ ịkwa-ugun kẹ akwanị-ugun arịnị mkpa, kaka! Ihiẹn rị mkpa wụ nị ịhịan a wụrụọlẹ onyẹ wẹ kedọnzi.

Ndị Ẹfẹsọsụ 4:24

ụnụ e yiri onyẹ ọhụn ahụn wẹ gi ụdị Osolobuẹ ke, hụn nwọn ezi-omumẹ lẹ ezigbo ịrị-nsọ.

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Ndị Kolosị 3:10

ụnụ e yirigụọ ndụn ọhụn hụn rị a marịnwaye onyẹ ken'ẹ, a rịwaye kẹ ịya.