Ndị Rom 5:8 - Ika

⁸ Kanị, nke Osolobuẹ, ọ ghọsịgụọ ẹnyi n'o nwọn ihiẹn-ọsụsụọ ẹnyi ọda-ọda ebe Kraịstị nọ nwụnnị ẹnyi kẹ ẹnyi rịkwọ imẹ njọ!

Ndị Rom 5:8 ပူးပေါင်းရင်းမြစ်များ

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Jọnụ 15:13

Onwọnni onyẹ nwọn ihiẹn-ọsụsụọ ka ọnwan: nị ịhịan gi ufiri ndị ọwụ a we ndụn a ye.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Ndị Rom 3:5

O mẹ nwan nị eje-omumẹ ẹnyi e mẹ wẹ a hụnchanrịn ezi-omumẹ Osolobuẹ, kị ẹnyi e ku nwan? Nị ẹnyi sị nwan nị Osolobuẹ mẹ njọ ebe ọ nọ ye ẹnyi afụnfụn? (M rị e ku ẹ kẹ ịhịan).

Ndị Rom 4:25

Osolobuẹ gi ufiri njọ ẹnyi we Jesu ye n'ọ nwụnhụn, ghazị ọnwụn weli Jesu kẹni o gi ifiri Jesu kuni ẹnyi ọhụnma.

Ndị Rom 5:20

Iwu Mozizi banhanhụ d'e mẹ ịhịan danwaye iwu. Kanị ebe njọ nọ barahị kẹ ẹfọma Osolobuẹ nọ a karịdẹ ẹka —

Ndị Rom 5:6

Makẹni, Kraịstị nwụndọnni ẹnyi ndị njọ ọnwụn ogẹn ndụn gilẹni rị ẹnyi, ogẹn o gi rịchanrịn mkpa.

Ndị Rom 5:7

Ọ fụdẹ ọrụn ọda-ọda nị ịhịan nwụndọnni onyẹ ezi-omumẹ; ikẹnkwọ nị ịhịan s'ẹka nwụndọnni onyẹ o mẹni ọ rịka mma ọnwụn.

Ndị Rom 8:32

Omẹni Osolobuẹ etuni nị Nwa a rọ, kama, o gi ufiri ẹnyi ile we ẹ ye, o yechanrịnkọ ẹnyi ihiẹn ndị ọzọ ile?

Ndị Rom 8:39

kẹ ihiẹn jẹn elu kẹ ihiẹn mi mgbugbu, kẹ ihiẹn ọzọ ọwụlẹ wẹ ke eke — onwọnni hụn k'a saẹka wepụ ẹnyi imẹ ihiẹn-ọsụsụọ Osolobuẹ rị imẹ Kraịstị wụ Jizọsị Di-nwọnni-ẹnyi!

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Ẹfẹsọsụ 2:7

Osolobuẹ mẹ ọnwan n'o gi ẹfọma o mẹni ẹnyi imẹ Kraịstị Jizọsị ghọsị agbọ ile lalanị ẹfọma a ka ẹfọma,

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Timoti Ibuzọ 1:16

Kanị, ufiri ẹ kẹ Osolobuẹ gi mẹni m omikẹn, mmẹ hụn kachanrịn njọ e mẹ, kẹni Kraịstị wụ Jizọsị gi m ghọsịchanrịn ndidin zu oke, gi m mẹ ihiẹn nleri, kẹni ndị ọzọ k'e kwerin'ẹ gi ẹ marịn nị wẹ nwẹn sikọ d'e nwọnzi ndụn itẹbitẹ.

Hibru 8:3

Iye-oyiye lẹ ịchụn-ẹjan haịn wẹ gi e tumẹ onyẹ-isi nchụn-ẹjan. Ya wụ nị o k'e nwọnrịrị ihiẹn onyẹ nchụn-ẹjannị ẹnyi rị e ku oku ẹ e ye lẹ ẹjan ọ chụn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Jọnụ Ibuzọ 3:16

Ihiẹn ẹnyi gi a marịn ihiẹn-ọsụsụọ wụ ọnwan: nị Kraịstị gi ufiri ẹnyi we ndụn a ye. O furu nwan nị ẹnyi nwẹn ye ndụn ẹnyi makẹ ufiri ibe ẹnyi.