Ndị Rom 5:9 - Ika

⁹ Hụnnị Osolobuẹ gi ufiri ẹdeke Jesu kuni ẹnyi ọhụnma, ya wụ nị ẹnyi jẹnkọ d'a wanahịnchanrịn iwe-lẹ-ọnụma Osolobuẹ ghahanị Jesu.

Ndị Rom 5:9 ပူးပေါင်းရင်းမြစ်များ

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Ndị Rom 1:18

Iwe-lẹ-ọnụma Osolobuẹ gha elu-igwee e sọn ndị ile a gbakitọ Osolobuẹ azụụn lẹ ndị ile e mẹ njọ, ndị gi eje-ihiẹn wẹ e mẹ e gbọndọn ezioku.

Ndị Rom 5:1

Ebe o mẹ nwan nị Osolobuẹ e gigụọ okukwe ẹnyi kuni ẹnyi ọhụnma, ẹnyi lẹ Osolobuẹ e dọngụọ nwan ghahanị Di-nwọnni-ẹnyi wụ Jesu Kristi,

Ndị Rom 5:10

Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Rom 8:1

Ya wụ, onwọnzini nwan ikpe hụn ma ndị rị imẹ Kraịstị wụ Jizọsị, ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Rom 8:30

Ndịnị ọ họtọ k'ọ kpọ; ọ kpọgụ wẹ, ọ nọ kuni wẹ ọhụnma, ya ọ nọ ye wẹ ọghọ.

Ndị Ẹfẹsọsụ 2:13

Kanị, makẹni ụnụ rị imẹ Kraịstị wụ Jizọsị, e gigụọ wẹ nwan ẹdeke Kraịstị, ọnwụn Kraịstị, wezụhan ụnụ te rị ebe teni.

Ndị Ẹfẹsọsụ 2:3

Eziẹ, ẹnyi ile e te bi k'ọ sụọ ẹnyi nọkẹ wẹ, e mẹ kẹ ẹhụ ẹnyi lẹ obi ẹnyi chọ. Iwe-lẹ-ọnụma Osolobuẹ te hụ e che ẹnyi nọkẹ ndị ọzọ ile.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Hibru 9:22

Okpuru Iwu Mozizi, o d'a wụrụ nị ẹdeke kẹ wẹ gi e dọn ihiẹn ile nsọ: omẹni ẹdeke arịa, mgbagharị njọ arịkọ.

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.