Ndị Rom 7:25 - Ika

²⁵ Ekele ya rịnị Osolobuẹ n'o jẹnkọ d'e mẹ ẹ ghahanị Di-nwọnni-ẹnyi wụ Jesu Kristi! Kẹ ihiẹn nọ nwan wụ nị: k'ọ rị m, e sọn m Iwu Osolobuẹ; kanị, kẹ m nọ, iwu njọ kẹ m'e sọn.

Ndị Rom 7:25 ပူးပေါင်းရင်းမြစ်များ

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Azaya 49:9

kẹni i sị ndị wẹ gi, ‘Pụha nị,’ sị ndị rị imẹ ishi, ‘Weri ni enwẹn ụnụ!’ Wẹ k'a rị a nọdẹ mkpẹnrẹn ụzọ e ri ihiẹn-oriri, a hụn ezigbo ẹfịfịa anụ e ri elu òke te kpọpụ nkụn.

Matiu 1:21

O k'a mụ okẹnnyẹ. I jẹnkọ d'a gụn nwa hụ Jesu (Jizọsị) makẹni ịya jẹnkọ d'a zụọpụha ndị nke ẹ imẹ njọ wẹ.”

Ndị Rom 6:14

Ẹghẹẹ, njọ akịkọ ụnụ, makẹni ụnụ arịzị okpuru iwu, kanị okpuru ẹfọma.

Ndị Rom 6:17

Kanị, ekele ya rịnị Osolobuẹ, nị, ọsụọn'a nị ụnụ te wụ igbọn njọ, ụnụ e gigụọ obi ụnụ ile humẹ isi, mẹ ihiẹn wẹ kuzi ụnụ kẹ wẹ dọn kuzi ẹ;

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Kọrẹntị Ibuzọ 15:57

Kanị ekele ya rịnị Osolobuẹ, hụn e ye ẹnyi mmẹri ghahanị Di-nwọnni-ẹnyi wụ Jesu Kristi!

Ndị Kọrẹntị Nke Ẹbụọ 9:15

Ekele ya rịnị Osolobuẹ o gi ye oyiye ọnụ ịhịan ghalẹni a saẹka a kọwa!

Ndị Ẹfẹsọsụ 5:20

e gi ẹfan Di-nwọnni-ẹnyi wụ Jesu Kristi e ye Chuku-Nẹdi ekele ogẹn ile imẹ ọnọdị ile,

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Ndị Filipi 4:6

Ehuelẹ ni uhue ihiẹn ọwụlẹ; imẹ ihiẹn ile, e gi ni ekpere lẹ arịrịọ lẹ iye-ekele a gwa Osolobuẹ ihiẹn rị ụnụ mkpa.

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.