Ndị Rom 6:4 - Ika

⁴ Ya wụ, e gigụọ wẹ mirin-Chuku wẹ mẹ ẹnyi ligbama ẹnyi lẹ Jesu, gi ẹ mẹ ẹnyi wụrụ ndị sọn ẹ nwụn, kẹni ẹnyi sọn ẹ lihi bimẹ ndụn ọhụn kẹ Nẹdi ẹnyi dọn gi ikẹn ẹ hi-ogbe mẹ ẹ gha ọnwụn lihi.

Ndị Rom 6:4 ပူးပေါင်းရင်းမြစ်များ

Jọnụ 11:40

Jizọsị nọ sị a, “Agwanị m'ị n'i jẹnkọ d'a hụn ikẹn Osolobuẹ omẹni y'e kwerighọ?”

Jọnụ 2:11

Imẹ Kana rị Galili kẹ Jesu nọ rụn ọrụn-atụmẹnya ibuzọnị o gi ghọsị onyẹ ọ wụ, ndị nsọnmazụụn a nọ kwerin'ẹ.

Ọrụn Ndị-ozi 2:24

Kanị Osolobuẹ nọ gha ọnwụn weli ẹ, gha ẹka ọnwụn gbapụha a, makẹni ọnwụn as'ẹka kwọndọn ẹ.

Ọrụn Ndị-ozi 2:32

Osolobuẹ a ghagụọ nwan ọnwụn weli Jesuni, ẹnyi ile rị ihun ụnụ kikẹnni gi ẹnya ẹnyi hụn a.

Ndị Rom 6:19

(M rị e ku ẹ hụ kẹ ịhịan e ku kẹni ọ nị ụnụ ghọha.) Kẹ ụnụ te dọn we mkpamkpa ẹhụ ụnụ ye ihiẹn-ụrụ lẹ eje-obibi nọkẹ igbọn — hụn ụnụ gi rị e bi eje-obibi, e biwaye, gizi ni nwan ẹrịra we mkpamkpa ẹhụ ụnụ ye ezi-omumẹ, kẹni ụnụ rị nsọ.

Ndị Rom 6:3

Ra ụnụ amarịn nị ndị ile wẹ gi mirin-Chuku buche imẹ Jesu Kristi, nị e gigụọ w'a bu wẹ che ọnwụn Jesu Kristi nwụn?

Ndị Rom 6:8

O mẹ nwan nị ẹnyi e sọngụọ Kraịstị nwụnhụn, ẹnyi e kwerighọ nị ẹnyi k'e sọnzi ẹ rịzị ndụn —

Ndị Rom 6:9

makẹni ẹnyi a marịnghọ nị hụnnị Kraịstị ghagụ ọnwụn lihi, ọ nwụnkọzị; ọnwụn enwọnzi ikẹn ebe ọ rị.

Ndị Rom 7:6

Kanị, ẹnyi e nwọnringụọ nwan enwẹn ẹnyi okpuru Iwu Mozizi, ẹnyi a nwụnnahịngụọ ihiẹn hụn te gini ẹnyi, kẹni ẹnyi hụn ụzọ femẹ ofufe ọhụn Mmọn-nsọ, ẹlẹzi ofufe-akan Iwu wẹ de.

Ndị Rom 8:11

Omẹni Mmọn onyẹ hụn gha ọnwụn weli Kraịstị bi imẹ ndụn ụnụ, onyẹ hụn weli Kraịstị sikọ d'e mẹzikwọ ẹhụ ụnụ a nwụnhụnnị n'ọ rị ndụn — ghahanị Mmọn a hụn bi imẹ ndụn ụnụ.

Ndị Kọrẹntị Ibuzọ 6:14

Osolobuẹ gi ikẹn ẹ gha ọnwụn weli Onyẹ-nwọnni-ẹnyi; o k'e welizi ẹnyi nwẹn.

Ndị Kọrẹntị Nke Ẹbụọ 13:4

Ọsụọn'a nị wẹ kpọgbu ẹ elu-obe nọkẹ onyẹ nwọnlẹni ikẹn, ọ hụzị nwan ndụn ghahanị ikẹn Osolobuẹ. Imẹ ẹ, ẹnyi nwẹn rịzịkwọ kẹ ndị nwọnlẹni ikẹn; kanị, o mẹ nke ẹka ẹnyi k'e gi sọn ụnụ, ẹnyi k'e sọn ẹ gi ikẹn Osolobuẹ bi, gi ikẹn Osolobuẹ hụ sọn ụnụ.

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Ẹfẹsọsụ 4:17

M rị nwan e gi ẹfan Di-nwọnni-ẹnyi a gba ụnụ mkpịnsịn ẹka, a gbashi ụnụ ya ikẹn: ebizilẹ ni kẹ ndị ghalẹni e fe Osolobuẹ, ndị iroro wẹ nwọnlẹni isi.

Ndị Ẹfẹsọsụ 5:8

Makẹni, ụnụ te rị imẹ ishi, kanị hụnnị ụnụ rị imẹ Di-nwọnni-ẹnyi, ụnụ wụ ukpẹ; e bi ni nwan kẹ ụmụ ukpẹ,

Ndị Kolosị 3:10

ụnụ e yirigụọ ndụn ọhụn hụn rị a marịnwaye onyẹ ken'ẹ, a rịwaye kẹ ịya.

Ndị Kolosị 4:1

Ndị hụn ịhịan rị okpuru wẹ, e gi ni ẹka rị mma e sọn wẹ; emẹgbulẹ ni wẹ. Nyanhankwọ nị nị ụnụ nwẹn e nwọnghọzị onyẹ ụnụ rị okpuru ẹ hụn rị elu-igwee.

Pita Ibuzọ 3:21

Wẹ gi ọnwan gwatọ ẹnyi kẹ mirin-Chuku dọn nwan a zụọpụha ịhịan kikẹnni: ẹlẹ wẹ rị e gi mirin-Chuku a wụpụ unyin rị ịhịan ẹhụ, kama, ịhịan gi ẹ a ghọsị Osolobuẹ n'o gi obi ẹ ile bịa d'e kunrun ẹ, ghahanị olihi Jesu Kristi gha ọnwụn lihi.

Jọnụ Ibuzọ 2:6

onyẹ hụn sị n'ọ rị imẹ ẹ sikọ d'e birịrị k'o dọn bi.