Ndị Rom 6:13 - Ika

¹³ ewelẹ ni mkpamkpa ẹhụ ụnụ ye njọ gi họnrin ihiẹn-ọrụn o gi e mẹ eje-ihiẹn. Ka wechanrịn nị enwẹn ụnụ ye Osolobuẹ nọkẹ ndị wẹ ghagụ ọnwụn weli hụn rị ndụn; ụnụ e wechanrịn mkpamkpa ẹhụ ụnụ ile ye Osolobuẹ n'o gi họnrin ihiẹn-ọrụn ezi-omumẹ.

Ndị Rom 6:13 ပူးပေါင်းရင်းမြစ်များ

Ihiẹn Mẹni Nke Ẹbụọ 30:8

Ebukwọlẹ ni isi-ikẹn nọkẹ ndị nẹdi ụnụ; humẹni ni Osolobuẹ isi. Bịa nị Ụnọ-nsọ hụn o dọn nsọ jẹnrin ejẹn. Fe ni Osolobuẹ wụ Chuku ụnụ, kẹni olulu ọkụn ọ rị e busọn ụnụ rọ.

Ẹbụ-ọma 37:30

Oku hụn a gha onyẹ ezi-omumẹ ọnụ a pụha wụ amamihiẹn-amamihiẹn; ezioku-ezioku k'o ku.

Itẹn 12:18

Oku-ọnụ onyẹ e kugụ d'e ro e wu kẹ ọpịa-agha, kanị oku-ọnụ ndị marịn ihiẹn e mẹ ịhịan a dịnhịn.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Izikẹlụ 18:4

Makẹni mmẹ nwọn ndụn ịhịan ile, kẹ nke nẹdi kẹ nke nwa — mmẹ nwọn wẹ ile. Onyẹ hụn mẹ njọ nwọn nwụn.

Daniẹlụ 3:28

Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.

Luku 15:24

makẹni nwa m nị te nwụnhụn anwụnhụn, kanị ọ rị nwan ndụn; o te tuhu etuhu, kanị a hụngụọ m'a nwan.’ Wẹ nọ rimẹ oriri, ghọghọma.

Luku 15:32

O furu nị ẹnyi ri oriri, ghọghọ, makẹni nwẹnẹ i ni te nwụnhụn anwụnhụn, kalẹ ọ rị nwan ndụn; o te tuhu etuhu, kanị, a hụngụọ w'a nwan.’ ”

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Ndị Rom 1:29

ihiẹn ile rịlẹni mma e jun imẹ wẹ: kẹ eje-ihiẹn kẹ ẹnya-uku kẹ iwe kẹ iwe-ẹnya kẹ igbu-ọchụn kẹ ikpe kẹ ẹro kẹ ịchọ-njọ; e họnrin wẹ ndị-ọghẹlẹ,

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Rom 6:11

Ụnụ nwẹn, weri ni nwan enwẹn ụnụ kẹ ndị nwụnnahịngụ njọ lẹ ndị nọ imẹ Kraịstị wụ Jizọsị a rịnị Osolobuẹ ndụn.

Ndị Rom 6:16

Ụnụ amarịn nị onyẹ ụnụ we enwẹn ụnụ ye nị ịya kẹ ụnụ e humẹni isi kẹ ụnụ wụ igbọn ẹ? Omẹni njọ rọ, o buhẹ ọnwụn; omẹni ihumẹ-isi rọ, o buhẹ ezi-omumẹ.

Ndị Rom 6:19

(M rị e ku ẹ hụ kẹ ịhịan e ku kẹni ọ nị ụnụ ghọha.) Kẹ ụnụ te dọn we mkpamkpa ẹhụ ụnụ ye ihiẹn-ụrụ lẹ eje-obibi nọkẹ igbọn — hụn ụnụ gi rị e bi eje-obibi, e biwaye, gizi ni nwan ẹrịra we mkpamkpa ẹhụ ụnụ ye ezi-omumẹ, kẹni ụnụ rị nsọ.

Ndị Rom 7:23

Kanị, iwu ichẹn kẹ m rị a hụn rị ọrụn imẹ ẹhụ m, a lụsọn Iwu ahụn rị m mma ọgụn, e mẹ m a gbaye njọ hụn rị ọrụn mkpamkpa ẹhụ m.

Ndị Rom 7:5

Makẹni, ogẹn ahụn enwẹn ẹnyi gi rị a kị ẹnyi, eje-ihiẹn ndị ahụn Iwu kpọtiẹn rị ọrụn mkpamkpa ẹhụ ẹnyi, a mịnị ọnwụn mkpụrụ.

Ndị Kọrẹntị Ibuzọ 6:15

Ụnụ amarịn nị ẹhụ ụnụ wụchanrịn mkpamkpa ẹhụ Kraịstị? Nị m gi nwan mkpamkpa ẹhụ Kraịstị họnrin mkpamkpa ẹhụ ịgbaraja? O mẹkọ!

Ndị Kọrẹntị Ibuzọ 6:20

Wẹ ṅọn ụnụ e ṅọn; e gi ni nwan ẹhụ ụnụ e ye Osolobuẹ ọghọ.

Ndị Kọrẹntị Ibuzọ 6:9

Ụnụ amarịn nị ndị e mẹ eje-ihiẹn abanyekọ Alị-eze Osolobuẹ? Anịkwọlẹ ni wẹ dufie ụnụ! Ndị ughẹrẹ lẹ ndị e fe ihiẹn ọzọ lẹ ndị a zọ-ụkụ-eye-ọfịa lẹ ndị wẹ lẹ nwunyẹ ịhịan a ranhịn lẹ ikẹnnyẹ wẹ lẹ ikẹnnyẹ ibe wẹ e mẹ mgba lẹ

Ndị Kọrẹntị Nke Ẹbụọ 10:4

Makẹni, ihiẹn-ọgụn ẹnyi ẹlẹ nke ndị-ụwa, kama, ihiẹn-ọgụn ẹnyi wụ ikẹn Osolobuẹ, hụn wẹ gi e tikpọsọnmẹ ebe zeni lẹ ihiẹn ndị hụ zeni. Ẹnyi e wiwi iroro ile ghalẹni a kwadọn oku-Osolobuẹ

Ndị Kọrẹntị Nke Ẹbụọ 5:14

Ihiẹn-ọsụsụọ Kraịstị rị e nu ẹnyi, makẹni o wegụọ ẹnyi ẹnya nị, ebe o mẹ ni onyẹ ohu a nwụnhụngụọnị ịhịan ile ọnwụn, ya wụ nị ịhịan ile a nwụnhụngụọ.

Ndị Kọrẹntị Nke Ẹbụọ 5:15

Ọ nwụnnị ịhịan ile ọnwụn kẹni ndị rị ndụn bibehini enwẹn wẹ, kama, nị wẹ e bini onyẹ hụ gi ufiri wẹ nwụnhụn, Osolobuẹ e gizi ufiri wẹ weli ẹ.

Ndị Kọrẹntị Nke Ẹbụọ 8:5

ẹlẹdẹ kẹ ẹnyi ro: e bugụọ wẹ ụzọ we enwẹn wẹ ye Di-nwọnni-ẹnyi, ya wẹ nọ nwan we enwẹn wẹ ye ẹnyi nị uche Osolobuẹ rọ.

Ndị Ẹfẹsọsụ 2:5

ọsụọn'a nị njọ ẹnyi e te gbugụọ ẹnyi, ọ nọ gha ọnwụn wepụha ẹnyi, mẹ ẹnyi sọn Kraịstị rịzị ndụn. Ẹfọma Osolobuẹ mẹ kẹ ụnụ gi nwọn nzụọpụha.

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Ditrọnọmi 25:16

Makẹni onyẹ ọwụlẹ e mẹ ihiẹn nọ ẹnịna, onyẹ ọwụlẹ e mẹgbu ịhịan, rụ arụ ẹnya Osolobuẹ wụ Chuku ụnụ.

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Ndị Kolosị 2:13

Ụnụ te nwụnhụn anwụnhụn yeni mmẹfie lẹ obibi ndị wẹ kwalẹni ezigbo ugun wepụ onyẹ wẹ te wụ, kanị Osolobuẹ nọ mẹ ụnụ sọn Kraịstị rị ndụn, ọ gbagharị ẹnyi njọ ile ẹnyi mẹ.

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Ndị Tẹsalonika Nke Ẹbụọ 2:12

Osolobuẹ k'e mẹ ẹ kẹn'o gi ẹ ma wẹ ikpe, uwẹ ile gilẹni ezioku dọn, eje-ihiẹn ka a sụọ.

Timoti Nke Ẹbụọ 2:15

A lịlịma n'ị y'a ghọsị n'ị wụ onyẹ Chuku kwadọn; onyẹ-ọrụn nwọnlẹni ihiẹn ifẹnrẹn e gi mẹ ẹ, hụn marịn ẹnya oku-Chuku oku ahụn wụ ezioku, a kuzi ẹ ọhụnma.

Jemisi 4:1

Kị rị e buhẹ ikpe imẹ igunrun ụnụ? Kị rị e buhẹ ọgụn imẹ igunrun ụnụ? Ẹlẹ ihiẹn a gụnnị ụnụ hụn rị a lụ agha imẹ obi ụnụ?

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 4:2

Ara bizi k'ọ rị a; kama, o bi ndụn a họdụnị elu-ụwa n'o mẹ uche Osolobuẹ.

Jọnụ Ibuzọ 1:9

Kanị ẹnyi kupụha njọ ẹnyi, onyẹ wẹ gi e dọn ẹnya lẹ onyẹ-ezioku k'ọ wụ, o k'a gbagharị ẹnyi njọ, chanpụchanrịn ẹnyi ihiẹn ile rịlẹni mma ẹnyi mẹ.