Ndị Rom 6:12 - Ika

¹² Anịlẹ ni nwan njọ a kị ẹhụ ụnụ, e mẹ ụnụ a gbaye eje-ihiẹn a gụnsọnmẹ ẹhụ ụnụ;

Ndị Rom 6:12 ပူးပေါင်းရင်းမြစ်များ

Jẹnẹsisi 4:7

I mẹ ihiẹn rị mma, anabanhankọ m'ị? Kanị, omẹni y'e gini ẹka rị mma sọn ihiẹnni, lẹhụ, njọ warị ọnụmụzọ; ọ rị a chọ ị. Mẹrikwọ a!”

Ẹbụ-ọma 119:133

Dodo, a ghọsị m ebe m'a zọye ụkụ, kẹ i dọn kwe nkwa; anịkwọlẹ njọ ọwụlẹ kị m!

Ẹbụ-ọma 19:13

Anịkwọlẹ odibo i e mẹ njọ ọ marịngụ, anịkwọlẹ wẹ kị m — kẹni m wụrụ onyẹ zu oke, ghalẹni e mẹ njọ ahụn jọgbu enwẹn ẹ.

Lẹvitikọsụ 13:40

“Ntutu ịhịan wiripụ, han a gbe akpan, onyẹ hụ hụghọ ọchan.

Ọgụngụn 33:55

“Kanị, omẹni ụnụ achụpụnị ndị alị ahụn, ndị ụnụ latọ k'a wụrụ ntu k'a dụnsọnmẹ ụnụ ẹnya lẹ ogun k'a dụnsọnmẹ ụnụ ẹkụnkụn; wẹ k'e ye ụnụ nsọngbu imẹ alị ahụn ụnụ sikọ d'e bi —

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Ndị Rom 2:8

Kanị, Osolobuẹ k'e gi iwe-lẹ-ọnụma a sọn ndị hụn a chọ nke-wẹ nke-wẹ, a jụ ezioku, e sọn eje-ihiẹn;

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ndị Rom 6:14

Ẹghẹẹ, njọ akịkọ ụnụ, makẹni ụnụ arịzị okpuru iwu, kanị okpuru ẹfọma.

Ndị Rom 6:16

Ụnụ amarịn nị onyẹ ụnụ we enwẹn ụnụ ye nị ịya kẹ ụnụ e humẹni isi kẹ ụnụ wụ igbọn ẹ? Omẹni njọ rọ, o buhẹ ọnwụn; omẹni ihumẹ-isi rọ, o buhẹ ezi-omumẹ.

Ndị Rom 8:11

Omẹni Mmọn onyẹ hụn gha ọnwụn weli Kraịstị bi imẹ ndụn ụnụ, onyẹ hụn weli Kraịstị sikọ d'e mẹzikwọ ẹhụ ụnụ a nwụnhụnnị n'ọ rị ndụn — ghahanị Mmọn a hụn bi imẹ ndụn ụnụ.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Kọrẹntị Nke Ẹbụọ 4:11

Makẹni, ọnwụn hụ a kpọ ẹnyi ihun ogẹn ile makẹ ufiri Jizọsị, kẹni wẹ gi ẹhụ ẹnyini jụ n'ọ nwụnkọ a hụn nị Jizọsị rị ndụn.

Ndị Kọrẹntị Nke Ẹbụọ 5:4

Makẹni, hụnnị ẹnyi rịkwọ imẹ ẹhụnị, imẹ ọdụnị, ẹnyi hụ a sụn udẹn makẹni ibu rị a nyịn ẹnyi. Ẹlẹni ẹnyi chọ nị ẹnyi gba ọtọ, kama, ẹnyi chọ nị wẹ yimẹzi ẹnyi hụn-ẹbọ ahụn, kẹni ndụn luepụ hụn a nwụnhụnnị, weri ọnọdị a.

Ndị Galeshịa 5:16

M sị ụnụ, a nị nị nwan Mmọn-nsọ a kị ụnụ, makẹ ụnụ gha e mẹ kẹ ịhịan-mmaka.

Ndị Galeshịa 5:24

Ndị hụn wụ nke Kraịstị Jizọsị a kpọgbugụọ ịhịan-mmaka wẹ te wụ lẹ ihiẹn a gụnn'a lẹ ihiẹn a sụọn'a elu obe Kraịstị.

Ndị Ẹfẹsọsụ 2:3

Eziẹ, ẹnyi ile e te bi k'ọ sụọ ẹnyi nọkẹ wẹ, e mẹ kẹ ẹhụ ẹnyi lẹ obi ẹnyi chọ. Iwe-lẹ-ọnụma Osolobuẹ te hụ e che ẹnyi nọkẹ ndị ọzọ ile.

Ndị Ẹfẹsọsụ 4:22

Nị ụnụ jẹnkọ nwan d'a ma eje-obibi hụ ụnụ te rị e bi tuhu, onyẹ hụ ụnụ wụ mbụ rehigụ ihun lẹ azụụn makẹni ihiẹn ọlịlẹnya e dufiegụ a;

Ditrọnọmi 7:2

o wegụ wẹ che ụnụ ẹka mẹri, gbuchanrịnkwọ nị wẹ ru alị. Y'e nwọnkwọlẹ ihiẹn k'e kwọngbama ụnụ lẹ wẹ! Emẹkwọlẹ ni omikẹn wẹ!

Ndị Tẹsalonika Ibuzọ 4:5

ẹlẹ hụn ẹgụn imẹ-mgba e gi e nuhunmẹ ẹ kẹ ndị marịnlẹni Osolobuẹ;

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Taịtọsụ 2:12

Ẹfọma ahụn a kuzi ẹnyi ịjụ obibi rịlẹni mma ẹnya Osolobuẹ lẹ ịjụ ihiẹn-ọlịlẹnya ụwanị; ọ kuzi ẹnyi igi uche e bi lẹ ibi obibi kụrụ ọtọ lẹ ịtụ egun Osolobuẹ — imẹ ụwanị ẹnyi rị,

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Pita Ibuzọ 1:14

Nọkẹ ezi ụmụ hụn e humẹ isi, mẹbehi ni ihiẹn ndị hụ te rị a gụn ụnụ kẹ ụnụ kelẹni marịn Jizọsị.

Pita Ibuzọ 2:11

Ezigbo umunẹ m, m rị a rịọ ụnụ nọkẹ ndị wụ abịamabịa lẹ ndị rịlẹni alị wẹ, gbanị nị eje-ẹgụn a lụsọn umẹ-ndụn ụnụ agha ọsọ.

Judu 1:16

Ogẹn ile kẹ ndịnị gi e dẹnnwịnnwịn, a kọrịanị ịhịan, e mẹ ihiẹn gụnnị wẹ; w'e kukarị enwẹn wẹ, e gi ọnụ-ọma a tụnarịn ịhịan ihiẹn wẹ.

Judu 1:18

Wẹ gwa ụnụ nị “Ndị-nlelịa k'a pụha ogẹn ikpanzụụn, ndị e mẹ ihiẹn rị a gụnnị wẹ.”

Ndị Han Eṅẹn 2:3

M rị nwan a gwa ụnụ nị achụpụkọzịnị m ụnụ wẹ; wẹ jẹnkọ d'a wụrụ ogun ẹkụnkụn ụnụ, mmọn-lẹ-iyi wẹ e họnrin ni ụnụ ọnyan.”