Ndị Rom 7:4 - Ika

⁴ Umunẹ m, ụnụ nwẹn a nwụnnahịngụọzị Iwu Mozizi ebe ụnụ nọ sọn Kraịstị nwụn, kẹni wẹ hụn ụzọ we ụnụ ye onyẹ ọzọ lụrụ, onyẹ hụ Osolobuẹ gha ọnwụn weli, kẹni ẹnyi mịnị Osolobuẹ mkpụrụ.

Ndị Rom 7:4 ပူးပေါင်းရင်းမြစ်များ

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Azaya 62:5

Kẹ okorọbịa e mẹ nwagbọọ ọ rị a lụ, ẹrịra kẹ mmụ ị ikẹnnyẹ k'a dọn mẹ i; kẹ obi dọn a sụọ okẹnnyẹ rị a gba ẹhụhụọ ụsụọ makẹ nwunyẹ ẹ, ẹrịra kẹ obi k'a gha a sụọ Chuku i ụsụọ makẹ yụ.

Matiu 26:26

Ebe wẹ rị e ri ihiẹn-oriri ahụn, Jizọsị nọ weri brẹdi: ọ kpanmịngụ Osolobuẹ, ọ nọ bebe ẹ ye ndị nsọnmazụụn a, sị, “Weri ni ri: ọnwan wụ ẹhụ m.”

Makị 4:20

Kanị alị hụ rị mma wẹ ghaye mkpụrụ wụ ndị hụ nụ oku-Chuku, nabanhan a, mị mmagi-mmagi: onyẹ ohu, ụzọ iri kwasị ọgụn; onyẹ ohu, ụzọ ọgụn-ẹtọ; onyẹ ohu, ụzọ ọgụn-isẹn.”

Jọnụ 15:8

Ụnụ mị mkpụrụ ọda-ọda, o k'a ghọsị nị ụnụ wụ ndị nsọnmazụụn m: ọhụn jẹnkọ d'e wẹhẹni Nẹdi m ọghọ.

Jọnụ 3:29

Onyẹ rị a lụ okpoho nwọn okpoho ahụn ọ rị a lụ. Ọwụ a wuzohụ ẹhụ a, a ghọghọ n'ọ rị a nụ olu ẹ. Ịghọghọ m e zuọlẹ nwan oke.

Jọnụ 6:51

Mmẹ wụ brẹdi hụ rị ndụn hụn gha elu-igwee bịa. Onyẹ hụn ri brẹdini jẹnkọ d'a rị ndụn jẹnrin ejẹn. Ẹhụ m wụ brẹdi hụ m jẹnkọ d'e ye kẹni ndị rị ụwa rị ndụn.”

Ndị Rom 6:11

Ụnụ nwẹn, weri ni nwan enwẹn ụnụ kẹ ndị nwụnnahịngụ njọ lẹ ndị nọ imẹ Kraịstị wụ Jizọsị a rịnị Osolobuẹ ndụn.

Ndị Rom 6:14

Ẹghẹẹ, njọ akịkọ ụnụ, makẹni ụnụ arịzị okpuru iwu, kanị okpuru ẹfọma.

Ndị Rom 6:2

Mba nụ! Nanị ndị nọkẹ ẹnyi nwụnnahịngụ njọ e dọn tọ imẹ njọ e bi?

Ndị Rom 6:22

Kanị, hụnnị Osolobuẹ gbapụhagụ ụnụ ẹka njọ, ụnụ e họnrin igbọn Osolobuẹ, erere ụnụ wụ ịrị-nsọ hụn sikọ d'e wẹhẹ ndụn itẹbitẹ.

Ndị Rom 7:3

Ya wụ, omẹni ya lẹ okẹnnyẹ ọzọ a sụọma mọbụ lụma ebe di ẹ rịkwọ ndụn, wẹ k'a kpọ a onyẹ zọ-ụkụ-ye-ọfịa; kanị omẹni di ẹ a nwụnhụngụọ, iwu hụ egizi ẹ: ọ lụma okẹnnyẹ ọzọ, ọ zọnị ụkụ ye ọfịa.

Ndị Rom 7:6

Kanị, ẹnyi e nwọnringụọ nwan enwẹn ẹnyi okpuru Iwu Mozizi, ẹnyi a nwụnnahịngụọ ihiẹn hụn te gini ẹnyi, kẹni ẹnyi hụn ụzọ femẹ ofufe ọhụn Mmọn-nsọ, ẹlẹzi ofufe-akan Iwu wẹ de.

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Kọrẹntị Ibuzọ 10:16

Mkpu ohu ahụn ẹnyi e ye Osolobuẹ ekele a rarịsọnmẹ, ẹlẹ mmẹkọ kẹ ẹnyi ile lẹ ẹdeke Kraịstị gi ẹ e mẹkọ? Brẹdi ahụn ẹnyi e ye Osolobuẹ ekele e keri, ẹlẹ mmẹkọ kẹ ẹnyi ile lẹ ẹhụ Kraịstị gi ẹ e mẹkọ?

Ndị Kọrẹntị Nke Ẹbụọ 11:2

Ẹnya hụn a fụ Osolobuẹ rị a fụ m makẹ ọnọdị ụnụ. Ụnụ wụ nwagbọọ m kwe okẹnnyẹ ohu sụọ nkwa. Okẹnnyẹ ahụn wụ Kraịstị. M kwe ẹ nkwa nị m jẹnkọ d'e we ụnụ ye ẹ ebe ụnụ kelẹni marịn okẹnnyẹ.

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Ndị Galeshịa 5:18

Kanị, omẹni Mmọn-nsọ rị a kị ụnụ, ya wụ nwan nị ụnụ arịzị okpuru iwu.

Ndị Ẹfẹsọsụ 2:15

Iwu o wepụ k'o gi mẹ ẹ, Iwu lẹ ụmụ iwu lẹ ọdịnalị rịn'a. O mẹ ẹ kẹni o mẹmẹrin agbọ ọhụn gi nọkin ẹnya azụụn ẹbụbụọ ahụn wụ ndị Ju lẹ ndị alị ọzọ. Ẹrịra k'o dọn wẹhẹ udọn ẹgbata wẹ,

Ndị Filipi 1:11

makẹni o ru a hụn w'a nị ndụn ụnụ a mịjungụọ mkpụrụ hụn wụ ezi-omumẹ, hụn gha ẹka Jesu Kristi a bịa. O k'e wẹhẹni Osolobuẹ ọghọ lẹ ọjịja-mma.

Ndị Filipi 4:17

Ẹlẹni m chọkọ ihiẹn ụnụ k'e ye m. Kaka akpohu! M rị a chọ nị wẹ gụn ọrụn-ọma ụnụ yeni ụnụ kẹni o wẹhẹni ụnụ erere.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Kolosị 1:22

Kanị Kraịstị e gigụọ nwan ẹhụ o gi bi elu-ụwanị dọnzi ẹgbata ụnụ lẹ Osolobuẹ, ghahanị ọnwụn a, kẹni o wepụha ụnụ ihun ẹ kẹ ndị rị nsọ, nwọnlẹni nkarụ mọbụ nkọrịanị,

Ndị Kolosị 1:6

Oziọma e rugụọ ụnụ ẹka. K'o dọn a mị mkpụrụ, e sue, a ghagbarị ụwa ile, ẹrịra k'o gizi nwan rị a mị mkpụrụ imẹ ụnụ kete ụhụọhịn ahụn ụnụ nụ a, ghọta ẹfọma Osolobuẹ mẹ nke-esi.

Ndị Kolosị 2:14

Ọ nọ kagbu ụgwọ ile ẹnyi gi ebe wẹ detu ẹ, iwu ile ikpe gi ma ẹnyi, wepụ a, kpọ a ye elu-obe Kraịstị.

Ndị Kolosị 2:20

O mẹ nwan nị ụnụ e sọngụọ Kraịstị nwụnhụn, ụnụ a nwụnnahịngụọ mmọn lẹ iwu ile wẹ gi e dọn ẹnya elu-ụwanị. Kị ụnụ a gbayeni nwan omẹnalị lekẹ sị ụnụ wụzị nke ụwa?

Hibru 10:10

Uche Osolobuẹ ahụn kẹ wẹ gi nwan dọn ẹnyi nsọ ghahanị ẹjan Kraịstị wụ Jizọsị gi ẹhụ a chụn mgbe ohu, chụnchanrịn a.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Rẹvẹleshọnụ 19:7

Nị ẹnyi ghọghọma nị, a ṅan; nị ẹnyi yemẹ ẹ ọghọ, makẹni agbamẹkụkwọ Nwa-ebulu hụ e rugụọ; nwagbọọ o k'a lụ e kọnrinọlẹ.

Rẹvẹleshọnụ 21:9

Ya kẹ mmọn-ozi ohu imẹ wẹ ẹsa ahụn bu afẹrẹ afụnfụn ikpanzụụn ẹsa nọ bịa, sị m, “Bịa: m k'a ghọsị ị onyẹ hụ ya lẹ Nwa-ebulu hụ jẹnkọ d'a gba ẹkụkwọ, nwunyẹ Nwa-ebulu hụ.”