Ndị Rom 7:18 - Ika

¹⁸ Makẹni, a marịnghọ m n'o nwọnni kaka akpụ ihiẹn ohu rị mma imẹ m, imẹ mmẹ wụ ịhịan-mmaka. Makẹni, m'a chọ nị m mẹ ihiẹn rị mma, kanị, m'a ra saẹka mẹ ẹ.

Ndị Rom 7:18 ပူးပေါင်းရင်းမြစ်များ

Jẹnẹsisi 6:5

Osolobuẹ a hụn a nị eje-ihiẹn hụn rị imẹ ịhịan rị a waye elu-ụwa lẹni eje-ihiẹn kẹ w'e ro ogẹn ile,

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Jobu 14:4

Onyẹ k'a s'ẹka nọ ihiẹn rụnị wepụha ihiẹn rụlẹni? Onwọnni!

Jobu 25:4

Nanị kẹ ịhịan e dọn nwan s'ẹka rị ọchan ẹnya Chuku? Nanị kẹ ịhịan okpoho mụ a dọn nwan s'ẹka rị ọchan?

Ẹbụ-ọma 119:173

Dodo, tịnpụ ẹka ị yeni m ẹka makẹni iwu i kẹ m hanrịn.

Ẹbụ-ọma 119:176

A kpahugụọ m nọkẹ atụnrụn tuhuni; dodo chọha odibo i, nị azọnị m iwu i.

Ẹbụ-ọma 119:32

M k'a gha e mẹkẹnrin ihiẹn ndị ị sị ẹnyi e mẹ, makẹni y'e mẹ m e nwọn nghọta e nwọncheni.

Ẹbụ-ọma 119:40

Lee ẹ, ẹgụn nkuzi i a gụn m a gụn; gi ezi-omumẹ i ye m ndụn.

Ẹbụ-ọma 119:5

K'ọ rị m, m hụ e mẹ ọdịnalị i tumẹni ẹnyi, e mẹ wẹ ogẹn ile!

Ẹbụ-ọma 51:5

Onyẹ-njọ kẹ m wụ kete w'a mụlẹ m — kete nnẹ m a tụlẹ imẹ m!

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Matiu 15:19

Makẹni, obi kẹ ihiẹn ndịnị gha pụha: eje-iroro, igbu-ọchụn, ịna-nwunyẹ-ịhịan lẹ ịzọ-ụkụ-ye-ọfịa, ughẹrẹ ichẹn-ichẹn, Izun-ohin, ịshịa ẹri-ntụ lẹ ikuja oku ịhịan.

Luku 11:13

O mẹ nwan nị ụnụ ndị-njọ ma ye ụmụ ụnụ ihiẹn rị mma, nanị Nẹdi ahụn rị elu-igwee k'e yehan ndị rịọ a Mmọn-nsọ? O yekarịkọ ụnụ?”

Jọnụ 3:6

Hụn ịhịan mụ wụ ịhịan; hụn Mmọn-nsọ mụ wụ nke imẹ-mmọn.

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Ndị Rom 7:15

M'a ra ghọta ihiẹn m rị e mẹ. Makẹni, m'a ra mẹ ihiẹn m chọ nị m mẹ, kama, ihiẹn e ze m ize kẹ m'e mẹ.

Ndị Rom 7:19

M'a ra mẹ ihiẹn rị mma m chọ nị m mẹ, eje-ihiẹn m chọlẹni nị m mẹ kẹ m'e mẹ.

Ndị Rom 7:25

Ekele ya rịnị Osolobuẹ n'o jẹnkọ d'e mẹ ẹ ghahanị Di-nwọnni-ẹnyi wụ Jesu Kristi! Kẹ ihiẹn nọ nwan wụ nị: k'ọ rị m, e sọn m Iwu Osolobuẹ; kanị, kẹ m nọ, iwu njọ kẹ m'e sọn.

Ndị Rom 7:5

Makẹni, ogẹn ahụn enwẹn ẹnyi gi rị a kị ẹnyi, eje-ihiẹn ndị ahụn Iwu kpọtiẹn rị ọrụn mkpamkpa ẹhụ ẹnyi, a mịnị ọnwụn mkpụrụ.

Ndị Galeshịa 5:17

Makẹni, ihiẹn ịhịan-mmaka a chọ ẹlẹ ihiẹn Mmọn-nsọ a chọ; ihiẹn Mmọn-nsọ a chọ ẹlẹ ihiẹn ịhịan-mmaka a chọ. Wẹ ẹbụbụọ a lụsọn ibe wẹ ọgụn e gbọndọn i emẹlẹ ihiẹn ị chọ n'ị mẹ.

Ndị Galeshịa 5:24

Ndị hụn wụ nke Kraịstị Jizọsị a kpọgbugụọ ịhịan-mmaka wẹ te wụ lẹ ihiẹn a gụnn'a lẹ ihiẹn a sụọn'a elu obe Kraịstị.

Ndị Filipi 2:13

Makẹni Osolobuẹ ya rị ọrụn imẹ ụnụ ogẹn ile, e mẹ ụnụ a sa ẹka a họrị uche ẹ, e mẹzikwọ uche ẹ.

Ndị Filipi 3:12

Ẹlẹni e nwọnhẹngụọlẹ m ihiẹn ahụn mọbụ nị e zuchanrịngụọlẹ m oke. Kama, m'a chụshi ẹ ikẹn, kẹni m nwụndọn ihiẹn hụ Kraịstị wụ Jizọsị gi ufiri ẹ nwụndọn m.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Pita Ibuzọ 4:2

Ara bizi k'ọ rị a; kama, o bi ndụn a họdụnị elu-ụwa n'o mẹ uche Osolobuẹ.