Ndị Rom 6:21 - Ika

²¹ Kị wụ nwan erere ihiẹn ndị ahụn ụnụ mẹ ogẹn ahụn — hụn rị nwan e mẹ ụnụ ifẹnrẹn? Ọnwụn, ya kẹ ihiẹn ndị ahụn e buhẹ!

Ndị Rom 6:21 ပူးပေါင်းရင်းမြစ်များ

Ndị-nze Nke Ibuzọ 2:26

Nke onyẹ nchụn-ẹjan wụ Abiata, eze sị a, “Lashi Anatọtụ d'a rụnma ugbo i. O te furu n'ị nwụn, kanị egbukọ m'ị kikẹnni, makẹni yụ buni Defidi nẹdi m Ẹkpẹti-nsọ Osolobuẹ, Onyẹ hụ Kachanrịnnị, du nẹdi m ta afụnfụn ile ọ ta.”

Ẹzra 9:6

mẹ ekpere, sị, “Euu Chuku m, ifẹnrẹn lẹ ịfanị anịnị m bu ihun zinmẹ i, Chuku m, makẹni njọ ẹnyi mẹ ejẹnnahịngụọ isi ẹnyi enu, ikpe manị ẹnyi e rugụọdẹ elu-igwere!

Jobu 33:27

Ogẹn ahụn, ọ gwama ịhịan, ‘E mẹọlẹ m njọ, kpọ ihiẹn rị mma eje-ihiẹn, kanị Chuku egichanrịnnị ihiẹn ile m mẹ sọn m.

Jobu 40:4

“Onwọnni ihiẹn m wụ, dodo — kịnị kẹ m k'a shịarị ị? E gigụọ m nwan ẹka kpukin ọnụ!

Jobu 42:6

Ifẹnrẹn enwẹn m e mẹgbugụọ m; E rogharịgụọ m nwan, a gwọrị m imẹ uzunzun lẹ ntụn!”

Ẹbụ-ọma 73:17

d'e ru n'a banye m Ụlọ-nsọ Chuku, m nọ ghọta ihiẹn rị e che ndị-njọ!

Itẹn 1:31

ụnụ jẹnkọ nwan d'e ri mkpụrụ hụn obibi ụnụ mịpụha, gi isi buru ihiẹn ụnụ romẹ, ẹfọ e jun ụnụ.

Itẹn 14:12

O nwọn ụzọ rị ịhịan mma ẹnya, kanị ọnwụn k'o shikọ.

Itẹn 16:25

O nwọnghọ ụzọ rị ịhịan mma ẹnya, kanị ọnwụn k'o shikọ.

Azaya 3:10

Gwa ndị ezi-omumẹ n'o k'a masịnị wẹ, makẹni wẹ jẹnkọ d'e ri ihiẹn wẹ rụn.

Jerimaya 12:13

“Ịhịan k'a kụn ọka alịnị kanị ogun kẹ w'a hụn ghọrị; wẹ k'a rụngbu enwẹn wẹ, kanị onwọnni ihiẹn wẹ k'a rụnpụha. Ụya ya ri ụnụ makẹni ugbo ụnụ emẹni ihiẹn — makẹni Osolobuẹ e gigụọ ọnụma sọn ụnụ.”

Jerimaya 17:10

“Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Jerimaya 3:3

Ya haịn m gi kwọndọn mirin, mirin udu-mirin ezuezini; bụ ụnụ hụkwọ e bu isi-ikẹn nọkẹ ịgbaraja, jụ nị ifẹnrẹn emẹkọ ụnụ.

Jerimaya 31:19

Kẹ m kpahugụ, e rohutọ m; kẹ m ghọtagụ, a kwan m, a fịan m ẹka obi; ifẹnrẹn nọ mẹ m, mẹgbuchanrịn m, makẹni njọ m mẹ kẹ m rị okoro kẹ m rị a ta afụnfụn a.”

Jerimaya 8:12

Ifẹnrẹn eje-obibi wẹ hụdẹ e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.’ ” Ya kẹ Osolobuẹ ku.

Izikẹlụ 43:11

Omẹni ifẹnrẹn ihiẹn ile wẹ mẹ e mẹghọ wẹ, y'e mẹ wẹ marịn kẹ Ụlọ-nsọ ahụn k'a nọ — ebe wẹ k'a tụnyesọnmẹ ihiẹn ndị rịn'a, ebe w'a gha a banye lẹ ebe w'a gha a pụ ogẹn ichẹn-ichẹn. Ya wụ, gwa wẹ k'o sikọ d'a rịchanrịn lẹ usọnrọn lẹ iwu ẹ ile. Nọ idẹnya wẹ detu ihiẹn ndịnị kẹni wẹ sọnchanrịn iwu lẹ usọnrọn ẹ ile.

Daniẹlụ 12:2

Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ.

Ndị Rom 1:32

A marịnghọ wẹ nị Osolobuẹ sị ndị e mẹ ihiẹn nọ ẹrịra furu hụn a nwụnhụnnị, kanị ẹlẹni w'e mẹ wẹ sụọ, w'a kwadọnzidẹ ndị e mẹni wẹ.

Ndị Rom 5:12

Ya wụ, kẹ njọ dọn gha ẹka okẹnnyẹ ohu wụ Adam banhan imẹ ụwa, buhẹ ọnwụn, ẹrịra kẹ ọnwụn dọn ru ịhịan ile ẹka makẹni ịhịan ile mẹ njọ.

Ndị Rom 6:16

Ụnụ amarịn nị onyẹ ụnụ we enwẹn ụnụ ye nị ịya kẹ ụnụ e humẹni isi kẹ ụnụ wụ igbọn ẹ? Omẹni njọ rọ, o buhẹ ọnwụn; omẹni ihumẹ-isi rọ, o buhẹ ezi-omumẹ.

Ndị Rom 6:23

Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ndị Rom 7:5

Makẹni, ogẹn ahụn enwẹn ẹnyi gi rị a kị ẹnyi, eje-ihiẹn ndị ahụn Iwu kpọtiẹn rị ọrụn mkpamkpa ẹhụ ẹnyi, a mịnị ọnwụn mkpụrụ.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Rom 8:6

I ro iroro kẹ ịhịan-mmaka e buhẹ ọnwụn, kanị, iro iroro kẹ Mmọn-nsọ dọn chọ e ye ndụn lẹ udọn.

Ndị Kọrẹntị Nke Ẹbụọ 4:2

Ẹnyi a jụgụọ ihiẹn-ifẹnrẹn ndị hụ ịhịan e zuemẹ; ẹnyi ara mẹ ẹro mọbụ tụ ntụ ye oku Osolobuẹ. Kama, ẹnyi hụ e kuchanrịn ezioku k'ọ nọ, e gi ẹ e we enwẹn ẹnyi a ghọsị ịhịan ile idẹnya Osolobuẹ, kẹni wẹ e gi akpakalị obi wẹ e lele kẹ ẹnyi nọ.

Ndị Kọrẹntị Nke Ẹbụọ 7:11

Makẹni ọ fụghọ ụnụ ụdị hụn Osolobuẹ chọ, ụnụ ahụnnị nwan kẹ imẹ-mma dọn rị a dụ ụnụ?! K'o dọn mẹ ụnụ kinrin ọnụ ụnụ! Kẹ eje-ihiẹn zehan ụnụ ize! K'o gbuhan ụnụ ẹhụ! Lee ihiẹn m rị a da ụnụ! Lee mbọ ile ụnụ gba! Lee afụnfụn ụnụ ye onyẹ hụn mẹfieni! Ụnụ a ghọsịchanrịngụọ nị ẹka ụnụ a rị ihiẹn mẹni.

Ditrọnọmi 17:6

Ẹri mmadụ ẹbụọ mọbụ ẹtọ shịa kẹ wẹ gi e gbu ịhịan; egikọ wẹ ẹri onyẹ ohu sụọ gbu ịhịan.

Ditrọnọmi 21:22

Omẹni ịhịan mẹ njọ hụn wẹ gi m'a ikpe-ọnwụn, nị ọnụ e hogbu ẹ elu osisi,

Ndị Filipi 3:19

Wẹ shikọ ntikpọ; ẹfọ wẹ wụ Chuku wẹ; ihiẹn nkẹ e mẹ wẹ ifẹnrẹn kẹ wẹ gi a nyan isi; ihiẹn-ụwa ihiẹn-ụwa kẹ wẹ e ro.

Hibru 10:29

elee ụdị afụnfụn k'i ro nị wẹ k'e ye onyẹ hụn legberi Nwa Osolobuẹ, lelịa ẹdeke nkwerigbama hụ wẹ gi dọn ẹ nsọ, kpasu Mmọn-nsọ wẹ gha mẹn'ẹ ẹfọma iwe?

Hibru 6:8

Kanị, o pumẹ ogun-lẹ-ọkịnkan, ọ bannị erere ọwụlẹ, Osolobuẹ e d'a bụ a ọnụ; ọkụn kẹ wẹ k'a dụn a.

Jemisi 1:15

Ihiẹn-ọlịlẹnya kẹnrẹngụ, ọ mụ njọ; njọ karagụ, ọ mụ ọnwụn.

Jemisi 5:20

hụn wekinhẹnn'ẹ ya marịn nị onyẹ wekinhẹn onyẹ-njọ kpahukọnị a zụọpụhaọlẹ onyẹ njọ ẹka ọnwụn, kpumẹ njọ bu ọda.

Pita Ibuzọ 4:17

Makẹni, o ruọlẹ ogẹn okinkin-ikpe e gi bidọn imẹ ụlọ Osolobuẹ. Omẹni ọ gha ẹka ẹnyi bidọn, kịnị k'e mẹ ndị nupụ isi okpuru oziọma Osolobuẹ?

Jọnụ Ibuzọ 2:28

Ẹghẹẹ ụmụẹka, nọdị nị imẹ ẹ, kẹni obi ru ẹnyi ile alị ogẹn o gi bịa, amamgbe ifẹnrẹn e mẹ ẹnyi ihun ẹ Ụhụọhịn o k'a bịa.

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”

Rẹvẹleshọnụ 20:14

Ya wẹ nọ tụ Ọnwụn lẹ Alị-mmọn ye imẹ odiyiri ọkụn hụ. Odiyiri ọkụnnị wụ ọnwụn nke mgbe ẹbụọ.