Ndị Rom 6:23 - Ika

²³ Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ndị Rom 6:23 ပူးပေါင်းရင်းမြစ်များ

Jẹnẹsisi 2:17

ka amakwọlẹ ama ri mkpụrụ osisi ahụn wẹ gi a marịn ihiẹn rị mma lẹ ihiẹn rịlẹni mma. Makẹni, ụhụọhịn i ri ẹ kẹ y'a nwụnhụn.”

Jẹnẹsisi 3:19

Ọbanje k'e sugụ ị i kebe hụn ihiẹn-oriri d'e ru mgbe i kin azụụn imẹ alị — makẹni alị kẹ m nọ weri i: ẹghẹẹ, ẹjan kẹ ị wụ; ẹjan kẹ y'a la.”

Itẹn 11:19

Ezigbo onyẹ ezi-omumẹ e nwọnhẹn ndụn, kanị onyẹ hụn a chụsọn eje-ihiẹn a la mmọn.

Azaya 3:11

Ọ masịkọnị ndị eje-omumẹ! Wẹ k'e mẹgwarị wẹ ihiẹn wẹ mẹ.

Azaya 3:9

Ihun wẹ hụ a shịagbu wẹ ẹri: wẹ hụdẹ e ghoro njọ wẹ nọkẹ ndị Sodọm; w'a ra zuemẹ ẹ. Nsọngbu rị e che wẹ! E sehẹgụọnị wẹ enwẹn wẹ ntikpọ.

Izikẹlụ 18:20

Onyẹ hụn mẹ njọ nwọn nwụn. Nwa ebukọ njọ nẹdi ẹ, nẹdi ebukọ njọ nwa a. Ezi-omumẹ onyẹ ezi-omumẹ kẹ w'a gụnnị onyẹ ezi-omumẹ, njọ onyẹ-njọ kẹ w'a gụnnị onyẹ-njọ.

Izikẹlụ 18:4

Makẹni mmẹ nwọn ndụn ịhịan ile, kẹ nke nẹdi kẹ nke nwa — mmẹ nwọn wẹ ile. Onyẹ hụn mẹ njọ nwọn nwụn.

Matiu 25:46

Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”

Jọnụ 10:28

M'e ye wẹ ndụn itẹbitẹ; alakọ wẹ iwi. Onwọnni onyẹ sikọ d'a napụ m wẹ.

Jọnụ 17:2

nọkẹ kẹ i dọn bu ịhịan ile che okpuru ẹ kẹni o ye ndị ile i ye ẹ ndụn itẹbitẹ.

Jọnụ 3:36

Onyẹ hụn kwerini Nwa Osolobuẹ nwọn ndụn itẹbitẹ; onyẹ kwerilẹnini Nwa Osolobuẹ ahụnkọ ndụn; kama, iwe-lẹ-ọnụma kẹ Osolobuẹ k'e gi sọn ẹ.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 4:36

Onyẹ rị a ghọnị hụ a ghọ, a narịn ụgwọ-ọrụn a, e kpọntọnị ndụn itẹbitẹ, kẹni hụn kụnn'a lẹ hụn ghọn'a nwọngbama ịghọghọ.

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Jọnụ 6:40

uche Nẹdi m wụ nị onyẹ hụn Nwa, kwerin'ẹ, jẹnkọ d'e nwọn ndụn itẹbitẹ; m sikọ d'e weli ẹ Ụhụọhịn ikpanzụụn.”

Jọnụ 6:68

Saịmọnụ wụ Pita nọ za a, sị, “Di-nwọnni-ẹnyi, onyẹ kẹ ẹnyi burukọ? Ịyụ e ku oku ndị e ye ndụn itẹbitẹ.

Ndị Rom 1:32

A marịnghọ wẹ nị Osolobuẹ sị ndị e mẹ ihiẹn nọ ẹrịra furu hụn a nwụnhụnnị, kanị ẹlẹni w'e mẹ wẹ sụọ, w'a kwadọnzidẹ ndị e mẹni wẹ.

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Rom 5:12

Ya wụ, kẹ njọ dọn gha ẹka okẹnnyẹ ohu wụ Adam banhan imẹ ụwa, buhẹ ọnwụn, ẹrịra kẹ ọnwụn dọn ru ịhịan ile ẹka makẹni ịhịan ile mẹ njọ.

Ndị Rom 5:17

Omẹni njọ okẹnnyẹ ohu ahụn wụ Adam kẹ ọnwụn gi ghaha ẹka a d'a kịma, kị k'e mẹ ndị nabanhan okẹn ẹfọma Osolobuẹ lẹ ezi-omumẹ o ye ọfẹ? Ya wụ nị o k'e wẹhẹni wẹ ndụn, ẹlẹzi ọnwụn — wẹ k'a rịferi ndụn wụ ndụn ghahanị okẹnnyẹ ohu hụ wụ Jesu Kristi.

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ndị Rom 6:16

Ụnụ amarịn nị onyẹ ụnụ we enwẹn ụnụ ye nị ịya kẹ ụnụ e humẹni isi kẹ ụnụ wụ igbọn ẹ? Omẹni njọ rọ, o buhẹ ọnwụn; omẹni ihumẹ-isi rọ, o buhẹ ezi-omumẹ.

Ndị Rom 6:21

Kị wụ nwan erere ihiẹn ndị ahụn ụnụ mẹ ogẹn ahụn — hụn rị nwan e mẹ ụnụ ifẹnrẹn? Ọnwụn, ya kẹ ihiẹn ndị ahụn e buhẹ!

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Rom 8:38

Makẹni, o we m ẹnya nị kẹ ọnwụn kẹ ndụn, kẹ ndị mmọn-ozi kẹ eje-mmọn ndị rị a kịnị, kẹ ihiẹn rị ogẹnni kẹ ihiẹn rị ihun, kẹ ikẹn ile rịnị;

Ndị Rom 8:39

kẹ ihiẹn jẹn elu kẹ ihiẹn mi mgbugbu, kẹ ihiẹn ọzọ ọwụlẹ wẹ ke eke — onwọnni hụn k'a saẹka wepụ ẹnyi imẹ ihiẹn-ọsụsụọ Osolobuẹ rị imẹ Kraịstị wụ Jizọsị Di-nwọnni-ẹnyi!

Ndị Rom 8:6

I ro iroro kẹ ịhịan-mmaka e buhẹ ọnwụn, kanị, iro iroro kẹ Mmọn-nsọ dọn chọ e ye ndụn lẹ udọn.

Ndị Galeshịa 3:10

Ndị hụ gi idọnmẹ Iwu e dọn ẹnya a wụrụọlẹ ndị wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ ghalẹni e dọnmẹ ihiẹn ile wẹ de imẹ ẹhụhụọ Iwu e họnringụọ onyẹ wẹ bụ ọnụ!”

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Jemisi 1:15

Ihiẹn-ọlịlẹnya kẹnrẹngụ, ọ mụ njọ; njọ karagụ, ọ mụ ọnwụn.

Jọnụ Ibuzọ 2:25

o kweọlẹ ẹnyi nkwa ndụn itẹbitẹ.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”